قسمن بالله العظيم اني فله شوفوو كيف شديت الانتباه بأسم الموضوع والدليل عدد الزوار <<< اقول انثبر مابعد تكمل الموضوع وتقول زوار ؟ :D
الا على فكره وردة الجوري كم عدد الصور المسموحه بالكتابه ودي اسوي نسخ ولصق وانزل موضوع بس صور << على باله شات وبسوي تهنيق للمنتدى :D
المهم شباب بنات قبل لاتكفخوني وتقولو وش يبي ذا داخل عرض من زمان ماجا وجاي يقط وجهه ويتميلح ومصالته زايده احب اقولكم اقرو الموضوع بعدين احكمو واذا ماعجبكم اقترح انكم تسوون فورمات لاجهتزكم عشان الجهاز مايخرب << حاط فيروس بالموضوع :D
بعد هالمقدمه الجميله سوف اسرد لكم قصتي في فترة انقطاعي من المنتدى وما حدث من تفاصيل ممله يتعب البزر انه يفهمها ويشيب شعر الشايب انه يفككها << وش رايكم بالسجع
القصه ...
في قديم الزمان وسالف العصر والاوان وبأسم خشم جهيمان كان ذاك اليوم الجو فله.. طال عمركم طاح مطر وكل عيال الحاره طالعين بهافات ومطلعين عصاقيلهم ويناقزون ويقولون " طاح المطر على الطين الله يسلم فلسطين اليهود اعدائنا .. الخ << امانه ماتحسون غبار طلع من فمي؟ خخخ ..كنت توي فاصل النت وطلعت برا البيت للجامعه لان علي كلاس القاء محاظره للطلاب عن موضوع معين يحدث هذي الايام... عاد انا من زين خشتي وثقافتي مختار عن الحرب عن العراق وبلقي رأيي عن الحرب بشكل عام... المهم دخلت الكلاس وقالي الدكتور ابدأ يامستر ازيز (عبدالعزيز) .. والمهم وابدا واحتسي واقط خيط وخيط .. .طبعا كوني انسان عربي مسلم يشهد ان لا اله الا الله لابد ان اكون معارض.. وجلست اتكلم واقرقر عليهم ... وشوي واحس الميانه طاحت قمت اسب في بوش واطيح في وزير الدفاع حقهم اسمه دونالد العتيبي :D .. وانا حظرتي جالس فاك خشتي ولاب حاس بالسالفه وماخذ راحتي على بالي امريكا بلد الحريه جلست احش في خلق الله خخخ.. فجأه لحظت رجال من بين الحظور مطلع مسدس صغير ويأشر عليه اللي فهمته منه انثبر ولا تحش في بوش وربعه لاقوم اتوطاك واسدحك بالارض صريعا.. انا تعرفوني شجاع على طول غيرت الموضوع واقول بوووش والله انه فله وحبوب تصدقون مره لعبت معه بلوت وقطع في بنت السبيت ورميته بقوطي بيبسي :D << دفش .. المهم اني جلست امدح فيهم .. وفي غمضة عين الا مر الجنرال الامريكي مدري وش يسمونه المهم انه شكله قطعة خنزير بس مكبره شوي .. وشاف كلامي ومدحي بالرئيس واقول هذا ارهابي وهذاك لا طيب ويحب الخير .. انعجب بكلامي ووقف يناظر بأعجاب وانا مع راسي جالس اتميلح كل شوي احك في خشمي من زود الحلاه ... ( شخ تشق خش) << صوت الولاعه الحين وانا توي مولع الزقاره خخخ...
المهم يوم خلصت من كلامي سألوني بعض الطلاب واللي حاظرين اسئله وجاوبت عليهم بكل براعه حتى واحد قالي وش رايك بحادثة الاسرى والصور المؤلمه اللي شفناها .. قلت له " يابني انا ماشفتش حاقه لاتورطني مع الحكومه هيا ادرا مننا كلينا" .. بعد مانتهو الطلاب من الاسئله جاني هذا الجنرال وصفق لي وقالي ياخي انت فله ياتويكس انا بنفسي راح اجيبك معنا في المناقشه اللي بتكون بكره ضد وزير الدفاع دونالد سيفيلد وابيك تكون من ضمن المؤيدين وتبرر اسباب تعذيب الاسرى بأسلوبك الراقي .. قال : معك الجنسيه الامريكيه؟ قلت له ايه .. قالي زين اختصرت وقت علينا...وتواعدنا انا معه في ستار بكس الساعه 8 الصبح ويكون نقطة انطلاقنا من هناك لارض المعركه اقصد للمناظره...
رحت البيت وانا اتناقز من الفرحه قلت زين بصير مشهور بعدين لما ارجع السعوديه واتمشى بأسواق الراشد كل البنات بناظروني << سعودي :D .. ورحت شقتي وانسدحت بالفراش وجالس اتخيل وشوي من الحماس اقوم انقز من الفراش واحاول اسوي تمارين واحيان اجلس عند المرايه واطالع كيف حركة خشمي وانا اتكلم والحمدلله ضبطته وسويت فله سمكره شوي خخ ...المهم يوم نمت حلمت حلم .. حلمت اني قابلت الجنرال بستار بكس وانا كاشخ ببدله رسميه وسديري اسود صغير خخخخخخخخخخ .. شوي ويوم ركبت سيارة الوزير طبعا كانت كاديلاك جديد .. فجأه دخل بالحلم اخوي الصغير الماصل يقولي عذيذ (عزيز) تعال العب معي منبولي :D .. صحيت من الحلم وتعوذت من ابليس ونمت مره ثانيه....
صحيت الصباح واخذت لي شور وحلقت اللحيه وسويت سكسوكه خياليه اتحدا اي بنت ماتدوخ عليها.. سكسوكه مافيها جوانب واللحيه منتفه ماهيب كامله كني عسكري يشتغل بخط الرياض الشرقيه :D ... ورحت عند ستار بكس وتقابلنا انا والرجال قال خل ناخذ لنا كوفي قبل لانروح هناك عشان نروق .. الرجال طلب قهوه واقوم امسك يده واقوله علي الحرام ماتدفع بس بالانجلش طبعا .. استغرب !.. قال اوكيه زين راح اقتصد دولار اليوم << بخيل الملعون خخخ ... طلبتله كوفي وانا اخذت لي شاهي من زود القراوه واروح احط لي الظاهر خمسين كيسة سكر.. المهم ركبنا السياره وسرينا هناك عند النقطه المطلوبه << قسم بالله مثقف ماتلاحظون؟ .. يوم وصلنا شفنا زحمه وعالم وصحفيين جو عندي والقو علي بعض الاسئله الطفيفه بس رديت عليهم بهجمات مرتده وجبت هدف :D ... جلسنا وبدت هيئه المحلفين تلقي التهم والاسئله.. انا ساكت مابعد يجي دوري بالكلام ... المهم احد الاسئله جت لي انا شخصيا .. والرجال اللي كان يسألني وهو في فترة القائه للسؤال لي انا كنت اناظر بالجمهور والعالم مستغرب ماعمري شفت زي كذا.. فجأه شفت وحده من بين الحظور اعرفها اسمها هيفا... واول ماخلص الرجال السؤال والعالم وجهت الكاميرات علي تنتظر مني الاجابه الا قمت انا ونقزت صرخت قلت هــيـــفــا وش جيبك من السعوديه... والعالم تقولي وش فيك.. واطمر من فوق الطاوله وانقز للحظور واصارخ باسمها هي من بعيد شافتني جايها خافت وانحاشت وانا وراها .... وتنحاش وتطلع برا المبنى وانا وراها واصارخ ماسك نعالي بيدي ورابط ثوبي على خصري.. والصحفيين كلهم وراي ويسالوني وانا اركض واذا احد سالني عكرت على رجله ويطيح على الارض خخخخخخ ..المهم وتروح الشارع العام وانا وراها ولاب مهتم بالسيارات.. وتروح حواري عبيد بأمريكا جالسين يلعبون كورة سله وانا مصمم وراها.. حتى يوم مرينا على العبيد وهم يلعبون كورة سله جت الكره عندي واطير لها بالهوا وامسكها بيدي واسوي دبل كيك واضرب الكوره بواحد صحفي وراي ويطيح ويغمى عليه.. وانا برضو مكمل وراها... المهم مرينا على مثلث برمودا وانا وراها حتى شفت الشيطان جالس يعسل هناك ومنسدح يكلم تلفون الظاهر انه دق اي رقم وطلعت بنت وجلس يتيملح عليها خخخخخ.. ماش مسكت غلط ليه الا ابي اكلمها؟؟ معصب عليها .. لانها ماقالت لي انها قصت شعرها شوي من ورا :D << تحسون انه نشبه من جد خخخ ... المهم واحنا اركض وراها بقى صحفي واحد وراي وابي افتك منه قمت واحنا نركض قلت له " فيه حظارمه يلعبون كورة قدم الحكم اعطا الفريق ضربة زاويه قامو فتحو فيها بنشر نياعاعاعا" طبعا اغمى عليه من المصاله وانتهيت من الصحفيين... ومن مثلث برمودا الى الغيوم وانا وراها وجالسين فوق الغيوم حتى ذاك الوقت قلت والله صدقو افلام الكرتون اول كنت اقول كذابين ماحد يقدر يمشي فوق السحاب خخخ ... ولا اطول عليكم << كل هذا ماطولت؟ .. وصلنا للمريخ وكان لونه احمر ورحنا فوقه وخذنا عليه لفتين وانا برضو مصمم .. فجأه تعبت هيفا<< قل قسم خخخ .. ووقفت واجي من وراها وعلامات المصاله الخباثه بادره على وجهي الجميل.. وامسكها من ورا ولا تختفي :( .. ادورها مالقيتها اصارخ يسار يمين مافيه احد .. طلعت جوالي طلع مافيه شبكه الله ينعن هالاتصالات وخدمتهم يدفعونا 120 ريال شهريا ولا فيه خدمه بالمريخ ؟ :D .. واثر طلعت البنت جنية هيفا تبي تجنني وتمزح معي الله من ثقالة مزحها هالبثره..
وفي غضون انا وحيد فوق كوكب المريخ وجالس حاط يدي على خدودي معبراا عن الحزن والكابه مسكت حصى من الارض وجلست اغني واشكي الهم .. الزبده حالتي صعبه.. فجأه طلعت لي مركبه فضائيه فيها مخلوقات غريبه.. لبقو المركبه جنبي ونزل واحد واول ماشفته تسدحت من الضحك وهالمخلوق يطالع وش ويقول وش بلاه ذا الخبل.. ياشباب كان خشمه في سره ... مت ضحك عليه قلت له انت يوم امك ولدتك كانت متوحمه على بقدونس؟ خخخخخخ مافهم لي هالمخلوق وركبني معه المركبه الفضائيه ووداني بيتهم ولما الحين انا في بيته وجالس يقرقر علي ولانيب فاهم منه.. وهو الحين بيقطع النت من عندي لانه محدد لي ساعتين كل يوم فـ
نشوفكم على خير....
مشكورين شباب صبايا على القرائه مع اني ادري كل واحد بنسخ من رد الثاني وبسوي او بتسوي روحه(ا) قرا او قرت الموضوع << بلا فلسفه واخلص علينا
ادري الموضوع ماصل بس مشاركه بسيطه مني احب اقولكم اني موجود من خلف الكواليس لاكن الظروف منعتني من الظهور امام الكواليس :D خخخخخ ...
طبعا مابوه مايستفاد لان مافيني خير اصلن خخخخ
الف سلام شباب صبايا واترك لكم المايك
فمان الله...
![الصورة الرمزية ][حزن الزمن][](images/avatars/a10.jpg)
العرض العادي
