هلااااااااااااااا بك اخوي الغالي سامي الود 0
تشرفت فيك وفي ابياتك 0 والعذر منك لاني ما شفتها ولا جاني خبرها الا من شخص هو الي نبهني لها 0 0 من فتره بسيطه 0
عموماً ابياتك غاليه من غلااااااااااا وطيب راعيها
عموماً هذا الرد
(( وخل المعاني بيننا لان كل شي صار مكشوف ))
[poet font="Tahoma,4,chocolate,bold,italic" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=""]
مـــقـــدمـــــــه
البارحه ما بين وديان وفياض=جتني البيوت ملغمه دون تفويض
وهاض الفكر والشعر بي هاض=وهيضتني ياسامي الود تهيض
ياشاعرٍ شعرك كما البرق لا ناض=تروض المعنى في الابيات ترويض
وابك البقاء يا شيخ ذربين الانواض=يالشاعر الي ما مالك اليوم تعويض
الـــــــــــرد
ياطير ياللي تدرج الحوم عراض=رد السلام مسطرٍ بالمعاريض
أشوف سامي من بلا الوقت مغتاض=ومن القهر يشكي لي الهم والغيض
وأبا انتقي له من حسينات الالفاض=وخل المعاني بيننا بالمفاريض
ويومنها راحت للعياض وعواض=قام يتخرج طالب الطب تمريض
وكلٍ يدور تالي القيض مقياض=ويسقي زمانٍ راح مافيه تعويض
وكانه زوانا زمنا بمقراض=رسوم الاماره تفرض الراي تفريض
وامنولٍ في نجد نرعى ونقتاض=واليوم صارت كلها للمقاريض
وامنولٍ والذيب يكسب وتعتاض=واليوم يرعى من زملق وحميض
والكدش ما تسبق على كل مركاض=والخيل تسبق دون عسفٍ وترويض
والحر يارد ماردٍماله حياض= والديك ؟؟؟؟؟؟؟؟؟
والديك ما يطلع ولو هاض ثم باض=أصله دجاجه والدجاجه له تبيض
وراعي الدجاجه اسمه اليوم بياض=يحسًب ملاين جمعها من البيض
هذاك كبه وأنتهض فوق الانقاض=وخل الردي يبني مبانيه في الفيض
قلته وأنا ماني للابيات نقاض=ورد الرساله جاك من دون تنقيض
هذا الشعر و الشعر له عدة اغراض=ياطير رد العلم من غير تحريض
[/poet]