قصة واقعيه يا يمّـه .. ماانتهي جيتك وطالب منك الغفران أقبـّـل قاعة أقدامك واغسلها بدمعاتي يا يمّـه .. كل مافيني يناديلك أنا ندمان طلبتك؟.. قولي سامحتك وردي لوجهي بسماتي أنا أدري قلبك الطيب كسرته بصدمة النكران غلطت .. وغلطتي هذي تعير كل غلطاتي تشوفي الشيب يا يمّـه ترى ماجا وأنا فرحان وربي إلي رفع ذاتك ونزّل للردى ذاتي فقدت الراحة من بعدك .. فقدت الطيبه والتحنان بدونك .. راحتي غاية بدينك هذي راحاتي أنا بعدك ولا حاجة أنا بعدك ترى عميان أشوف .. ولا أشوف إلي يوريني مساواتي أنا وسيد الشّـقى والهم من بعدك غدينا أخوان يجيب هموم هالعالم .. ويرميها بمتاهاتي صدقتي .. يوم قلتيلي تدين اليوم بس تندان رميتك في بداياتي .. ورموني في نهاياتي أنا من شالك بيده ورماك بأسفل البركان نخيتيني .. وطلبتيني .. ولا حصلتي نخواتي مثل ماهنتي بعيوني .. عليهم قلبي يمّـه هان رموني وضعتهم فزعه .. وأنا الدمعات فزعاتي يا يمّـه لا تظنيني أنا من فعلهم زعلان؟ سواتٍ فيك سويته وسوّو فيني سواتي يا يمّـه .. يالله ظميني ودفيني بهالأحضان أنا أدري فيك مشتاقه .. وهمك بس ملاقاتي يا يمّـه (حيييييييل) ضميني أبي أرتاح أنا تعبان تعبت أهرب من ذنوبي ابيك آخر مسافاتي أبسمع منك أي كلمه .. لصوتك مسمعي ولهان أبسمع (يمّــه) بصوتك أبذكر فيها نشواتي أشوفك ساكته يمّـه ؟!!.. غفيتي ولا أنا غلطان؟ غفيتي يا بعد عمري؟.. تعبتي من مواساتي؟ يا يمّـه طالبك قومي .. إذا لي في عيونك شان أشوف الموت بعيونك .. عساها تخيب هقواتي تعالوا يا بشر شوفوا أنا محتار أنا تلفان أنا أمّي مدري وش فيها أنا مدري أنا أحاتي شنو ؟؟ أمّي أنا ماتت !!! لا لا.. لا ترى غلطان!!! أنا أمّي ما تخليني على حزني ووناتي أنا أمّي قلبها طيب ولا يمكن تبكي إنسان أنا أمّي ما تبكيني .. ولا تتمنى آهاتي يا يمّـه صح ما متي؟ .. وصح الموت تو ماحان؟ إذا متي أنا بعدك أبقضي وين ساعاتي..؟ يا يمّـه قومي يا يمّـه .. وقولي الموت لا ما كان أنا جتيم وأنا ناوي أببدي فيك جناتي تركتيني ومتي ليـه؟؟ تركتيني وأنا غرقان؟ ولا مسموح يا وليدي!! .. ولا تلعنك لعناتي!! أنا الجاني .. وأنا المجني .. وأنا المخطي .. وأنا الندمان وأنا بإيدي رميتك إيه .. وبعثرت أهم ملفاتي وجيت من الهنا مفلس .. وقلبي من الضنا خسران تركتيني على ناري أعدد فيك زلاتي ولاني مرضيٍ ربي .. ولاني تابع الشيطان أنا بعدك ترى مابين نهاياتي وبداياتي يا يمّـه منتهي جيتك وكلي مرتجي غفران وشفت الناس تلعني .. وتحذرني من الآتي جنووووووووونة الود
وهل يوجد اغلي من ست الكل ((( الام))) فكلامك فيض من محيطات وبححور في الغاليه ,,,,, تحياتي
جنة الود .. فعلا قصه رائعه وجميله ومشكووووووووور
يسلمووووو التركي على المرور وهلا فيك ملك بلا ممكلكه جنووووووووووونة
جنة الود.. كلمات رائعة في حق أغلى البشر.. مشكورة على القصة أختي الغالية.. أسال الله ان يرحم والدينا ووالدين جميع المسلمين .. اللهم آآآآآآآآآآمين..
جنة الود الله يعطيك العافيه مشرفتنا الرائعة همسات رائعة ومن اغلى من الام في الكون...! ولكن اسمحيلي بنقلها الابداعات الادبيه.. تحياتي النورس
قصه رائعه..... تحمل بين حروفها ... أرقى المشاعر.... وأجمل الاحاسيس... من ....جنة الود سلمت يداك وقلمك.... وحفظك الله من كل شر.... مع تحياتي أبروحي
قصة مؤثرة فما اقساها مشاعر الندم على التقصير في حق أعز انسانة. اشكر لك حسن اختيارك تحياتي لك..
مشكورين على مروركم الرائع واكيد هذي ست الحبايب ..انتظروا مزيدي جنوووووووووووووونة الود