بسم الله الرحمن الرحيم
اخواني واخواتي الافاضل 00
السلام عليكم ورحمة الله وبركاته
هي ليست مشادة كلاميه 00
بل محاوله كيبورديه بيني وبين الاستاذ ضاوي العصيمي 00
والحقيقه انتم تستاهلون الشعر والعلوم الطيبة 00
وانا اللي بديت المشادة مع استاذي ضاوي00
واعذروني على القصور
[poet font="Simplified Arabic,5,white,bold,normal" bkcolor="transparent" bkimage="http://www.shojoon.net/Shojoon_files/gallery/5/3/s_shojoon1390.jpg" border="ridge,10,sienna" type=2 line=200% align=center use=ex length=0 char="" num="0,black" filter=" glow(color=darkred,strength=4)"]
لالاتقول اني نسيتك على شان =تفرح بعذرك وانت خابر وداري
أني احبك حب ما حبه انسان =حبٍ صحيح برغبتي واختياري
ايوالله احبك ولاني بندمان =هذا هوا نفسي وهذا قراري
ماهمني لو يزعل فلان وفلان =والله ما اقدم للعذول اعتذاري
لولاك ماسطرت شعري والالحان =ولا سامرت عيني نجومٍ سواري
فيك القصايد كلبوها والاوزان=مثل الجواهر بين بايع وشاري
ياصادق احلامي وياطيف الاشجان =لو اكتم جروحك تبين المواري
خل الوتر يعزف على صوت فنان = شاعر جمالك طاريٍ له طواري
في بحر حبك يااريش العين غرقان =مالي صديق ولا رفيقً مباري
الاأن ضاوي يرفع الصوت طربان =ويساعد اللي جاريً له جواري
يابو زياد الحب بلوى وسلطان=ومن ذاق طعم الحب شاف العزاري
يقضي حياته بين همٍ وحرمان =يومٍ معه عقله ويوم انتحاري
سعد العصيمي متأمل خير
[/poet]
رد الشاعر الكبير ضاوي العصيمي
[poet font="Simplified Arabic,5,white,bold,normal" bkcolor="transparent" bkimage="http://www.shojoon.net/Shojoon_files/gallery/5/3/s_shojoon1390.jpg" border="ridge,10,sienna" type=2 line=200% align=center use=ex length=0 char="" num="0,black" filter=" glow(color=darkred,strength=5)"]
هيضت قلبً دالهً يابن ريمان =وجددت جرحٍ من زمانين باري
بمثايلً تلفت نظر كل ولهان =انغامها تطرب طيور الكناري
نفحة نسيمٍ حركت كل الاغصان =وصافح زهرها سطح صاف الخباري
امعطرات بريح عنبر وريحان=ومطعماتً من لذيذ الثماري
فيها المحبة رمز والصدق عنوان =وفيها الوفا نورً يزيح الغداري
دام الوفاء منهجك ما انته بخسران =والتضحية في الحب شي اً جباري
ترى الهوى يابو طلق هم وجنان =هذي حقيقه وانت كاتب وقاري
الحب مفتاح المأسي والاحزان =كم عاشقً يمسي من العقل عاري
ذكرتني في الحب ابو طرف فتان=اللي غرامه داخل الدم ساري
وقضيت ليلي تايه الفكر حيران=استرجع الماضي واهل العباري
واون واعض الشفايف بالاسنان=وابكي العهود اللي ذرتها الذواري
وابكي ليالً ماتثمن بالاثمان =لكن حكم الله على الناس جاري
ضاوي العصيمي
[/poet]
وسلامة الجميع
اخوكم سعد العصيمي
الشكر لمن اختار الخلفية وكله ذوق
[SOUND]http://movn.net/moseqa_alsh3r/moseqa8.ram[/SOUND]