السلام عليك ورحمة الله وبركاته
مرحبا........هذا واحد توفت امه وهو صغير لما كبر قال القصيده التاليه:
قبل عشرين سنه واكثر
عشت الدنيا لاول يوم
ولدت ابكي
ولاقاني الحزن يضحك
يقول اهلا بضيف اليوم
تعال بجمبي لاتبكي
لاتستعجل وتشكي
وخل الدمعه بيجيها يوم
وقعد يضحك
وانا طفل معه اضحك
اشوف الفرحه قدامي
في عين امي
في اصابع ابوي
على فمي
والى هالوقت الحزن يضحك
وانا طفل معه اضحك
.......................................
كبرت اشهور
وصرت احبي
وكبرت اكثر
قدرت اوقف
اطيح شوي
بس اوقف
اخوي يقول ياحليله
واختي تقول باشيله
والى هالوقت الحزن يضحك
وآنا اضحك
........................................
وكبرت اكثر
مليت البيت بالفرحه
شعور يطول لكم شرحه
مثل اية طفل يلعب
ويوم يتعب
يطيح كله
بحضن امه
وابوه يمه
.......................................
وبغفلة وقت
بدى حزنه
يشوف الناس بس تبكي
دموع عيون بس تشكي
طفل مسكين
يتم امه
وهو يلعب
ولاهمه
ومثل دايم بدى يتعب
وغير اول
فقد امه
وبس حزنه بقى يمه
.......................................
وكبراكثر
وحزنه صار مثل ظله
مثل عمره
مثل خله
نسى الضحكه
وتذكر حزنه وضحكه
يقول اهلا بضيف اليوم
تعال بجمبي لاتشكي
تعال لاتستعجل وتبكي
وخل الدمعه يجيها يوم
وجاها اليوم
وقبل عشرين سنه واكثر
مثل هاليوم
عاش الدنيا لاول يوم
ولد يبكي
وكبر يبكي
والى يومك
وهو يبكي
.................................................. ............سلام...................