موضوع النقاش لهذا الأسبوع للضحك فقط

[الورور]

:
:
::
:

لنفرض انك رجل او امرأه وفرحانين بزواج ابنكم الكبير

بعد اسبوع رحتوا تبعثوا هديه لولدكم وزوجته في بيتهم الجديده

لكن فجأة وجدت ابنك يغسل الصحون بالمطبخ وزوجته تقص

اظافرها بالصاله !!!!!!

ما هي ردة فعلكم

منقووول

[nada]

عااااادي جدا دامهم متفقين و مرتاحين يصطفلوووون


و على فكره المرأه مو مجبوره شرعا بأعمال المنزل ولكن هذا تفضل منها و الأحاديث

و الأدله كثيره على ذلك


تحياتي

[اسير بلا قيود]

الله يوفقهـــــــــم
بس مو على طوول تقعد المراءة تقصقص اضافرها ولا تحني يدها ولا ايش شي زي كذا
انا كذا مايعجبني ..
بس لازم يكون فيه تعاون بين الزوجين

[أبوخالد]

والله لاأصطر الولد كف

[الورور]

صراحة اديتو الموضوع حجو

تسلمو

خلينا نشوفكم

يلا في امان الله

[أعانق هم]

اكيــــــــــــــــــد انه طالع لا بوه



ولا كيف يطلع الولد كذا

[شـباب$الرااشــد]

بما انهم متفقين وراضيين ومرتاحين براحتهم انشالله الزوج هو الي يرضع والزوجة هي الي تسوق ههههههه


يعطيك العافية اخوي

[احبه حييييل]

ههههههههه ياشينك يالراشد تتكلم بمواضيع مالها داعي

كيفه ينطق هو وزوجته وبعدين هذا مو رجال خروف صار لزوجته ماله كلمة بالبيت ...والرجال مو حلو الا بشخصيته ورجولته
اوكي يساعدها بس مايشتغل بدالها

[ــالمزيون]

انا لا مني دخلت وحصلتهم تسذا

بقوم اول شي واحشرهم في زاويه الصاله واكشف عليهم كشف كامل .. اخاف يوم سافروا شهر العسل تغير عليهم شي وانعكس الوضع خخخخخخ


طبعا بعد مااكشف عليهم اخلي ولدي يطلق مرته بعدين اخذه عندي بالبيت واقووله انعن الله ابوووك اللي خلاك تتزوج يالزلاااابه اكيد طالع على خوالك يالجنط .. بعدين اخليه يقعد يغسل صحون وينظف في بيتنا بدال الشغلات وتكاليف الفيزا وقص الظهر
>>احسن واحد يستغل عيااله لووووووووووول


وانتم بعد منسمين تقولون عادي دامهم متفاهمين .. ينعن ام الرجوووله اذا الحرمه قاعد تقصص اظافيرها في الصاله والرجال يشتغل في المطبخ ..




ثاني شي تقول الاخت ندوو ان الحرمه مو من واجباتها انها تنظف البيت .. ياحبيبتي اذا الحرمه مو من واجباتها انها تهتم في البيت اجل وش واجبها غير تربيه الورعان ؟؟؟
>> والا نسيت انتم يابنات هالايام الشغاله هي راعيه البيت ^_^


وتقولين الادله كثيره اللي تدل على كذا .. انا اقولك اتحداك اذا تجيبين لي دليل واحد على ان الحرمه مو من خصوصياتها تنظيف البيت والطبخ .. الخ



ولاتنسين الدليل من القران قوله تعالى: (وقرن في بيوتكن)

هذا اكبر دليل على ان المرأه محلها الاصلي في بيتها ..





تحياتي لكم


مزمز

[nada]

7
7
7

ياهلا والله


اول شي المرأه اذا كان يوجد من يخدمها في بيت ابيها ,, فلزاما على الزوج ان يحضر لها

لها من يخدمها الا اذا هي ارتأت غير ذلك ووافقت على الخدمه بنفسها


شغل البيت المرأه تقوم به تطوعا و تقربا لنفس زوجها و تهيء له مايريحه كنوع من التعبير

عن محبتها فقط لاااا اكثر و ليس للرجل اجبارها عليه

( وقرن في بيوتكن )

7
7
7

والله اني لأشفق كثيرا على من يفسرون ويؤولن معاني القرآن و السنه حسب افكارهم

لوكانوا يعرفون كيف يقرأون و يفهمون لما وقعوا في كثير من الخطأ

تفسير الآيه و كنوع من الاثراء لمعلوماتك يعني الابتعاد عن الاختلاط بالرجال و عدم التبرج

و الخضوع بالاقوال و الأفعال ,, ( ولاتبرجن تبرج الجاهليه الاولى ) <<< باقي الآيه

و مو معناه شيلي شغل البيت على راسك

على فكره تقدر ترجع لتفسير ابن كثير ,, او روح الياهو اسرع


بالنسبه للأدله و الحجج فلمعلوماتك القيمه ندى لما تتكلم بأي موضوع و تدخل بأي نقاش

فهي تتكلم بثقه و بمعرفه مسبقه انها صاحبة حق و لن يستطيع احد احراجها

و بأنها صاحبة حجه و دليل او تنسحب من الحوار

الأدله موجوده من السنه النبويه تبيها دور عليها ,, موفرض انا اجيبها لك

وبصراحه ماحب ادخل في مهاترات مالها معنى اعتز بثقافتي و بشخصيتي جدا

وياليت تعليقك في المره القادمه يكون محصور في اطار الموضوع وصاحب الموضوع

اما ندى و ردودها فمو من اختصاصك التعليق عليها اذا حطيت موضوع تعال علق عليه

و عارضني او ايدني براااحتك