اكتب موقف صار لك

المحترمه · 29-09-2002, 12:02 AM

السلام عليكم ورحمة الله وبركاته

هاذي اول مشاركاتي بهاذا المنتدى وانشاء الله تصير مشاركه حلوه والكل يشارك معي وايكون الموضوع جديد ومهوب مكرر

الموضوع يالله كل واحد يقول موقف صار له ويكون موقف مضحك سواء صار له او احد اخوياه او احد اللي يقربون له

نبي نشوف مواقفكم انتظركم

المحترمه · 29-09-2002, 12:38 AM

انا ببداء وبكتب اول موقف

هاذي وحده من خوياتي اول مره تدخل بالنت وعلى طول دخلت شات المهم جلست تسولف مع احداهم على الخاص وقالها عندك بريد قالت ايه عندي بس مهوب لي لحالي قالها طيب ممكن اراسلك اعطيني بريدك قالت له انت مهبول البريد حق البيت كله والراسايل تجي على عنوان ابوي
المسيكينه تفكر بقول لها بريد بيتهم ماتدري ان فيه بريد الكتروني:D :D

العمدة الإجباري · 29-09-2002, 12:47 AM

أهلا وسهلا بالمحترمة،،، انا حشارك بهذا الموقف.

حدث هذا الموقف لجارتنا مع إبنها اللي عمره 8 سنوات،،، حيث دق جرس البيت،،، وراح يجري يفتح الباب،، لقي حريم ضيوف لأمه.
راح يجري يبغى يقول لأمه،،، وقف قدامها وهو يلهث ويقول " أمي،،أمي،، جولك حمير"

الشوق · 29-09-2002, 04:33 PM

كنت في محل حلويات المهم جالس اشتري واختار انواع الحلويات المهم

المحل الواجه كلها زجاج لا ونضيفه من جد المهم وبجني واحد سوداني جالس يشتري معاي وشوي الا زوجته نزلت من السيارة
تبي تختار معاه وهنا وقعت الكارثه ....... الاخت ما شافت الزجاج وتحسب ان الباب مفتوح ههههههههههه

وتمشي وبسرعه وتصدم في الباب بكل قوتها وبجسمها كلها وكادت ان تكسر واجه المحل وزوجها يطالع فيها وماسك الضحكه وانا بغيت افك الي في يدي من الضحك المهم المسكينه وجهها بغى يتكسر من الباب وانا قمت طلعت لاني شوي واموت من الضحك وهي المسكينه تناضر زوجها............

نصيحه... يجب وضع اليد في الامام عند دخول اي محل حتى لا تتعرض للفشيله

المحترمه · 30-09-2002, 05:24 AM

هههههههههههههه
العمده الاجباري

اما موقف الحمير

روعه الله يستر اخاف يصير هالموقف لي لاني ضحكت من قلب

:)

المحترمه · 30-09-2002, 05:29 AM

هههههههههههههههههههه شوق مسيكينه السودانيه والله رحمتها

:D :D بس الله يستر ولاتصير فيني هالحركه بنتبه تراي مطفوقه :D

تحياتي للجميع