متواضعه جديده من اخر ماكتبت
ارجو ان ترقى الى ذاقتكم
وان تحظى ببعض اعجابكم
الصدود إن طال يتعب قلوب العاشقيـن=وأنت ماتدري. صدودك يسبب لي بـلا
والله انا يابيض الخد نرجي من سنيـن=وانـت تتغلـى علينـا ويـزداد الغـلا
عشقنا تـراه عشـق العبـاد الاوليـن=ماهو بعشق المراهق ولا عشـق مثـلا
عشقنا قصه وعبره وترحـال وحنيـن=ومالنا عن بعضنا ياهوى الـروح بـدلا
وانت لك زهوه على الغيد زادت حبتين=حق لك يازين تمشـي بزهـوً وخيـلا
تعرف انك في عذاب البشر ساطي مكين=والذي مايرحـم النـاس والله يسئـلا
انت حبك في ثنايا الحشاء ساسه متين=حيث تقديرك على رأس مغليك اعتـلا
تدري ان الماس والدر والجوهر ثميـن=وانك اغلى منه يازيـن فـرد وجمـلا
ياوزين الروح مالك وسط قلبي وزيـن=لو سلا قلبي عن البيض عنك ما سـلا
كملك ربي وطلتـك تمـلا كـل عيـن=اكتمل فيـك الدلـع واللطافـه والحـلا
انت جاوب من ترجاك بـس بكلمتيـن=امـا قلـي ياهـلا فيـك والا قـول لا
وسلامتكـــم ...
العرض المتطور
