عفــــــوا الدخــــــول بالـــــزي السعـــــودي فقــــط ! ! ! للنقــاش

[نبـض المشاعــر]

عفــــــوا الدخـــــول بالـــــزي السعـــودي فقــــط ! ! !


في يوم من الأيام قرروا أهلي كشتة لاحد المنتزهات طبعا عشان ننبسط ونرفه عن أنفسنا
وجهزنا كل شي للطلعة والوناسة
ثم توكلنا على الله وطلعنا

وصلنا المنتزه وللمعلومية كان ذلك في الرياض
وأتجهنا للثمامة وقصدنا واحد من المنتزهات
ولما وقفنا عشان ندفع فلوس الدخول
وقف الحارس وطالع بالسيارة وقال لأخوي

عفوا ممنوع الدخول بغير الزي السعودي يعني ((( الثــوب ))) ! ! !



المقصـــود


في البداية شفنا هذي اللافتات وكانت بس موضوعة بدون تطبيق
ثم منعوا التجول والمشي لكل شاب مالبس الثوب
ثم صاروا يطالعون في السيارة وش لابس
إذا كان بنطلون منعوه من الدخول! ! !



أولا وش الحكمة من منع لبس البنطلون للشاب؟؟؟

ثانيا هل اصبحنا نتحكم حتى في لبس الرجال! ! !

ثالثا الشاب قصد منتزه
وهذا المنتزه يحتوي على
خيـــول
دبـــابــــات
عربيـــات
غيـــر لعب الكـــورة للشبــاب وهو يتنزهون

هل سيساعد الثوب الشباب على أخذ حريتهم كاملة! ! !

أحنا معهم بأن الزي السعودي ماله مثيل
بس عند التنزه فالرجال حــــر في لبسه
مو يفرض عليه! ! !



موضوع أثار تعجبي بصراحة

يعني منعوا أخوي من الدخول
هل أن احنا بندخل ونخلي أخونا برا! ! !
أو نجلس برا قدام السيارات وقدام كل من راح وجاء! ! !
ولا نرجع للبيت! ! !


وعلى فكرة

أنا أتفق معهم في المنع
ولكن بمنع لبس التشبه بالكفار ((( النقا على قولتهم )))



آرائــكـــــــم في الموضــــوع

[butter fly girl]

إذا أرادوا فعلا أن يمنعوا الشباب من إرتداء البنطال لابد أن يعرفوا متى يمنعوا ومتى يسمحوا بــ هذا البنطال .
فعلا في في الأشهر الماضية ولأشهر الحالية أصبحنا نرى شباب لابسين بناطيل لكن أشك أنهم لابسينها فعلا سرنا نرى مناظر الله يعلم بيها ((اكيد شفتيها )) <<<<< هؤلاء الذين يقل لهم عفــــــــوا الدخــــــــول بالزي السعودي فقط !!
ولكن سؤال كيف يمنع الشباب من الدخول بالبنطال وهم يعلمون أن داخل المنتزه هناك أماكن ترفيه لاتنفع أن يلعب بها الأولاد إلا بالبنطال ؟؟ <<< وين صاحب المنتزه ووين عقله لمن نزل هذا القرار؟؟

[نبـض المشاعــر]

يعني أنت مثلي برايي

لباس التشبه بالكفار هو اللي يمنعونه
لكن اللباس العادي ! ! !


شي عجيب


الف شكر على مرورك

اختك

ليــــــــــــان

[الــيزيـــد]

اللي أعرفه انه ممنوع دخول الدوائر الحكوميه والبنوك والمكتبات العامه الا بالزي السعودي

أقصد ثوب على الاقل ...

ولبس البنطلون ليس تقليد للكفار وتشبه بهم الا اذا كان فيه رسومات وموديلات غريبه

وأما المنتزهات والاماكن الترفيهيه يكون لبس البطلون او الزي الرياضي أفضل

وممنوع الدخول وماتذكرينه في المنتزه فأنا لست من الرياض ...

واول مره أسمع عن هذا ...

كل الشكر ليان وأنشاله دخلتوا ؟؟

[البركان]

هلا وغلا

ليان

بصراحة مر معي هذا الموقف وانا شاهد اثبات على ذلك
وفي احد المنتزهات في الثمامة تم منع الذي لايرتدي الزي السعودي الكامل
او الثوب!!

شي مستغرب بكل صراحة !!!

كان من المفتروض تطبيقه في الاسواق العامة وتطبيقة في الجامعات والمدارس والكليات
التي نشاهد البعض فيها باسخف الملابس التي تشعر بالضيقه عندما تشاهد من يلبسها
والله ان هناك بعض الشباب يرتدي ملابس مخزيه ومخزية ومخزينة قد يتبادر لذهنه
انها الموضه وان الناس سوف يعجبون بها

ولكن العكس صحيح فلا يجد الا الاستخفاف به وبلبسه الفاضح الذي اساء لنفسه به،،

عموما نعود لسالفة المنتزه
اتمنى ان تغير ادارة المنتزهات هذا الشرط الغير مقنع ابدا
فالمنتزة غير فهو مكان للراحة والاستجمام وليس مكان عام!!

يعني ماقدرنا في الاماكن العامة تطبقه نطبقة في المنتزهات!!
غريب والله،،

مشكور ليان على الموضوع،،

[نبـض المشاعــر]

أهلين أخوي اليزيد

واحنا ماقلنا شي
في أماكن العمل الثوب افضل

لكن المنتزهات! ! !

وفعلا صايرة في الرياض

أنا بس أبس أعرف
وش الحكمة من هالقرار السخيــف! ! ! ! !


ولا والله مادخلنا المنتزه


وشكرا على مرورك أخوي


أختك

ليــــــــــــان

[نبـض المشاعــر]

البركان

أولا أشكرك على إبداء رأيك

ومع رايك بأنهم يمنعون اللباس المخل والنقا

لكن العادي مالهم حق ابد


يعني المهم أماكن العمل
هي اللي تكون بالزي السعودي


ماأدري من السبب في وضع القرار السخيف هذا


وشكرا لك مرة ثانية

أختك

ليـــــــــــــان

[GUESS]

اممممم

هاذي السالفه عاد هي اللي فاقعه كبدي بالذات

انا من الشرقيه والحمد لله هالهرطقه هاذي ماقد واجهتها الا مره بس

مره رحت مراجع لعيادة حكوميه ( طبعا مراجع ومعاي اخوي الصغير )

واتفاجأت ان السكيورتي يقولي ماتدخل الا بالزي الرسمي ؟؟؟؟

طبعا هاذي قمة ( اسمحولي اقولها ) الغباء !!!!

يعني مااتعالج الا وانا لابس ثووووووووووب !!!

بصراحه القانون هذا قانون عقيم جدا

وللاسف ان الناس اللي تطلع مثل هالقوانين يسمع لكلامهم ويطبق !!!!!

يعني بالله عليكي اخوك رايح يستانس ولا رايح يترزز بالثوب والشماغ !!

للاسف عندنا في بلدنا عقليات جدا عقيمه ومتحجره

وللاسف انا سمعت انه الاسواق برضو لازم شماغ وثوب

والمشكله ان لبسنا لهم الزي السعودي وكشخنا قالو ذا جاي يغازل لاتدخلونه

اممممممم الظاهر يبوننا نلبس بشوت بعد اذا بغيت اشتري لبن وجرايد !!!!!!

انا مدري ليش يحبون يتحكمون بالشعب !!!!!

الامور هاذي اكثر ماتصدر بالرياض لانه اللي يطلعون زي هالقرارت

ناس عندهم علم كبير ولكن للاسف عقلية ( قواطي ) ولهم مساندة كبيرة

ياليت والله يثقفون ويطلعون للعالم ويصير عندهم شوي فليكسيبلتي


وافهم يافهيم

[أخذيني مابيني]

مرحبا والله اختي ليان

صدقتي والله بكلامك وبقولك حاجـة صارت لي قبل ست اشهور كنت في الدوام وطلعت مستاذن لان بروح المحكمـه اسوي شهـادهـ ويوم جيت عند القاضي قال شهـادتك ماتقبل الحين رح بدل وبعدين تعاااال انا انصدمت وقلت له توني مستاذن من الدوام , وصيغة عملي تطلب مني لبس البدله هذي معن شكلهـا انيق وعدل بس النظـام في المحكمـة يقول ( الزي السعودي )
وتعطل الشغل ورجعت والله العظيم يوم ثاني ولبست ورحت له

طيب وش فيها دامني ساتر عورتي وش يمنع بلبسي هـذا
كل اللي بقوله انظمـة للاسف اسميها تخلف او يحبون يمشون انظمـه تثبت لشخصيتهم الخاصه

مشكورهـ اختي ليان المملوحـة واسف على الاطــاله

تقبلي خالص تحياتي لك

اخوكـ / أخذيني مابيني

[الشاكـــي]

مرحبا اختي ليان

اول شيء باهنيك على الاشراف >>>>>>>> بدري وتو الناس ياخوي

<<<<<<<< مسكين كان مشغول شغلا مبرحا



وبالنسبه للموضوع

بصراحه شيء غريب

يعني اول مرره ادري انه فيه احد له شغل بلبس الرجال

لكن اذا كان فعلا صحيح فأظن ان الي مسوي النتزه واحد متعصب او انه ماسكه معاه غلط

لان الثوب يخلي الواحد مربط لايقدر يسوي حركات وتحركات

وغير كذا ااقل شيء بيوسخه..لكن البس الرياضي او الجنتله عاادي تكرف فيها الين ماتطلع ريحتها ههههههههههه

لكن بجد شيء غريب ........ الثوب والشماغ يكون بالاماكن الرسميه وهذي سووها قبل كم سنه

ماتدخل دائرة حكوميه الا بالزي الكامل وهذا معقول...لكن اذا باطلع مع اهلي وببتمشى معاهم
وباطق الثوب والشماغ وماباقي غير البشت ؟؟ لا والله اجلس ببيتي احسن



شاكر لك عالموضوع واسف عالتطويل

تحياتي