أذكرصــــــباها واذكر الدرع والشـــال= وأنا وهي بين المضارب ســــــهارا وبخـنـــــق ضــافي وعـقـد وخـلخـــال= ضحكـــاتنا بين المضـــارب تبـــارا نحـفـر ثــــرى أرض بها لسيل ســـيّال= نبني بـيـــــــوت الطــــين بيت ودارا تجري وأنا أجــــــري والبراءه لنا فـال= وإن غيّبت دمعي بالأوجـــــان حارا أبــــــويه لها عـــــم وهي بنت رجّـــال= من نســـل أجــــواد كـــــرام خيـــارا نــارد حيـــــاض البير مطــوية الجــال= بيـــــــرلنا مـعـها ســــوالف كـــــثارا وإن هل وبل الغيث صافي وهـمّــــــال= نسعد بخــيره يــــوم يروي الصحارا نقعد على التلّه تحـــــــت فيّ وظــلال= ودرب الــقــوافــل ماشــــيات قطارا من حولنا الأشجار والزهــــرميّــــــال= والأرض من زود السحايب خضارا وبين الــــدروب إلنا مكــــان ومنــزال= نلعب وطــــاري الهم ماقـــط ســـارا ونراقـب بــدور الســـــــما بدروهــلال= ليـــله بليـــله فــي مــــــداره مــــدارا ونشهدطلوع الشمس من فوق الأطلال= وغــــروبها خـــلف السحب والغبارا ونفرح ليا بـــدو رحـــــايل ورحّـــــال= بين الديــــــار تــمــر كـــل الديــــارا وإن نوّخوا طــابت رجاجيل وحـــلال= نرجــــع على العاده ونرفع شــــعارا وإن صوّتت أمي نجي تو في الحــــال= أنـــا وهـــي مثل الكــــناري طـيــارا ثـم أمّها نــــــــادت عــلينا بالإقـــبــال= حــنــانها ينبـــوع يطـفــي الحــــرارا وجدّي يراقبنا حكــم قــــال وأمثــــال= في نظرته حــب وصــلاح ووقـــارا ظله يظلل يــــوم تشـــتد الأهـــــــوال= شــــرواه لأهل العرف قصد ومزارا وطعس وغــــدران ورجــم وشـــلال= في الذاكــــره من يـــــوم كنا صغارا وبنـــدق وبــــارود وسيف وخيّـــــال= ورجــــال بالفــزعه تطـاير شـــرارا والــرعد والغيمه ورعيــان وجمـــال=كــــن الرعــــد ياخــــذ من الغيم ثارا وبيت الشعـــر غـــادي مبيت ومقيال= تـمــر ســـاعات الســــعاده قــصــارا ماحـــد نقل هـــــم ولاضــــايق البال= واحـــلامنا في كـــيف نقضي النهارا وصلوا عداد الرمل في أشهب اللال= عـــلى المشفّع ســــــاعة الإخـتبــــارا
اللهم صلي وسلم عليه صح لسانك وسلم قلبك يا صقر النوايف الله عليك وهنيئا لك بهذه الذكريات مبدع مبدع مبدع في تصوير الطفولة البدوية المحظوظة فعلا سلمت وسلمت ذكرياتك وشاعريتك لاحرمناك ولاحرمنا الفكر والشاعرية أسيرة الود
رااااااااائعه بروعه حضورك اخوي صح لسانك ودام بوحك .. تقبل مروري
حياك الله اختي أسيرة الود كلك وفاء وكلك ذوق شرفتني بالمرور الغالي على القصيده وصاحب القصيده تقبلي أرقى تحاياي
قصيــــــــــــــــدة اقل ما يقال عنها بأنها رائعة.. صح لسانك وتسلم يمـــــــــــــــــــــــين خطت هالقصيدة.. عســــــــــــــــاك عالقوة واحنا بأنتظار الجديد..
الطلحي 2000 يسلم هذا البوح المميز والحرف الرائع والذوق العالي صح الساااااااااااااااااااااااااااانك وسلم بنانك
الطحـلـي ..,.,’.. كـم هـي رآئعـه ذكـريـآت الطفـولـه عنـدمـآ تنظـم بقـلم مبـدع متميـز .. بقلـم شـآعـر لـه وزنـه .. صـح لسـآنك مليـون ولآ يكفـون .. دمـت مبـدع يآشـآعـرنـآ .. بشـوق لمعـزوفـه أخرىآ ..,.’..
أختي الغاليه بدويه حياك الله وحي مرورك الطيب على القصيده تقبلي تحياتي
أختي كويتيه ذوق كلك وفاء وكلك ذوق مشكوره على المرور العذب لاعدمتك يالطيبه تقبلي تحياتي
الأخت دلوعة الطائف حياك الله وحي مرورك الطاهر الذي شرف القصيده وصاحب القصيده تقبلي أرقى التحايا
![الصورة الرمزية [] خفـوٍق الـرِوِح []](image.php?s=053c6afad16ec02286dbd61585997d9e&u=44747&dateline=1176313951)
العرض العادي
