عسى الولي ياكامل الزين يبلاك
في حب مخلوق ن مثل مابلاني
أربع سنين من العمر عشت وياك
واليوم مدري كيف قلبك نساني
أهديت لك عيني وقلبي لك فداك
وأنته مخليني مع الوقت عاني
مافيه مطلوب ن طلبته ولاجاك
ولافيه مطلوب ن طلبته وجاني
ليتك تحب اللي يسوي سواياك
يمكن تعرف اللي حصل في زماني
يمكن تحس بذنب نفسك خطاياك
يرميك وقتك مثل وقتي رماني
عشت الزمن معادلي غير ذكراك
أبكي على فرقاك محد ن بكاني
وأمسح دموع العين وأقول مبغاك
وترجع وتذرف دمعتي في ثواني
ياحظ من في هالزمن يوم لاقاك
يلمح بعينك للمحبه معاني
بس المصيبه لاتعدى وخلاك
يكويه من فرقاك شئ كواني