السلام عليكم ورحمة الله وبركاته
اخواني اخواتي اعضاء ورواد صرح الود الشامخ
اعتذر عن انقطاعي الفتره الماضيه لضروف خرجت عن ارادتي
كل عام وانتم بخير والله يعيده علينا بالفرح والمسرات
بدون مقدمات اضع بين ايديكم هذه المعزوفه المتواضعه
وكم اتمنى من الله ان يحوز جديدي على القليل من اعجاب ذائقتكم الرفيعه
بسـم الله ابـتـدي نـظـم الجـزيـلات=حـروف شعر(ن)مابهـا شي(ن)هـزيـل
وحروف الشعر بيدي مابهـا مستحيـلات=انتقـي مـن بينهـا كـل حرف(ن)جزيـل
انتهض يانديبـي فـوق روس الطايـلات=واجمع سمان الحروف ولاتجيـب النحيـل
واقطف ازهـارك لعيـون سيـد الفاتنـات=وعلـق عقـدك الفريـد بالعنـق الجميـل
وكحل عيونها السود الوسـاع الجارحـات=ورموشها اللى مالها بيـن البشـر مثيـل
ووصفلي خدودها ذيك الخـدود الضاويـات=وشامة(ن)بالخـد الايـمـن والله وكـيـل
والمبسم اللـى لانظرتـه ادخـل متاهـات=كنـه خاتـم سليمـان سبحـان الجلـيـل
والشعـر سـواد الليـل يبغالـه مقـالات=ليا حـد خصـره فديـت الشعـر الطويـل
ونهودها اللى من خلـف ثوبـه بـارزات=اشهـد انهـا فتنة(ن)فـي كــل جـيـل
والا الخصـر ويـش اقـول يالله الثبـات=خيزران(ن)يتوهبـه عقلـي كـل مايميـل
كاملـه بالزيـن لا يابعـد كـل البـنـات=والكمـال لله وحـده الــرب الفضـيـل
صرت اشوفها بعينـي فـي كـل الجهـات=ليا نظرت يمين اشوف رموش(ن)مظاليـل
وليا نظرت يسار اشوف عيون(ن)نـادرات=وليا نظرت قدامي اشـوف زين(ن)يهيـل
وليا نظرت خلفي اشوف اوصاف(ن)كاملات=تاه من عيني النظر ولاشفتلي غيره خليـل
من نظر لها مالـه عـن سحرهـا نجـات=يضيع منه العقل ويصبـح بزينهـا هبيـل
جمالهـا النـادر فـاق سـت الجميـلات=زينهـا فتنة(ن)فـاق كـل شي(ن)جميـل
حجبوها اهلها خوف من العيون الطايشـات=لبسوها سود الهدم بنت الشيـخ الاصيـل
المعجزات بالدنيا سبع وهي ثامن المعجزات=هي وحدها معجزه ولاغيرها لقلبي عديـل
فديت ذاك الطبع الخجول اللى يزيدها حلات=جميلـه والله يحـب كـل شي(ن)جمـيـل
ادعيـك يالله يـارب سبـع السـمـاوات=تحفظلـي خلـي وتمـده بالعمـر الطويـل
وختامها صـلاة ربـي بتالـي المقـالات=على نبـي الله مرشـد الخلـق الفضيـل
عليه افضل الصلاوات والتسليم
ولاخلا ولاعدم
اخوكم
نايف الشمري
العرض العادي
