صحيح أنها دنيا هذه الدنيا وفي اعتقادي أنها حظوظ فمن له نعمه امتاز بها ومن ليس له فهذا حظه وقسمته ونصيبه، وصدق المثل القائل: (فاقد الشيء لا يعطيه).. وقد تكون هذه الحظوظ حكمه من عند الله عز وجل لا يعلمها الا هو وحده سبحانه. فبالمقابل من حُرم نعمةً من الله قد يعوضه الله نعمةً غيرها وهذا مارأيته في حياتي البسيطه ذات الخبره القليله (((جداً)))..
ياناس ليس كل مايعرف يقال وليس كل شي له حل كما يقال، مثلاً هل تستطيع ان تغير طبع انسان ؟!! وهل تستطيع تغيير ارتياح شخص لشخص اخر ؟!!
وهي معلومه خاطئه ان تكون صريحاً في كل شيء أو أن تفضفض لشخص اخر عن كل شيء، يعني لو افترضنا ان شخص يظن انك بارع في لعب كرة القدم مثلاً وهو يرى انك تعرف تلعب هذه اللعبه باحتراف وقد شاهدك وانت تلعب، ثم تأتي انت وتقوله: (لا تحسبني لعيب ترى ماعندي سالفه ولو شفتني مباراه كامله والا كذا مباراه راح تغير رايك لاني احياناً ابدع وكثير من الاحيان اخربط يعني المسأله حظ) !!
اكيد راح تكون ردة فعله انه يبدأ يشك في قدراتك في اللعب وما عاد يثق فيك زي الاول ((فهذه هي الصراحه المطلقه)).. وبالمناسبه الناس ماتحب الشخص اللي يقلل من قيمة نفسه..!
أما الفضفضه مثلاً لو واحد يحسبك مرتاح في حياتك بصفه عامه ويشوفك تضحك وتنكت وهو يتتريق معاك ويضحك ويحسبك انسان عادي مبسوط مرتاح ماعندك اي مشاكل، ولكن تجي حضرتك وتقول لازم ياخي افضفض واطلع اللي في قلبي وارتاح، تقوم تقوله مشاكلك وحالتك النفسيه الصعبه ووضعك المزري.. بالتالي تزيد الطيب بله، بعدها ماراح يمزح معاك زي الاول بالطريقه العفويه الجميله، انما على العكس راح ينظرلك انك انسان معقد مسكين يحن لك ويبدا ينتبه لأي حركه يسويها او كلمه يقولها لك عشان مايجرحك او يزعلك لانك في نظره اصبحت انسان حساس.. فبالتالي مايصير يرتاحلك زي الاول وتخف العلاقه ويبدا يبتعد عنك بطريقه غير مباشره.
ولكن المصيبه اذا كان هذا طبعك !! ان ماعندك ثقه في نفسك !! لانه ما عندك الشي اللي تثق فيه في نفسك اصلاً!! فبالتالي تقول للناس وضعك عشان ماينصدمون فيك وتتأثر نفسياً، فتقوم انت بتقليل الصدمه بإخبارهم حالتك والتصرف بأنك شخص غير واثق وغير جريء وغير قوي الشخصيه.
العرض العادي
