*** أرحــلي بسكــات .. أرحم ***

[سلطان الشمـري]

السلام عليكم

أحبتي .. أعتذر لكم عن الغياب الغير مقصود

فالظروف لها أحكام ..

أحبتي

حينما يكون الصد حليف العشق

والـ وله على من أحببت

وعندما تهب رياح الجفاء

في أراضي المحبه

ومواطن الهوى

.
.

تكون هذه الوقفه

بتلك الكلمات

.
.

ايه جيتك .. واسمعيني .. لو سمحتي .. للأخير

وأن تثيقلتي .. كلامي .. اسندي .. بذاك العمود


يالحبيبه .. يالقريبه .. أنتي .. أعلنتي الهجير

الهجير .. اللي حرمني .. ارتوي .. بالعشق زود


انا مابي .. تحسبيني .. عن رحيلك .. بـ استخير

ارحلي .. بسكات أرحم .. من جفاتك والصدود


انا فيني .. طبع يمكن .. احتواني لـ الضمير

منبعي .. اشواق تزعج .. الف ساحه لـ الركود


كنتي حلم ٍ .. في عيوني .. آآآه يالحلم الكسير

ياسراب .. أغرى ظمايا .. وللأسف .. ماله وجود


تذكرين اللي .. مشى لك .. في عسيرك واليسير

واقف بجنبك .. وناسك .. احتذوا حذو الشرود


تذكرين اللي .. فرش لك .. رمش عينه .. والنظير

والأماني .. زفها لك .. بريح مسك .. وريح عود


تذكرين اللي .. تهرب .. عن حبيبه .. والعشير

طامع .. بقربك ثواني .. ينثر بكفك .. ورود


تذكرين .. وتذكرين .. وكل طير ٍ .. لو يطير

ويرتفع ويروح .. إلا .. مثل ماروّح .. يعود


المهم يابنت .. اصغي .. في كلامي .. والنذير

لا أشوفك في حياتي .. ولا أشوفك .. بالحدود


من يصد .. عن من يحبه .. يلقى نفسه .. بهـ المصير

الله اكبر .. يازمنا .. كيف نجزى بالجحود !؟


ايه جيتك .. وذا كلامي .. لو يصير .. اللي يصير

وان زعلتي .. يالعنيده .. < طقي راسك بالعمود >

وسلامتكم

سلطان الشمري

منتديات الود

29 / 7 / 1427 هـ

[محمد السماري]

صح السانك وعلا شانك

تقبل مروري

[๑ஐتــآهت افكــآري ஐ๑]

وان زعلتي .. يالعنيده .. < طقي راسك بالعمود


صح لسانك
تقبل مروري الخجول

العنود الهواويه

[*+* مـهــآآآآجــرة *+*]

سلطان الشمري

عودة قوية .... تشرفت بمعانقتها

قصيدة جزلة ووافية من شااااعر كبير

صح لساااااانك وعلا شااااانك

بانتظاركل ما يبوح به خاااااطرك

دمت بخير

,,,,,,

مهآآآآآآآآجرة

[[] خفـوٍق الـرِوِح []]

حيّ الله شـآعرنآ من بعـد غيبـه ..



الشمـري ..,.,’.. نظم شـآمخ بشموخ بوحـك .. صـح لسـآنك وعلآآ شـآنك مليـون ولآآ يكفـون .. رآئعـه لم امل قرآئتـهآ .. دمـت بروعـة مـآتخـط .. وبإنتـظآر عـزف آخر فلآآ تطيـل ..,.,’..

[سلطان الشمـري]

اقتباس المشاركة الأصلية كتبت بواسطة محمد السماري صح السانك وعلا شانك تقبل مروري

صح بدنك والله لايهينك


شكراً لكرم مرورك




دمت بخير

[¦ღ.. مياسه..ღ¦]

0
0
0
0

0
0

انا فيني .. طبع يمكن .. احتواني لـ الضمير

منبعي .. اشواق تزعج .. الف ساحه لـ الركود


كنتي حلم ٍ .. في عيوني .. آآآه يالحلم الكسير

ياسراب .. أغرى ظمايا .. وللأسف .. ماله وجود



سلطان الشمري


/
\
/


صح لسانك ولاهنت وعلا شانك ....!!!

صح لسانك ولاهنت وعلا شانك ....!!!

صح لسانك ولاهنت وعلا شانك ....!!!

وبيض الله وجهك على هالقصيده الأكثر من جميله.. ويعطيك ألف عافيه .. ولايحرمنا من جديدك ...!!


صَباحك هَمس وقصيد

[ساني ظلام الليل]

سلطان الشمري
الحمد لله على السلامة

وجودك بهذ الرائعة،يؤكد المثل(من طول الغيبة جاب الغنايم)

صح لسانك ،ولاهنت

ابيات في غاية الروعة والجمال
لاعدمنا هالطلة والابداع

بانتظار جديدك
تقبل مروري المتواضع

[الالمـاسي]

عندما يتحدث الكبرياء..

يكون الشعر ذا طعم خاص..

ولون مميز..

تتقنه عقلية مبدعه..

عقلية شاعر يتقدم بثقه..

نحو التميز..



سلطان الشمري..

صح لسانك يابعد حيْ..

ودمت لنا وهذا الإبداع ..

[سلطان الشمـري]

اقتباس المشاركة الأصلية كتبت بواسطة العنود الهواويه وان زعلتي .. يالعنيده .. < طقي راسك بالعمود صح لسانك تقبل مروري الخجول العنود الهواويه

صح بدنك أختي العنود

ومرورك انار حروفي


لكِ كل الود والتقدير