الغالي اللي كل ما وحيت طاريه
كتبت له من زود شوقي قوافي
كان الزعل بيني وبينه مشاريه
شرهة غرام ولازعل يوم كافي
يفرح وهو زعلان لاجيت ابرضيه
ويرضى علي الزين والقلب صافي
وليا دعيته للهوى قال لبيه
وانا معه في كل الاحوال وافي
ماشفت في كل الملا من يساويه
ولاضنتي مثله عن العين خافي
ميرالقدر جاني بشيٍ (مدانيه)
ليت القدر مافيه هجر وتجافي
أستغفر الله والقدر حكم واليه
هو فارج الكربات لو مايشافي
أبا أطلب اللي لو بغى الميت يحييه
اللي كشف كل الامور الخوافي
أبطلبه قلبي من الموت ينجيه
قلبٍ حموله كايداتٍ خفافي
عندك أخفاف وعند قلبي بلاويه
ابعترف لو ماتريد أعترافي
هجره بوسط القلب تطعن شلافيه
وهو بعد مهموم عقب العوافي
حرام عقب الحب مقدر أخليه
هو راس مالي دونه القلب حافي
اليا ضحك في ليلةٍ من لياليه
أشوف نور الصبح والنوم طافي
وليا زعل شفته يفرك أياديه
ثم حطها فالحضن والحضن دافي
يالايمي لاتنشد القلب وش فيه
بلاك ماتدري عن القلب غافي
يالطيـــــــــــــــــــــــــــــــــــــــف
وربي رائعهـــ بكل مافي الكلمه من معنى ومو غريب عليك
دائما متحفنا بقصـــــائد راقيهــ
سلمت وسلم قلمكــــــــ ( طليق المشاعر) :)