السلام عليكم ورحمة الله وبركاته
اسعد الله اوقاتكم احبائي اسرة هذا المنتدى الشامـخ
انثر بين آعينكم قصيـده إتمنى تنإل إعجآبكم
،، الله جـعـل للرجل قيمـة وهيبـه ،،
جربت انا الدنيا تراهآ عجيبـه // من عاش في الدنيا يشاهد عجبهآ
فيهآ نماذج من بشرها غريبـه // تضحك في وجهك لين تأخذ طلبهآ
والى انتهى خذلك نميمـة و غيبـه // ويصور اللي ماحصل في غيبها
والنوع الآخر فيه شكـه و ريبـه // يعطيك كلمـة ثم يرجع سحبها
يوعد و يخلف مايحسبه يعيبـه // وهو يحمل كل كذبة كذبها
دايم مذبذب بين خبثـة و طيبه // ماينعرف وجـه القطا من ذنبهآ
والبعض الآخر تحت حكم الحبيبه // يمشي في اوامرهآ ويدور غضبها
كلمـة تودي به و كلمـه تجيبـه // مهمتـه عنهآ تخلى وهبهـا
الله جـعـل للرجل قيمـة وهيبـه // وهو تقهقر والمهانـة رغبهآ
قمـت اتفكر في الليالي القريبة // واحترت في الدنيا وطابع عربها
تقلى القريب اليوم يكره قريبـه // من غير ذنب سابق تكره نسبها
كل يفكركم جـمـع في الحقيبـه // لكل يطالع كم صفقـه كسبها
تلقى الفقير اللى احواله صعيبه // يستقبلك بآخـلاق مع حسن ادبها
والبعض لو عنده دراهم رهيبه // محروم منها ماله الا تعبـهـا
طماع دنيا مايعرف الوجيبـه // زكاة ماله عـن ذويها حجبها
والله مصيبه يا جماعـه مصيبـه // وين السبب ازريت لا القى سببها
يالله لطفـك في الظروف العصيبه // يوم القيامـه يا مفرج كربها
،، الله جـعـل للرجل قيمـة وهيبـه ،،
العرض العادي
