أحس في داخلـي تواقـد الجمـرة=والنار ما تحرق إلا رجـل واطيهـا
ودموع عيني على الأوجان منتثّـره=عجزت والله عـن العـذال أخبيهـا
وجروح خلي بوسط الجوف منتشّره=ماعاد ينفـع تـرى والله يداويهـا
لو كنت ما أغليه ما والله عليه أشّره=وش السبايب جروحي ليه يدميهـا
أدمح خطاه وتجي عثره وراء عثره=وفي كل مـرة يكحلهـا ويعميهـا
ماهوب جاهل ولكن ما معه خبـره=في ساحة الحب ما عمّـر مبانيهـا
قلبي خذاه وتعمّدمـا يبيـن أثـره=وقفى وروحي تعثّر فـي خطاويهـا
حاولت أصده ولكن ما معي قـدره=وكل المشاعر تنادي ويـن غاليهـا
يقول حبك بنى في داخلـي قصـره=وأنتي حياتي وروحي ساكنه فيهـا
ويبعد ونفسي على فرقاه منكسـره=ويرجع ودمعة عيونه باينـه فيهـا
يطلب رضاي وتجيني لحظة السكره=قصة غلانا غريبـة فـي معانيهـا
لحظة تمهل ترانـي دايمـآ حـذره=لا شك حب(ن) سكن بالروح مطغيها
أبسألك وأنت عطني موجز الفكـره=محبتي وسط قلبـك وش تسميهـا
مهآآآآآآجرة بتاريخ /6/8/2007=