قبل مده رحت بجيب العائله من زواج احد الأقارب
انا : اركبوا السياره وكل وحده تنتبه لا تصك باب السياره على عبايتها وبمجرد ما انقفل باب السياره ...........
بدأ الأستديو التحليلي 00اسمعوا وش سمعت هذا ما يقوله النساء بعد كل زواج :
الأولى : ايش فيك تأخرتي؟
الثانيه : ساعه قاعده ادور على عباتي ،،،، انتي ما شفتي الحريم ،،،، يتضاربون عند العبايات،،،، العبايات تلخبطت
الثالثه : يا ليتنا ما رحنا زواجهم
انا : ليش؟
الثالثه : زحمه والبزران يتضاربون بقشر البرتقال ويلعبون
بالمويه
الأولى : ما شفتي ذيك اللي كبت القهوه على الحرمه اللي كانت نايمه؟
الثالثه : لا والله ما شفتها ،،،،، انا ما شفت ولا شي في الزواج ،،،، طول الوقت قاعده ادور على جزمة بنتي مها
الثانيه : ايش رايكم في الفستان اللي لابسته خلود؟
الأولى : مو حلو 00محنقط عليها والسحاب باين
الأولى: انا اعجبني مكياج أمل ،،،، تقول ان زوجة خالها جابته لها هدية من باريس
الثالثه : هههههه من باريس ،،،، تضحك عليك يا هبلا،،،،، تلقينه من محلات ابو عشره
وقــــــــــفه
الغريب والعجيب انهم واثناء حديثهم في السياره يقولون
لبعضهم ،،،، خلاص يا بنات بس ،،،،، ترى ما يجوز نتكلم على الناس
تكــــــــــــــــــــــــمله
الثانيه : صح والله كلامك يا اختي ،،،،، ما يجوزنتكلم عليهم ،،،، بس شفتي الحرمه اللي كانت قاعده جنبي على العشاء وتقطع لي لحم؟
الأولى : ايوه شفتها ،،،،، هههههههه متوصيه فيك ،،،،، شكلها بتخطبك لولدها
الثانيه : وجع في شكلها هي وولدها ،،،،قاعده تقطع لي من اللحم الكبار اللي ما ينوكل،،،، وهي طايحه في اللحم الزين
انا : ايش رايكم في العشاء
الثالثه : دسم وكله شحم
الأولى : بارد
الثانيه : اللحم كبار
الثانيه : وفيه حريم ما تعشوا ،،،، قاعدين على الكراسي اللي في الكوشه ،،،، شايفين نفسهم
الأولى : حتى ام العروسه ،،،،، ما تعشت مسكينه ،،،، طول الوقت قاعده تبكي
الثالثه : هههههههههه تبكي من الفرحه يا هبلا،،،،
بس عاد بلا حش .. ما يجوز ..
صح والله ،،،،، ما يجوز ،،،،، بس شفتي ،،،،، وشفتي ،،،، وشفتي
واخيرا وصلنا المنزل
أنا : شوفو لي حبتين باندول اكسترا
وسلامتكم .... وأستروا ما واجهتوا
مع تحيات
الفارس