لحظة غروب الشمس سقت القدم سوق = يم الرجوم اللي تخفف عليه
والدمع فوق الخد والصدر محروق = والوقت يلحق كيته عقب كيه
بسباب مخلوقٍ ماهو بي مخلوق = ماشفت في زين المخاليق زيه
أتلا العهد به يوم ألاقيه فالسوق = كني موصى يم سوقه وصيه
والله مامن بيننا وعد مسبوق = صدفه من المعبود رب البريه
حبه جرى جري الدمى وسط العروق= كنه بوسط الجسم روحه وجيه
أبو ثمانٍ لاضحك كشفت بروق = والجمر من فوق وتحتها لظيه
سمح المحيا صاحبي حالي الذوق = وجهه قمر مدري قمرنا حليه
أليا وقف لبسه على الردف مطروق = وليا مشى كلن شكى من خويه
صغير سن مير ماهو بمطفوق= حرام مالمست يديها يديه
كل ماذكرته هزني يمه الشوق = عز الله أني في هواه الضحيه
أربع سنين أعدها عد موثوق = أعدها في كل صبح وعشيه
لحظة غروب الشمس سقت القدم سوق = يم الرجوم اللي تخفف عليه
والدمع فوق الخد والصدر محروق = والوقت يلحق كيته عقب كيه
بسباب مخلوقٍ ماهو بي مخلوق = ماشفت في زين المخاليق زيه
أتلا العهد به يوم ألاقيه فالسوق = كني موصى يم سوقه وصيه
والله مامن بيننا وعد مسبوق = صدفه من المعبود رب البريه
حبه جرى جري الدمى وسط العروق= كنه بوسط الجسم روحه وجيه
أبو ثمانٍ لاضحك كشفت بروق = والجمر من فوق وتحتها لظيه
سمح المحيا صاحبي حالي الذوق = وجهه قمر مدري قمرنا حليه
أليا وقف لبسه على الردف مطروق = وليا مشى كلن شكى من خويه
صغير سن مير ماهو بمطفوق= حرام مالمست يديها يديه
كل ماذكرته هزني يمه الشوق = عز الله أني في هواه الضحيه
أربع سنين أعدها عد موثوق = أعدها في كل صبح وعشيه
[size=5]
السلام عليكم ورحمة الله وبركاته
ومساء الخير لخونا ولد عمنا الطيب ...
يسلم محياك عليها من جد قصيده في قمة اروعه ..وكل حرف يسحبنى لحرف <<حلوه يسحبنى
ههههههههه بس من جد لاهنت عليها والله
<<اخبار الهيلا شكلك معمر هناك هههههههه<<<<ترى رحت لها وناسه من جد
بس ماشفت مخيمكم<<<وينه ههخخخخخخخ
صراحه تغيب وتجيب احلى شعر
السلام عليكم ورحمة الله وبركاته
ومساء الخير لخونا ولد عمنا الطيب ...
يسلم محياك عليها من جد قصيده في قمة اروعه ..وكل حرف يسحبنى لحرف <<حلوه يسحبنى
ههههههههه بس من جد لاهنت عليها والله
<<اخبار الهيلا شكلك معمر هناك هههههههه<<<<ترى رحت لها وناسه من جد
بس ماشفت مخيمكم<<<وينه ههخخخخخخخ
صراحه تغيب وتجيب احلى شعر
تقبل مرورك اخوى ويسلمك ربي
دمت بود...فزوو
[/size]
هلا فزو وعليكم السلام ورحمة الله وبركانه
مساء النور والسرور
الله يسلمك فزو الروعه الحقيقيه هي في تواجدك هنا
وأخبار الهيلا مزاين وملتقى لايعلى عليه وأظنه مايخفااااك
ومخيمنا أكيد هو الخسران لأنك ماشفتيه ولامريتيه ههههههههههههههههه