|
اقتباس |
|
|
|
|
|
|
|
|
بحسب خبرتي الجامعيه لم اجد طلاب يختبرون الساعه 11مساء معداء طلاب جامعه الملك فيصل كليه العلوم الاداريه فهل هذا الوقت مناسب لكي يختبر فيه الطالب المنهمك في المحاضرات طوال اليوم من محاضرات الصبح والعصر والليل فيجد إعلان موضوع بموعد إختباره في الليل |
|
|
|
|
|
اخوي بالنسبة للوقت الساعه 11 بسيطة
روح شوف مصايب غيرك تهون عندك مصيبتك
انا اقولك حنا بعد نختبر الساعه 11
واحيانا والله يا اخوي اطلع من البيت الصباح الساعه 7 والله ما ارد البيت الا الساعه 1 او 2 اخر الليل وهذي صارت معي مرتين بسبب اختبارات
وازيدك من الشعر بيت حنا عندنا اختبارات يوم الخميس الصبح
يعني حنا طلاب وما نصدق يجي الخميس نريح شوي
الا نتفاجا بوجود اختبار
وبعدين على موضوع الدكاتره السعوديين وش نسوي
شئ موبيد الطالب
وانت تعال شف سعودي اذا اعطوه مكتب وش يسوي
يرفع راسه ولا كأن احد بالدنيا معه مكتب
فما بالك اذا كان سعودي ودكتور تخيل عاد
والمشكلة كثير من الدكاتره والله مدري وشلون اخذ الدكتوراه
والله يا اخوان في دكتور فيزيا درسني والله ما يدري وين الله حاطه
كان ينقل مسائل من دفتر التحضير ويجي يكتبها عندنا ولا يعرف يحلها
وبعد ما يطفش يقول خذوها واجب ولا هذي ما تجي بالاختبارات
ويحذفها
بس في النهاية لاتنسى اخوي في دكاتره على العين والراس
وتلقى اسلوبة مع الطالب اسلوب اب مع ابنه
يقدر ظروف الطلاب يتناقش معهم على كل كبيرة وصغيرة ويشرح بكل ضمير
ولو بقول اللي عندي بتنتهي صفحات وصفحات وانا ما خلصت كلامي
لكن ما اقول الا الله يعينك ويعين الطلاب ويوفقهم
ومشكور اخوي على الموضوع واحييك على الطرح الرائع