حوار عادي بين افراد عائله أردنيـة
الأب مخاطب الابن : تعال وله
الابن و بكل براءة : نعم
الأب
: نعامة ترفصك .... تعال وله
الابن : ليش شو سويت؟
الأب : سواك ضريب يخلع رقبتك
الابن : شو فيه؟
الأم : شاوي يشوي عضمك ... رد على ابوك بأدب وله
الابن : هوه انا حكيت شي؟
الأب : حكحكوا جنابك بالعصايه اوقف صح يا حيوان
الابن : حاضر
الأم : يحضروا على قبرك إن شاء الله ... لما ابوك يحكي انت بتخرس
الابن : أخرس؟
الأب : ايوه إن شاء الله خرسه
الابن : ماشي
الأم : اجاك مشش بركبك ما تقوم منه إن شاء الله
الابن : مشش ؟؟؟ شو هاذا المشش؟؟
الأب : اما انك قليل حيا ...وبترد على امك كمان ؟ هات العصاي وتعال وله
الابن : انا رديت على امي؟ يمّـه احكي كلمه
الأم : موا يمزع نيـعـك وله ....حكيتلك اخرس
- الابن الآن اصبح مغلوب على امره ومش فاهم ايش الموضوع وصمت
الأب : أما جيل قليل حيا...احكي وله ... مالك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط
الام : حيه الي تقرصك إن شاء الله .... قلتلك تأدب وانت بتحكي مع ابوك الأب : إيش 'بتشوفوني غلط' هاي! ... شايفنا عميان ولا حول؟
الابن : لا اله الا الله
الأم : الله يوخذك إن شاء الله.... يا ريتني خلفت ابن الجيران ولا انت
الأب : انا مش عارف هاذا الولد متى بده يصير زلمه...دايما فاظحني بين الرجال
الابن : طيب شو اعمل عشان تشوفني زلمه ؟
الأب : قلتلك اخرس وله
الابن : يا الله ... يا الله .... يا جماعه شو مالكوا ... شو فيه ؟
الأم : اه صحيح انت ليش ناديت عالولد يا زلمه ؟
الأب : بتصدقي يا مره اني نسيت.... نساني شو كنت بدي منه هالكلب الاب : خلص روح ارجع على غرفتك يابا