بسم الله ،،
أتمنى أن تنال على الاعجابَ
وأجد نفسي مقصراً
تجاه هذين الرمزين
سرى مخيل الشَعر يمطر بالأمزان = وأسقى العرب في نجد وأرض الجزيره
هلت سحابه وأرتوى كل عطشان =في خاطري سالت سيوله غزيره
وأرض المشاعر زرعها اليوم قيفان = من لسن شاعر نابعه من ضميره
مضمونها في مدح قادات الاوطان = أهل المكارم والصفات الشهيره
أولاد أخو نوره سلاطين الازمان = أهل المبادي والعقول المنيره
إللي لهم فالأرض سلطه وسلطان = من خيرهم عم الرخاء كل ديره
دولة هل العوجا بنوا خير بنيان = على خطى الشايب يقودوا المسيره
أرض الحجاز ونجد دره ومرجان = وأرض الحرم في ظلهم مستجيره
في ظل أبومتعب ونائبه سلطان = المملكه بوجودهم مستنيره
هم أسسوا للمجد والعزعنوان =والمجد لأل سعود ذكرى وسيره
وأرض السعوديه بهم ثوبها زان = في ظلهم كل الموارد وفيره
من عقب ماكانت صحاري ووديان = أضحت نواحيها حدايق خضيره
فيها الحضاره والتطور والاتقان = والعلم بعد الجهل فيه البصيره
والدين والإيمان منهج وبرهان = قاموا بواجبهم تجاه العشيره
والعدل والإنصاف للحكم ميزان = بل هو أساس الحكم للي يديره
والفضل بعدالله عايد للأخوان = إللي حموها بالسيوف الشطيره
هم نصرت المظلوم في كل ميدان = عون وسند لأهل النفوس الضريره
يالله يارحمان ياعالي الشان = تحفظ أبو متعب وتحفظ وزيره
والختم صلى الله على خير إنسان = المصطفى وآله ومن هو نصيره
صلى عليه الله في كل محيان = واصحابه الاخيار مني كثيره
وسلامتكم
العرض العادي
