خـزبـلات لـم تـكـتـمـل اهـداء لعبوره

[العبيويـ]

السلام عليكم ورحمة الله وبركاته

و

صباحكم جووووووووري

.
.
.

سولف علي يانفحه المسك والعود
وعطني علومك يابعد كل هالنـاس
مشتاق لك والشوق عندي بلا حدود
شوقاَ تعدى شوق ابودباس لدبـاس
يشهد عليّ الشاعر الجزل ابو سعود
اني بحبك غادياَ (كتلـة احسـاس)

.
.
للحدث بقيه
.
.

ابك لاتبطى علينا يالحبيب الغالـي
غيبتك عنا دقيقه تشغل التفكيـري
مانبا يمكن ولكن منـك ويورالـي
خاف ربي لاتوثم في خفوق مطيري

.
.
للحدث بقيه
.
.
اعجابك في شطر من قصيدي يزيد من توهج شاعريتي

لك كل الود والاحترام ..


لو كتبنا فيك من شعر وقصايـد
ماتوفيـك القصـايـد يابنـيّـه
لانك انتي غير بك طبع وعوايـد
بالعقل ..والذوق..والطلّه البهيّه
جبت لك بيتين بس مثل القلايـد
علقيهاا بالنحر صبـح وعشيّـه
(بنت شيخا بالمراجل دوم زايـد
واخت منهو ماتخلى عن خويـه
قالها اللي ماحسب لاهل النقايـد
لو كتب لك حرف سووها قضيه)
.
.
للحدث بقيه
.
.
ياوجود اللي تولع في هـوى فلانيـه
في صلات الرحم لامايلتقـي وياهـا
ان بغاها قالت العربان وش طاريّـه
وان تركها ويل قلبه يوم هو خلاهـا
كن روحه بميسم سلوم البدو مكويّـه
لو خطاها تتبع الدرب الخطا جاراهـا
وياوجودي وجد شالح في فراق اوخيّه
كاتما روحه بحزنه لين جاب اقصاها
.
.
للحدث بقيه
.
.
يا حبيبي جاري إرسال الرسالـه
وانت جاري من وريدي في وريدي
المسج من هاتفي خلّـه لحالـه
علّقه في باب صنـدوق البريـدي
ماني بمرسل معاريـف وجمالـه
مرسل ٍ لك بيت واحد من قصيدي
.
.
للحدث بقيه
.
.
تعبت ألمح لك وأوضـح ولافـاد
في منطقي والا بنظـرات عينـي
عن حبي اللي بالحنايا لـك ازداد
وعن واهج اشواقي ولفحة حنيني
وانته ولاهمك على الوضع معتاد
ولسان حالك من( يبيني يجينـي)
متى تحس ارجووك قلي متى عاد؟
تعبت ألمح لك عن الشوق فينـي
.
.
للحدث بقيه
.
.

هي مزهرية ورد مـدري نواويـر
في روضةٍ تبكي ويضحك زهرهـا
مياسةٍ ما مثلهـا فـي الغناديـر
لو صدرها مرات يتعـب ظهرهـا
لامن مشت ماعاد تدري وش يصير
فالخطوه اللي من قصرها قصرهـا
وان وقفت تاقف عليها العصافيـر
شافت غصون وجت تدوّر ثمرهـا
هي غير حتى لو زعل مني الغيـر
ما غيرها لو غيرها جـا باثرهـا
فيها من الغيره جنـون الأساطيـر
ومن الوله فيني قصيـدٍ غمرهـا

.
.
وسـلامـتـكـمـ

العبيوي

[مصادر]

[

font="comic sans ms"]
العبيوي :


سلات من ألورد ألمعطر وزعتها من مشاعرك ألجياشة,,



فأنعشت ألمطالع وهو يدور في حدود كل باقة زكيه ,,,





بوح جميل بنماذج من ألحس ألمرهف وألمشاعر ألعبقة ,,



ماسطرت أناملك له طعم عذب يروي ,,,



سلم فكرك وأنامل يمينك ألتي تقدم ألجزل ,,





أسجل أعجابي بمانثرت من عطر فواح ,,


وأمل قبول أعجابي وصادق تحياتي ألندية ,,


أخوك / أبومحمد ,,,,[/font]

[العـ راعي ـليا]

صح لساااانكـ

العبيوي ...

ولا هنت .. كل وحده احلى من الثانيه

تقبل تواضع مروري

دمت بوود

[Miss 3bora]

ياحبي أنا في بعدك حاشني الكتمان

مــاعرفت بغيابك إلا الصمت والسكون

من غيرك ماأظن لساني له لزوم يهون

أشهد أنـــي بغيــابك أنتابنـــي الجنون

يعلم الله من أشوف أسمك ينور بالعيون

فز قلبي ودي تمسح مافيه من طعون

وأبشرك الرســالة حفظتهـا بالهووون

هي غاليةً عليهِ وعقلي لهـــا يصوون

... ابيات بسيطة ماتوفي قصيدك...

يعلم ربي أنك أغلى ماعرفته بحياتي..

يسلمك ربي على أبياتك الرائعه ومشكور على الأهداء قلبي

وسلامي الحار لك يالغلا....

[العبيويـ]

اقتباس المشاركة الأصلية كتبت بواسطة مصادر [ font="comic sans ms"] العبيوي : سلات من ألورد ألمعطر وزعتها من مشاعرك ألجياشة,, فأنعشت ألمطالع وهو يدور في حدود كل باقة زكيه ,,, بوح جميل بنماذج من ألحس ألمرهف وألمشاعر ألعبقة ,, ماسطرت أناملك له طعم عذب يروي ,,, سلم فكرك وأنامل يمينك ألتي تقدم ألجزل ,, أسجل أعجابي بمانثرت من عطر فواح ,, وأمل قبول أعجابي وصادق تحياتي ألندية ,, أخوك / أبومحمد ,,,,[/font]

ياهلا بالغالي ابومحمد

اسعدني تواجد على هالخزبلات

نورت يالغالي

وشهاده اعتز فيها من شخصك

وصح الله ابدنك

ولاهنت على المرور

[العبيويـ]

اقتباس المشاركة الأصلية كتبت بواسطة العـ راعي ـليا صح لساااانكـ العبيوي ... ولا هنت .. كل وحده احلى من الثانيه تقبل تواضع مروري دمت بوود

ياهلا بالغلاا كله راعي العليا

يسعدني تواجدك على ابياتي المتواظعه

وشهاده اعتز فيها من شخصك

وصح الله ابدنك ولاهنت

[العبيويـ]

اقتباس المشاركة الأصلية كتبت بواسطة miss 3bora ياحبي أنا في بعدك حاشني الكتمان مــاعرفت بغيابك إلا الصمت والسكون من غيرك ماأظن لساني له لزوم يهون أشهد أنـــي بغيــابك أنتابنـــي الجنون يعلم الله من أشوف أسمك ينور بالعيون فز قلبي ودي تمسح مافيه من طعون وأبشرك الرســالة حفظتهـا بالهووون هي غاليةً عليهِ وعقلي لهـــا يصوون ... ابيات بسيطة ماتوفي قصيدك... يعلم ربي أنك أغلى ماعرفته بحياتي.. يسلمك ربي على أبياتك الرائعه ومشكور على الأهداء قلبي وسلامي الحار لك يالغلا....

ياهلااا بالغاليه عبوره

انرتي هالابيات المتواظعه

واسعدني تواجدك هناااا

وصح الله السانك على هالابيات الرائعه

وبنفس الوقت صح الله ابدنك

تقبلي تحياتي

[*+* مـهــآآآآجــرة *+*]

))العبيوي ((

مقتطفآآت عذبة البوح ..رآآآقية ومعبرة

تحملنا لعاآآلم الإبدآآع والجمال ..

صح لسآآنك وربي لا هآآآنك

ننتظر جديدك المميز


كل الشكر لروحك الطيبة "

[حلوة المعاني]

مقتطفآت جزلة , رائـ ع ـة ، }



تأخذنآ إلى عآلم التميز والجمآل ....



سجل إعجآبي بهذهـ آلشـــآمخة





{ لكَ ودي ووردي

[العسجديھ]

وَ لِلإِبْدَآْعِ بَقِيَّهْـ
\
صَحّ لسَآْنــــــــك يَالْعبِيْوِي
وكُلّ وَحْدهْ مِن قصَآْئِدك تقُوْل الزِّيْن عنْدِي
مَاشَآْءَ اللَّهـ .. تَبَآْرَك اللَّهـ
وتِسْتَــاهِل عَبُّوْرهـ كِلّ خَيْـــر ..!
يسْعِدْهــا رَبِّي ..
\

لو كتبنا فيك من شعر وقصايـد=ماتوفيـك القصـايـد يابنـيّـه
لانك انتي غير بك طبع وعوايـد=بالعقل ..والذوق..والطلّه البهيّه
جبت لك بيتين بس مثل القلايـد=لقيهاا بالنحر صبـح وعشيّـه
(بنت شيخا بالمراجل دوم زايـد=واخت منهو ماتخلى عن خويـه
قالها اللي ماحسب لاهل النقايـد=لو كتب لك حرف سووها قضيه)

صحّ لسَآْنِــــــــك
\

وش في يدك غير السهر والقصايد=حيـل الله اقـوى يالعـيـون الشقـيـه
ياخُـوي بهالدنـيـا تـشـوف النكـايـد=وماينفعـك إلاّ شيّـال عنـك القضيّـه
عشقتها عشق علـى العشـق زايـد=حبيـتـهـا والـحــب مـاهــو خـطـيـه
وانا اشهد ان فـراق الاحبـاب كايـد=عفت الهوى عفـت الليالـي الهنيـه

تقبَّل سَلامِي/وَردَي