بعض الوصوف أعّبَر من الشـّـــوف للعين ( هذا ماجناه فهد الشمري )
اقتباس
المشاركة الأصلية كتبت بواسطة فــهــد الشمـري
ما أجملك يابنت دون الإطارات = ياشين هالشاشة تحول المنالي
بك يعترف قلبي بحب المسافات = ياغاليه عندي وبهديك غالي
يام النهود البارزه فيك وقفات = وذيك الردايف شغلها سم حالي
سيقان كالبلور .. مربوع هيفات = والخصر وصفوطه يثير انفعالي
ذا ذوقي المحبوب وعندي هوايات = اموت بالمربوع زينه خيالي
لا شفت ذاك الجنز ؟ جتني بليات = ياشين حال الواحد بفقد والي
وعيون حور ٍ سود نجلا وكسلات = والجفن وارم والحواجب هلالي
وجبين مثل الصبح وخدود وردات = والشعر اسود وللردف حد طالي
والفم كنه دم من بين ثلجات = والخشم مثل السيف واسط وعالي
بعض الوصوف أعّبَر من الشوف للعين=وصف المِز َايَن ْ ريم والا قماري؟
لا قلت وقت ٍ تاصِله قلت هالحين=مابه صبر فالليل ولا نهاري
القلب الاخضر مِنوته شوفة الزين=لا مَرْ والا جاني حزة عصاري
ياكره عشّاق الهوى قول بعدين=يمرض ولا فاده حكيم إستشاري
يازين وصل الحب بين المحبين=كِنه مِطَر يالغيث تروي الصحاري
لاحاجة ٍ للطب والا المداوين=مادمت مع معشوقة القلب ساري
يانسل شمّر جتك بعض العناوين=وانته اظنك جيت بالعلم داري
جبت الوصوف وليه ظلم المساكين=يا طاري ٍ راحت وراك الطواري
سجيت يوم إن المخاليق ممسين= وش حيلة اللي بالمشاوير ضاري
يافلان انا حبيت من عام الالفين=حبيت بنت ٍ تنزل إفـ . دار جاري
كان الفـَـرَح بالعَد من عـِـد شهرين=من يومها قد شب فالصدر ناري
بنت ٍ بِكَتْ ياكيف يابنت تبكين=ترسل رسايل ماني للخط قاري
مهرك عَرَفته قيل بالعد تسعين=شال البضايع منهو بالنقد شاري
جاني الخبر من قبل يابنت تدرين=من خنقتي فكيت سرعه زراري
قلت الهوى عشقي ويابنت تكفين=صدي عن الخطّاب صد إختياري
محد ٍ جِبَرك وليه يابنت تقفين=ياكيف خط السير ضيّع مساري
هذي حياة ومختلط زين مع شين=أيام دارت تختلف فالمداري
يانسل شمَر جبت قاف ٍ بتلحين=مجنون غنّا وسط ذيك البراري
اخي الحبيب
راعي العلياء
كم فكرت فيما يوفيك حقك
ولكني وصلت للنتيجة العادلة
انك اللحاق بكريم افعالك يصعب على متتبع خطاك
فالكريم لايلحق به احد
كل الشكر والتقدير على تشريفك الدائم لمتصفحتي
تحياتي وتقديري