حـــروة ~//~ غـــــلاكـ

~ tмйєτҝ ~ · 23-06-2009, 08:39 AM

تلاقينـا و صـرت إنـت الوحيـد اللـي مـلـى دنـيـاي ..

و غيرك راحت سنينه .. عبـث .. مـا حـرّك إحساسـي ..

تخاوينـا علـى درب الفـرح و خطـاك جنـب خـطـاي ..

وعدتـك تبقـى بـعروقـي غـلا مـا يعـرفـه يـاسـي ..

زرعتك / نبض
وإحساس ..
ومشاعر ..

.. وألف راي و راي ..

على [ حروة / غـلاك ] .. وجبـت لـك حبـري و قرطاسـي ..

أبقلط صـدر مجلـس خافقـك .. خابـر هنـا مركـاي ..

وأبشـرب مـن فناجيـل الوصـل مـا يجلـي عمـاسـي ..

وأبهيجـن علـى ربـابـة الأشــواق يــا مـسـراي ..

أنـا شاعـرك .. ديـوان المحبـه .. وإنــت جـلاسـي ..

وأبسمّعـك آخـر مـا كتبتـه فـيـك يـومـك جــاي ..

و شايـل معـك ضحكـات الزمـان و جيـت متـواسـي ..

بجر الصوت .. لين الصوت يوصل أبعـد مـن حكـاي ..

تـرا بعـض الحكـي مـا يعتـرف بـحـدود و قيـاسـي ..

صحيـح أشيـا كثـيـره بينـنـا مــا هـزهـا مغـنـاي ..

و لكنـي أحــاول أكـتـم المـوضـوع عــن نـاسـي ..

إلـى مـن زارنـي طيفـك أسولـف عنـك رايـح جـاي ..

يطمنـي عـن أحوالـك وإنــك مـنـت لــي نـاسـي ..

ترا كـل الكـلام اللـي نطقتـه .. مـن صـدى ذكـراي ..

بعد مـا رحـت يبقـى قـدرك بـعينـي و علـى راسـي ..

عجز حظي ولا جابـك .. وجـر الحـزن صـوت النـاي ..

على قول المثـل .. ( حطـاب وعنـدك إنكسـر فاسـي ) ..

و تبقـى غيبتـك أقـسـى مـراحـل عشتـهـا ويــاي ..

ويبـقـى خافـقـك بـالـذاكـره عشـقـي و نومـاسـي ..

تفارقنـا ولا زلـت ( الوحيـد ) الـلـي مـلـى دنـيـاي ..

و غيرك لو قضى عمره .. حشى .. ما حـرّك إحساسـي ..

مما اعجبني ...

الـعـاطفي · 23-06-2009, 08:57 AM

وعجبني

يعطيك العافيه نور القمر

وماشاء الله عليه هذا الشاعر مخضرم

ينقلنا معه من بيئة إلى بيئة

نقل في غاية الرقة

وكأننا نردد وراه اغنية جميله

وهذا من إعجاز الشعر

وجمال قريحة الشاعر

تحياتي واحترامي

مفارق الأحزان · 23-06-2009, 09:06 AM

ابدعتي بما نقلتيه لنااا من كلمااات جميله وراائعه

وهذا ليس بغريب عليك هذا الابدااع والقي الجميل
والقلم الرائع

ويعطيك الف الف الف الف عااافيه

ودي وتقديري لك