هذه قصيده متواضعه فى انسانه غاليه وعزيزة على قلب شاعرها الذى ملكت فؤاده ارجو ان تنال اعجابكم
يامشاعل وانتِ ابخص بالخفوق اللي اشيلـه
تِعْبت ضلوعي وانا اللي هدني ياما جهدهـا
الحظيظ اللي يـودّع دنيتـه مافـاض كيلـه
عايش ٍ مثل الهوام وحاجته لاشّـر وجدهـا
إن لقى درب ٍ تزّهب وان قعد مرتاح ِ حيلـه
ماشكى ولاقد توجّد من عنا الدنيـا ونكدهـا
يامْشاعل يعلـم الله ماغَبِـط خـل وخليلـه
أغبط اللي بالمكـارم سيرتـه كـل ٍحمدهـا
أغبط اللي لو يميل الوقـتِ ماتثنيـه ميلـه
ولارضخ إلا ف سجوده لخالق ٍ سبع وعمدها
والله اني آ تقلب فـي لظـى جمـر المليلـه
من من الثاني توقّد واشعل ب محمد جسدهـا
يامشاعل والله اني بِالعطـا مااانـي بْخيلـه
مير ِ شح الحظِ عيّا يترك النفـس وكمدهـا
راحت الايام ِ قولي هو بقـى بـرق ٍ نخيلـه
أو بقى ف القلب ِ مُوضع خِنجر ٍ محد ٍ غمدها
المنايا شوفِ عيني يدنـن ومامـن وسيلـه
يالله انك ترحم اللي تستجيـرك فـي لحدهـا
يامْشاعل وانت ِاكثر شخص ِ قلبي يشتكي له
قولي وش حيلة خفوق ٍ راحته محد ٍ نشدهـا
إيهِ يااطهر من بقالي مابقى ف اليـدِّ حيلـه
ليهِ مارثى مامضالي وطيبتـي كـل جحدهـا
مااذكر إن شفّي شْفى فيني وُ لو مره غليلـه
وبي جروح ٍ ماقدرت احصي ولو مره عددها
يامشاعل والطهاره فيـكِ رمـز ٍ يالأصيلـه
صادره منك وحنانك واحْـة ٍ كـل ٍ وردهـا
جيت لك مادمتي أبخص بالخفوق اللي أشيله
تِعْبت ضلوعي وانا اللي هدني ياما جهدهـا
العرض العادي
