مـــــــــــــــــــرحبــــــــــــا
كيفكم ؟؟؟
كيكة الموز بالسور كريم ...
سويتها و انا مو كثير واثقه من طعمها ... لأني ماحب الموز كثير في الكيك
بس طلعت تبيض الوجه <<< حد ذاقها غيرك
فعلا لذيذه .... و غيرت نظرتي للموز في الكيك
علبة خليط كيك ( الأصفر )
3 بيض
كاس موز مهروس
كوب سور كريم
ربع كاس زيت
مقادير الكريمه : علبه جبنه فيلادلفيا
كاس و ربع سكر بودره ( كمية السكر حسب الذوق )
نص كاس زبده او مارجرين ( انا استخدمت مارجرين )
ظرف دريم ويب
شوي حليب
نخلط مقادير الكيك ... و نصبه في صينيه مدهونه و ندخلها الفرن حتى تستوي
نطلعها و نتركها حتى تبرد تماما
نخلط مقادير الكريمه ... و نخليها بالثلاجه ساعه
نقص الكيكه من النص ... و نحط علها كريمه و نرجع الطبقه الثانيه فوقها
ندهن الكيكه كلها بالكريمه ... و نزينها بالجوز المفروم
تحياتي :)