((( تدري ليه ازعل عليك..!!)))
الخفوق اللي رميته في يدينك ياهواي =مايجوز انك تخسره وان خسرته مايصير
اندفعت وجيــــت يمك ! والبشر كله وراي =انت تدري في غلاك ! وتدري انك لي نظير
ياعيون الكون كله .. ياهنايه مع شقـــــاي= تدري ماغيرك زلال ! وكل من حولي هجير
انا مابي غير كلمه ! يرتوي منها ضمــــاي =شف سراب اللال فيني وانا قدامي غدير
اشهقك حب ومشاعر ويتعطر بك مساي =في خفوقي لك مكان وماغيرك احد ٍ خشير
وان حصل ثم جيت يمي هذي هي غاية مناي =لك ورود الكون كله والثرى يفـــرش حريـــر
في عيوني لك مبـــات وداخل عيونك رجاي =وان تكرمت بودادك صارت الدنيا بخيــــر
ازهرت جدب الصحاري ونوًر البدر بسمـــاي =واشرقت شمس النهار وكل ماتطلب يصير
(تدري ليه ازعل عليك)؟ ويتجدد لك عطــــاي!=(اعشقك واموت فيك)من البشر عليك اغير
ان وصفتك .. ماوصفتك ! خان تعبيري غلاي =الحروف الأبجديه من خجلهـا تستخيــــــر
طبتم .. وطاب صباحكم ..
متواضعه .. اتمنى تنال اعجابكم..
العرض الشجري
