غدر السنين !!

[الجذ111ب]

السلام عليكم ورحمة الله وبركاته

هذي القصيده تعبر عن نفسها وان شاء الله تعجبكم




جاني خبر فزيت واقف وناديت
.............ناديت بأسمك بس ماتسمعيني

طوحت في صوتٍ رفيعٍ وونيت
............ونـــــات منهــو ميتٍ لـــه جـنيني

وطحت مغشيٍ علي داخل البيت
...........كــني طريـحٍ للوســـايد ســنيني

وجاذبت انا الونات حسره وتنهيت
..........وأتعبت بالتفـــريك راحـــة ايديـني

على الذي يامال لوصاله تمنيت
.........قبل يحــول الوقـــت بينـــه وبــيني

هو الوحيد اللي من البيض حبيت
.........ولا غيره احدٍ ساكن الشوق فيني

يامـــا علــــيه الدمع صــافيه هليت
.........وياما سهرت بهجعة المسلميني

خمست سنينٍ في غرامه تشقيت
.........عـــانيت فيهن كل عســرٍ ولـــيني

ومامن حســافه لو بعدها تـوفــيت
........ولا أعيش عمري بعد خلي حزيني

بس الرجاء يابنت لا قيل لك ميـت
.......أنتي السبب ويكـون عنـدك يقـيني

تدعين بالرحـمه ليا مـنك صلـيت
.......للراحل اللي شاف غدر السنيني


وســـــــــــــــــــــــلامتـــــــــكم ,,,,
أخوكم الجذ111ب

[آخرة العنقود]

سلمت يمينك اخي جذاب بكل ماخطته

كلمات جميله نسجتها اناملك وعبرتها مشاعرك

وابدعتها شفافيتك

نشكرك على هذه الرائعه التي اتحفتنا بها

على الذي يامال لوصاله تمنيت
.........قبل يحــول الوقـــت بينـــه وبــيني

يعطيك العافيه

آخرة العنقود

[‘ بدر الشوق ‘]

رووووووووووووووعه
جمال دلال خيال
كلام ولا احلى كلام
قصيده تسلم على معانيها وروعتها اخوي الجذاب

اقتباس هو الوحيد اللي من البيض حبيت .........ولا غيره احدٍ ساكن الشوق فيني

انشهد قلت ووفيت
واثر الحب والمحبين يشتاق لهم
حق القصيد فيك وحق الابيات تفخر لك
اروع مالقت تسلم وصح لسانك الف
ننتظر ابداعك ياجميل

تحياتي لك
اخوك
بدر الشوق

[الجذ111ب]

أختي العزيزه آخرة العنقود

أشكرك على مرورك وعلى تعليقك الجميل
الله لا يحرمنا من وجودك
ولك جزيل الشكر
تحياتي لك
أخوك الجذ111ب

[الجذ111ب]

شكراا لك يابدر الشوق ,,, ولولا مرورك لها لم تتعطر بطيب اطيب من قلبك يا اطيب قلب في العالم ....ووتسلم

تحياتي لك
أخوك الجذ111ب

[خالد الشايع]

اخي جذااااب
قصيده
وربما
ديوان

ابيااات اطلت الابحار فيها

وايقنت

ان الحب هو مفتاح القلوب

لله درك على هذه الشامخه

خمست سنينٍ في غرامه تشقيت
.........عـــانيت فيهن كل عســرٍ ولـــيني

ومامن حســافه لو بعدها تـوفــيت
........ولا أعيش عمري بعد خلي حزيني

بس الرجاء يابنت لا قيل لك ميـت
.......أنتي السبب ويكـون عنـدك يقـيني

تدعين بالرحـمه ليا مـنك صلـيت
.......للراحل اللي شاف غدر السنيني

يا اللــــــــه يالجذاب

وربي ابدعت

صح لساانك
ولاتحرمنا من خواتها

[معــ جروح ـانق]

هل أستطيع الرد بعد هذا الجمال
المتدفق من القصيده ؟؟؟


قصيده تقطر لوعه وأسى تجبرني
على الإبحار فيها بسكوت لئلا أقطع سلسلة الإبداع...


أخذي الحزن عن الرد
بل ألجمني وجعلني حائراً كيف أرد عليها...


الجذ111ب
شهادتي فيك مجروحه
ولكن يكفيني أن تعرف ماتعنيه قصائدك
بالنسبة لي...


الجذ111ب
ألف ألف ألف
صح لسانك ولاهنت...

تفضل بقبول وافر
تقديري وأحترامي...

أخوك / معــ جروح ـانق

[الجذ111ب]

أخي العزيز خالد الشايع
صح بدنك

وأشكرك على كل كلمه كتبتها اناملك وكلامك كله وسام على صدري

لك خالص أحترامي وتقديري
أخوك الجذ111ب

[الجذ111ب]

أخي العزيز معانق جروح

أشكرك كل الشكر على تعليقك وكلامك الجميل

صح بدنك والله لا يحرمنا وجودك
تحياتي لك
أخوك الجذ111ب

[كل حزني]

ماااقصرت وناااخوك ومثل ماعودتنا على قصايدك الجميله


والله لايحرمنا وجودك



اخوك كل حزني