انابـحبك مغرم فيـك وأغلـيـك=وانتـه بـحبي مغرم بالتجـنـي
مـادام ذا طبعـك وهـذي مباديـك=كمل جميلك وانـزع الـروح منـي
عييت انـا بالـود ياكـم اناديـك=واقول مجنونك من الود جنـي
غلاك يجبرني علي الشوق واجيـك=واحـث قلبـي بالرجـاء والتمنـي
واصبر واصابر علي من لامني فيك=واقـول مفتـون وخلـي فتـنـي
واخط لك مـن دم قلبـي قوافيـك=بحروف من شعري وشريان فنـي
ياملهم اشعاري عسـي الله يخليـك=قلي بربك ش الـذي جـاك منـي
وش فيك قلي ياهوي الروح وش فيك=من جفوتك حتـي الليالـي جفنـي
امسي وليلي ياهوي الـروح يبكيـك=واصبح وصبحي عند طاريك حنـي
وش الذي يازين غيـر معانيـك؟؟=قلـي بربـك يالطـيـف التثـنـي
هل هو غرامي يوم انا مغرم فيك؟؟=ولا الغلا يوم الغلا زاد مني ؟؟
ولا الثناء من طيب ذكرك وطاريك؟؟=ولا الوفاء واحسان قلبي وظنـي؟؟
ولا مدامع تنسكب مـن بواكيـك؟؟=ولا عيونن مـن عذابـك بكنـي؟؟
ولانواظر تكتحل مـن مساريـك؟؟=ولا مساري بعـد صـدك نسني ؟؟
ولا علي حزنك وقلبي يواسيـك ؟؟=ولا علي حزنـي وقلبـك يغنـي؟؟
ولا عهود مبرمـه مـن معاليـك؟؟=علي الوفاء ياغيرهـن ماوفنـي؟؟
انا بودك مغرم فيك واغليك= وانته علي بير الجفاء تاركنـي
الله أكبـر مـن زمـان الشرابيـك=لاشك ان بيـض البنـات افتننـي