كيـــف تنكب خويـــك
كيف تنكـــب او تنكبـــين صديقك أو صديقتك اليك………...........
اسهل الطرق……
1/اعزم خويك أو اعزمي خويتك بأفخم مطعم وعلى أرقى الوجبات وأغلاها طبعا بعد ما تخلص أستأذن شوي واطلع عنه أو اطلعي عنها ولا ترجعين خله أو خليها تدفع الفاتورة على راسها.
2/اذا كنت معه بنفس السياره وكان معك شاني سوي نفسك طاح من يدك وكبه على الفرش وخرب الفرش عليه.
3/إذا كانت تجيك دايم البيت وكانت متعوده تجلس على كنفه معينه كبي على الكنفه حبر وخليها تجلس عليها بدون ما تدري .
4/ إذا واعدته الساعه 8 بالليل لا تجي له الا الساعة 12 الليل خل البرد يلسعه.
5/إذا غاب عن محاضره وجا يبي منك الملخص قول له ما كتبت وإذا كان أنت الي غايب خذ الملخص ولا ترجعه قل له ضاع.
6/إذا كنتي معها على الماسنجر قولي لها انك تبين ترسلين لها ملف أرسلي فايروس خلي جهازها ينعدم على الأقل ما تخش أسبوع على النت.
7/إذا يوم من الأيام ما شفته لا توفر وقت على طول طلع إشاعه معه دوده الزايده.
8/إذا شفتيها بخاطرها تشتري بلوزه معينه وقالت لك إنها تبي تشتريها روحي قبلها واشتريها حتى لو ما كنتي تبينها.
9/إذا بيوم عطاك سيارته لا أوصيك توصى فيها لا يتم شارع فيه تصليحات إلا تمشيها طابلونها عليه.
10/ إذا وصتك على أصابع روج أو شنطة ميكياج لا تقصرين دوري لها ارخص الأنواع والبايخه ويفضل الغاتمه مره مره.
11/أطلب منه انه يساعدك في حل مشكله مع احد الربع وقول من وراه لرفيقك الثاني انه يبي يسبب شر ورطه يعني..
12/ إذا كنتي معها بنفس الفصل حطي دبوس على كرسيها قبل لا تجي الصباح بدري.
13/إذا بيوم شفته على الخط واقف يستنظر سياره توصله لا يكون توقف عشانه.
14/ إذا طلبت منك ترسلي لها السواق عشان يوديها للكليه لان سايقهم مريض قولي لها حاضر وبيوم الاختبار ارسلي لها السواق متاخر عشان يطوفها الاختبار.
15/ إذا جا اخر الليل وكان عنده او عندها اختبار اليوم الي بعده جننه دق دقه على جواله وسكر وعلى هالحال لا تخليه ينام ابدا وانتي بعد نفس الشي.
16/ إذا كان او كانت صاحبة موقع كل الي تعرفينهم لا تخلينهم يخشون الموقع وإذا خشو خشي وعلقي عليهم وإذا وصلت الامور انك تشترين سوبر عشان تطردين الي بالشات وخلينه على طول فاضي يكون افضل.
17/أي اختبار تعرف انه يبي يغش فيه قبل لا يدخل البراشيم روح وعلم المعلم وخله يطبقه ويعطيه صفر.
قريت الموضوع ؟؟؟؟
ودك تطبقه؟؟؟؟
حطيت منه افكار براسك ولعب عليك الشيطان؟؟
أهنيك اهنيكي الآن قدرتي تصيرين أنذل انسانه أو إنسان بعد تطبيق هذه الأمور
بس لحظه وحده
تذكر وتذكري قول الرسول صلى الله عليه وسلم عامل الناس كما تحب أن يعاملوك
وأيضا كما تدرين تدان
وتراى كل الي فوق مزح ووناسه وما يتعدى ابدا هذا المقصود
ويا زين القلب الأبيض الي ما يشيل على أي شخص مزح معه أو حب يوسع صدره
قلوبنا مثل القماش نلونه بأفعالنا
وبكل لون نلونه يبقى على الوجه مدلول
العرض العادي
