السلام عليكم ورحمة الله وبركاته
تحيه طيبه وبعد:-
العنوان طبعا قوي ومثير للدهشه لكن القصه اللي برويها لكم حقيقيه100%
في يوم الخميس من شهر محرم ماادري بالضبط كم كان تاريخ اليوم من دهشتي من اللي شفته المهم
طبعا طالعين انا وبعض الاصدقاء نفر بالسياره في شوارع الخبر
تقريبا على بعد صلاة المغرب الاونسمع صوت الدوريات والهيئه
طبعا هيئه الامر بالمعروف والنهي عن المنكر
المهم شفناهم داعسين قلنا ورااااااهم
شوي الا واحد من الاصدقاؤ يتصل بواحد من اخوياه اللي من المباحث يقول له ترا الامر كذا وكذا
قال له عندي خبر
قال له اسم الشارع والتقاطع رحنا هناك الا ونسمع ان ر جال الهيئه يسولفون ومدري ومتلخبطين وعفسه
انا شايفهم واقفين عند بيت يعني مو صغير ولاكبير
واقسم لكم بالله اني ابعد عن البيت مسافه تقريبا كيلو الا واشم رائحه كريهه
يعني انا طبعا ماافهم في سوالف الخمور والشغلات هذي ؟؟؟؟؟؟؟؟
قلنا السالفه فيها ان .............
رجعنا لهم بعد الصلاة اللي هي صلاة العشاء
وقالو ان فيها وقت للمداهمه بيداهمون البيت هذا اقصد اللي هو مصنح للخمر
هذي طبعا المعلومات جبناها انا واصحابي من رجل المباحث طبعا المفروض مايعلمنا بشغله
لكن اصحاب ومطيحين الميانه سوا
رجعنا بعد الصلاة الاوماتشوف رجال الهيئه والله اكثر من 7 سياراتGMC
كلهم داخلين البيت وعساكر وصراخ وشي يعني يخوف
نشم الريحه كل مافتحو باب
ياناس الا وربع ساعه منزلين امرأه لابسه عباءة مدري وشو جنسيتها
ملامحها تقول عربيه خليجيه سعوديه؟؟؟؟؟؟؟ ماادري
ومعاها رجل اجنبي غربي اللي عرفته انه يحمل الجنسيه البريطانيه
والبيت باسم رجل اعمال سعودي من تجار الشرقيه( معرووووووووف)
الزده هم ركبوا الرأه والبريطاني في سارتين مشوا
جيت انا واصحابي نبي نوف نبي نتأكد من الخبر
دخلنا الا ويجيني واحد يقول : خييييييييير وش عندكم هنا تعال انت انت ياللي لابس قميص احمر تعال وقميصي اصلا ماهو احمر ؟؟؟؟؟؟
فارس: هلا اخوي
الملازم : وش عندك هنا؟
فارس: والله ابد ماشيين راحين ع الشارع العام
(مايدري اننا موقفين السياره من ورا البيت)
الملازم: جا قال تلعب على مين انت ؟
فارس: لاوالله لا لعب ولاغيره قلت لك كلمه ياخوي الله يرحم والديك ماشيين
وماندري وش الطبخه
الملازم: هات هويتك
فارس: اثباتي في السياره تحس اني غبيييييييييي
الملازم: ضحك ضحكه غير طبيعيه
جا قال انا من اول شاك فيكم ياشباب جا قال اطلعو معي اركبو السوبر
الا واتصال على خوينا الخبل حق المباحث
وعدل الامور وقال له هذولا شباب يحبون الخير ومدري وشو ومن الكلام هذا
بعد يوم طلعت الاخبار
1- المصنع او المنزل اللي داخله المصنع له 4 سنوات موجود وشغله ماشي مثل العسل عندهم طبعا وماحد يدر عنه
2-المصنع طبعا مشترك بين الرجل البريطاني ورجل الاعمال المعروف السعودي
3- يوميا يبيعون لهم قبل مداهمتهم اكثر من 300 زجاجه خمر
4- الرجل البريطاني مو بس عنده مصنع واحد عنده اكثر من اربع مصانع يعني مسوي له فروع الاخ وشغله مرتب
لاحول ولاقوه الابالله العلي العظيمط
مصنع خمووووووووووووور مره وحده
لا وفيها شراكه رجل اعمال سعودي
الله المستعان
صدقوني انا شرحت لكم القصه اللي حدثت لي بام عيني
وكل اللي شفته وسمعته نقلته هنا لكم
وانتو عاد بكيفكم صدقتو ماصدقتو
لالالالالا لازم تصدقون لاني مابستفيد من اني اكذب عليكم
ودمتم سالمين والله يبعد عننا وعنكم الشر وعن الامه الاسلاميه جميعا
تحياتي:
FARES- ON - LINE
العرض العادي
