مسيييييييييييكم بالخييييييييير أجل الربع يحترون وش تكملت قصتي اللي تبكي الحجر تهيء تهيء تهيء تهيء .
لاحد يذكرني بقصتي بعدين أصيح (على بالي رومنسي بالحيل وقصتي تبتسي الحجر خخخخخخخخ ايه هين ) اييييييييه أجل ماقلت لكم وش صار عقب ماتجوزت زوجتي المصوووووون وش صار لي (السعلوه لقبها الجديد) أممم تيب .....؟.؟
قصتي قصه وأحوالي عجب أنا أشهد ، أعرست عليها والظاهر تعرفون هالشيء ومن اول يوم زي ماعلمتكم ابوي والوالده جوني والوالد ماغير وش صار ووش ماصار معك غديك بيضت وجهينا بس وانا ماغير اومي براسي ايه واطق على صدري ولدك رجال يايبه ( وهو مايدري أن الدعوه علوووووووم مايدري بالحكيكه يؤ اقصد الحقيقه المره ) وقال لي ونعم ولدي طالعن علي ( ايييه طالعن عليك لو تدري كان توطيت ببطني ) راح الوالد أفففففف الحمد لله مضت المقابله معه على خير ، جت أمها اللي هي عميمتي يعني عمتي عميت عيونها(عجوز ابليس هي عمتي ) ومعها رجلها وانا كني ماشوفه ماعندك أحد ( يعني سطل زيي مستقبلا يعني هي اللي مشيته مرته اللي هي عجوز ابليس عمتي ) هاه صباحيه مباركه ياعرسان ( يامصل هالعمه وياشيبنها وهي مسويه فيها مسقفه خخخخ ايه مسقفه بالحيل الله يعننها متأثره بالمسلسلات الهنديه يؤ لا أقصد المصريه ) أييييييييه أخذت بنتها ودخلت جوا وجلست تقرقر على راسها والله مدري وش يقلووووون ودي اعرف بس ماحصلي المهم جلست مع هالكمخه (عمي اللحين يعني لازم اقول له ياعمي مهما حصل ) أيه ياعمي حياك الله وش اخبارك وعلومك ،قال الأخبار والعلوم عندك وش سويت ووش ماسويت ( يووووووووه كذا ملقوف وش خصه وش سويت ووش ماسويت ، على باله يمون واحد من الربع ) أبد سواة الله ياعمي ، قال هاااااه عسى الوضع تمام قلت أبد الوضع كله طمااااط بطماط يؤ أقصد تمام بتمااام ، قال أيييييه عساه دوم ( والله أنه على كبدي هو واعجوز ابليس ذي حقته .. والظاهر بنتهم معهم الا مايعقل وياخذ بنته معه بس خخخخخ أبي الفكه )المهم جلس يبربر على راسي وأنا والله بلشان بعمري وش أسوي ووش ما أسوي البارح عدا على خير وهي تميلح عندي وعقب مانويت نيت بليس عليها هونت خخخخخخ مالي هوا ولا لي نفس أنسدت نفسي عن الحياة ، قمز قال افاااااا بس مهيب هي قلت وشو عسا ماشر ياعمي ( وأنا أقول بقلبي عميت عيونك ) قال وش ذا وين قهوتكم وين شاهيكم أفااا وأنا ولد ابوي ( على باله راعي بيت قم بس قم من زينك أنت وخشتك تأمر بعد ) قلت الشكوى لله ياعمي هذا أن دل دل على رفالت بنتكم ( يعني مهيب راعيه بيت ) قال اها بس بنتي والله متربيه زيييييين وراعيه بيت من الدرجه المنتازه ، قلت منتازه اييييييييه منتازه باين ياعمي ( والله من الدجه حلها عاد منتازه ) اجل نادها ياعمي وقل لها ، قال افا ورى ماتقول لها انت قلت أنت تشوف تسذا قال ايييه قلت طيب ( تبون الصحيح ودي تخرب خخخخخخخ ) أنتي ياموضي ( وأنا بقلبي اقول موضي قريح خخخخخخخ) تعالي جت وهي مسويه فيها مستحيه ( وأنا ودي اصفقهابالكرسي اللي قدامي ) قلت وين الشاهي والقهوه يالغاليه ورى ماجبتيهن لبوتس ، قالت والله يابعد عمري ( بغيت انتحر يوم قالتها وععععع بس بصبر يمكن أدخل الجنه بسببها ) ماعندنا شيء ، قمزت وقلت أفااا بيت عبيد ومافيه شيء ابد مايصير روحي دوري زين تلقينه هنا والا هنا بالمطبخ ( أبي ادور عذر واقلعها مع أهلها خخخخخخخ خندليس أنا ) قالت والله مافيه قلت أنا جايبه أمس وش هالحتسي الله يهديتس بسسسس (ماتدري انا موزيه على بالي منيب صاحي الا عقب يومين واروح ازينه بنفسي لكن انقلبت الآيه ، عاد اللحين ذا أزين عذر لي والا بطلقها ) اقول روحي دوري ولاتطولين الحتسي ، قالت بنفخه اقووووووول منيب شغالتن عند أبووووك قلت لك مافيه يعني مافيه تفهم أنت والا لا (يؤ والله ذي ماتنتحارش يهبيييييي وتعرف ترد بعد ) قلت لا وش دعوه موضي ( ذليت خخخ مافيها شيء زوجتي ) ياعمري بس مايصير ابوتس يجي ومايتسمم عندنا شيء يؤ أقصد مايشرب عندنا شيء ، قالت أبوي مايشرب شيء ومهوب بعازتن لك يعني عنده ببيته كل شيء ( قلت اقووووووول ودي اخربها بس ذي ماتتفاهم معه احد اخاف ارفع صوتي تصفقني على عيني بالمزهريه اللي وراها ) قلت ياعمي اجل ماهنا شيء اليوم مرنا باتسر انشاء الله ويصير خير ، قال مايخالف ياولدي الجايات أكثر من الرايحات ( ايييييييه والله الذله ياعمي بنت حلال أشووووف ماتنطق حرف من عمتي عجوز ابليس اللي طايحتن بتسبدك أثريني بشوف اللي شفته ) ذلفووووووو أخيراً ياربييييي وش الحل اللحين وذي ذلفت بغرفتها مسويه زعلانه والله اهون علي اموت ولا اروح احاتسيها بس لزوم بالاسم زوجتي ، وجلست افكر وافكر وافكر وجتني اخيرا فكورتن تهبل خخخخخخخخ أحرقت ثوبي اللي انا لابسه يعنني مدري وش اسوي بالمطبخ بالفرن وقب بوجهي واحرق ثوبي خخخخخخخ فكره منتازه على قولت عمي وماصدقت خبر ولعت بثوب النوم حقي ياقهري قهراااااااه مشتريه قبل معرس على هالشيفه بخمس طعشر ريال بس عادي وش اسوي للضروره أحكام وولعت به وانا بيني وبينكم ذال بس قلت خربانه خربانه يعني ميت ميت وش فرق هالعرس عن الموت وجلست اصايح زي فلان كرتون ( ايه فلان موب فلام كرتون انا حر) المهم والله كنها ماتسمعني وأنا ماغير أصايح تبون الصحيح وصلت النار نصي ومير أصيح من قلب هالمره والا مادريت الا هي جايتني تمشيء مليون ( أخيرا جت حسبي الله عليها شكلها تبيني اموت صدق) والا ماغير تصايح قلت يامال الوجع ابوتس طفيني بفطس قالت وهي تصايح فديت عمرك جعله أنا ولا أنت ( قلت أيه هين والله انه بقلبتس اللحين تقولين أزين خلك حقك واقل ماجاك ) ياشينه طفيني ولعت كلي بروح رماد هالسفيه أخيرا الظاهر فهمت وجابت لي سطل ماء وكبته علي ومااااااش مولع الا اللحين والا مادريت الا هاك البطانيه الظاهر والله أعلم حقت فيل من كبرها والا ماغير تحطها علي وانا ماغير ارافس واكتمتني فيها اللحين طفت أم النار بس الظاهر الموته بتجي من زوجت قريح ذي كتمتني بالبطانيه يقال خايفتن علي أغمى علي منها ومادريت ويييييييييييين الا أنا صاحي من هاللذعه اللي تقل مسطت كهرب أثاري هالخبله مهوب محترق أنا رايحتن وجايبه معجون سنون وحاطته علي (ياربيييييييييييه والله الدبشه ذي وين عايشتن فييييه معجووووووون أحد يحط معجوووووون ) والله ياني ولعتتت الله لايوريكم جهنم شبت فيني ،قلت أقول ياموضي الفلس ابوتس اطلبي الاسعاف شكلي بودع وبتصيرين ارمله وهي ماغير تبسي والدموع اربع اربع ( مسويه راعيت رحم اها بس ) قالت يالبييييييه ابشر يابعد تسبدي انت وهي مغير تمطط هالكلام مط وانا بموت وراحت اخيرا ودقت ( خخخخخخخخخخ تدرون وش دقت عليه دقت على 905 خخخخخخخ ياربي لك الحمد تقول لهم الحقو علي زوجي يبي يموت وسردت لهم السالفه من وألى والا مادريت الا وهي تدعي على واحد وتسبه) قلت وش بلاتس ابوتس حنا فاضين تسبين الشرطه ، قالت ذا قليل أدب جالس يضحك علي ويقول دقي 997 عارفه يبي يصرفني بس لزقت له يوم شفت انه قليل ادب سبيته وقفلت ، قلت انتي كم دقيتي طيب قالت 905 قلت ياربي صبرني على بلوااااااااي شيفه وخبله ياربي وش هالحظ قلت يالشينه هذا رقم الأستعلامات قالت ياربيييييييييه واشوف الرجال يضحك علي ياخزيااااااااااه بس لايكون عنده كاشف بس ( أقتلها ذي وأروح فيها أعدام ) قلت دقي على 997 الأسعاف بروووووووح فيها وانتي ماغير ياخزياه وبطيخ قالت طيب طيب وراك عجل ( عجل يؤ تبيني اموت ذي الظاهر ) ودقت عروس الغقله وطبعا زي العاده جو عقب ساعتين وأنواع التصاريف يوم جو ضيعنا البيت وزحمه الطريق ومن هالخراط ) المهم وخذوني وحالتي يرثى لها مهتري كلي الظاهر وهم ماغير ينقلوني على النقاله حسيت نفسي لاعب من هالمشهورين خخخخخخ ماعلينا وين اضحك الا ببكي من الحروق اللي فيني والله وقلعوني العمليااااااات وصكوني ببنج مادريت الا أني من صيد أمس وصحيت من بكره والا هي بوجهي بغى يغمى علي مره ثانيه ، ماتشوف شر يابووائل طالعت يساري ويميني قلت من ذا ابو وائل قالت أنت متى جاني ولد ( يوووووووووه جا على بالي اني مغمى علي سنه بس ماسويت شيء وشلون جا ذا الولد ) قلت أييييييه انا احب أسم وائل واذا جانا ولد بنسميه وائل قلت اييييييه وائل يجينا ولد ايه بكره يجينا ولد أنشاء الله قالت اييه أنشاااء الله ( ياربيييييييه ماسلمت منها حتى وانا رايحن فيها ) قلت ماااااش يم وائل على قولتس ماضنتي بتشوفين عيال قالت افاا ليه ياعيوني ، قلت مااااااش خربت الامور قالت وش صار قلت خلالالالالالالاص خربت وبس وهي ماغير تقر على راسي وش صار ( يبوي ذي ماتفهم احترقت كلي وخصوصا كلي مافتهم هي انتم فهمتو وهي لا وشلون افهمها هذي ) يبوييييي اقولتس روحي أسعلي الدختور ( أيه ماتفهم هي الا كذا ) قالت بسم الله عليك والله خرعتني قلت أبد مايخرعتس غالي (أنا طبعا على بالي ان مااااااااش خربت يوم شفت حالتي وأثاريها بس مسألت فتره ويطيب كلش ) المهم والله وراحت وفهمها الدكتور الدختور علشان تفهم هي وجت ماغير تبسم وتضحك لالالا وش دعوه يابو وائل ماتشوف شر أنشاء الله ومن هالخرابيط ( أنا عاااد ناوي أخربها ) قلت لالالا يابنت الناس ماودي اربط مستقبلتس معي مع واحد .....؟.؟ أنا ( وعلى بالي وقفت شوي يعني ماودي وأنا ودي ) بطلقتس ...؟.؟
والله مادريت غير اللي هب فيني بهاك الصوت بغيت افرك من المستشفى منه لالالالالالالالا تكفى أنا احبك ومقدر استغني عنك ومن هالبكش حقها ( والله من التسذب تحبني ) قلت شوفي ( على بالي أتشرط ) أنا أبد ماراح انشفي من علتي ذي يعني بطلقتس ، لالالا كلها مساله فتره وبتطيب أنشاء الله ، قلت أجل أسمعي انا رجال أحب المره تزين لي وتثقف لي وتفهم الحياه زين مهوب تصير كمخه ....؟.؟
قالت بس هذا اللي تبي ابشر يابعد تسبدي ( وععععععع وتدلعني بعد هالشيفه ايه هين تسوين اللي ابي ) قلت ايه بس هذا اللي ابي ، والله ومضت كم يوم وطلعت من المستشفى ، ياناس بغيت اشقق هدومي من هول مارأيت ( خخخخخخخخ على بالي مسقف من هول مارأيت ) المهم بدت هالشيفه تزين لي وتكشخ وماعادت تحط من هالكلونيه حقتها اللي تصرع ورحيت البصل ماعاد اشمها وماغير تلبس لي قمصان هالنوم اللي بيني وبينكم تخقخق ( يعني تذوووووووب خخخخخخ ) ياربيييييييه ليتني مانيب في زي ذي الحاله والا صارت علوووووم ،ياناس هاللحين بس ودي أجرب الزواج ماجربته لي ست شهوووور ماجربته والله بطق قهر بس الظاهر قربت ساعه التجربه خخخخخخخ ماعلينا والله مضى عقبها خمس طعشر يوووم ورحت للدكتور وزبط لي كل شيء ومسكني على جنب قال عرفت من زوجتك أنك عريس قلت لاتقهرني يادكتور أيوالله عريس الغفله بس ماعرف وشو الزواج الا اللحين قال ابد يهبل أسالني أنا قلت أحلف وأشخط بصبع على رقبتك وعليه سعبولتك يالله علشان أصدقك ( أنقلبنا بزران خخخخخخخ ) قال والله صدقني رهيب بس رح اللحين أنت مؤهل تأهيل كامل لتجريب الزواج ، قلت لاتوصي حريص يادختور بروح اللحييييين وجربه ، والله وجيت البيت والا ماشوف الا الزين وش هالاكل اللي يرد الروح محطوط لي وريحه البيت اللي مطيبه ببخور وش زينه والبيت مرتب على سنقه عشره قلت اففففف شكلي مضيع بالبيت ( بيتي آآآآآه يابيتي بس كان بيت عزابيه موب بيت ) سبحان الله وش ذا البيت بغيت اطلع مادريت الا هااااااك الصوت دخل يقرقع بقلبي من زييييينه هلا وغلا بالغالي يامربحبا وسهلا حمد لله على سلامتك ومادريت الا اللي تقل قمر طلع لي من ورى الباب يووووووووووه جلست من اللي شفته فهييييت ( يعني فتحت فمي ) وش ذا من أنتي ، قالت هوووو أنا موضي ماعرفتني قالت يابعد كل غالي ( خخخخخخخ يازينها زيناااااه ) قالت تو ماتبارك المكان قم معي نتغدى قلت أتغدى وييييين أتغدى وين اكل أقول تعالي اجلسي بجنبي بسسسس ( خخخخخخخخخخخ والله أني خبيث أخطط لبعيد والله معي حق ) قالت لالالا قم بس نتغدى والله وتغديت الظاهر أزين غدى بحياتي ،وزينت لي الشاهي ( وأنا ويييييييين والشاهي ويييييييييين أبي ابي ابي احلي خخخخخخخخخ ) المهم والله وزانت العلوووم وزبط كل شيء صرت أبشركم أبو ورعاااااااان خخخخخخخخ حامل المره توني يعني بس منيب مسمي نفسي أبو وائل على قولتها أبي أبو محمد أيه أزين خخخخخخخ بس والله الظاهر أنها بتجيب دسته ورعان ( مدري ليه الله أعلم خخخخخخخخخ ) وتمت قصت زواجي بخير واللحمد لله شكلي بعرس ثاني مره خخخخخخخخخخخ ( معليش جتني مقلاه البيض على راسي ) سيييييييي يووووووو حبايبي خلالالالالالالالاص يهبوم بس يبون يعرفون أسرار الناااااااس خلاص قضت القصه .
*r *t
العرض العادي
