ميت انا....

فطوووومه · 24-06-2003, 01:27 AM

ميـــت انا ما بقـــى في قـلـــبي دم
عــــايش في هالدنيا جســــــــد بلا روح
دايم ألقى في طريقي الحــــــزن والهم
تضـحك علي الدنيا..تضيعني..وتـــــــــروح
مالي ونيــــس وصاحــــب إلا القهر والغم
لين صــــارت دنيتي تزينها الــجــــروح
تضـــــــمني دموعي الحزينة كما ضمة الأم
الي تبكي على ابنها وعلى فرقاه تنـوح
اخـــفي حزني يطـــعن بقلـــــبي ويلم
لكن صرت بعد تنهيد نبـض قلبي مفـضوح
أخـاف افرح..وينقـلب على الفرح سـم
سم اســود أصير بعدما أجــربه مذبوح
ودي أشــــــوف الفرح في دنيــــــتي يعم
وأشوف عطر الورد ينتــــشر منه ويفـوح
لكن هـذا بالنســـبة لي خيــــال وحلم
صعــــــب انه يتحـــقق ولو تطـــــلع الروح

هاوي شعر · 24-06-2003, 01:45 AM

لكن هـذا بالنســـبة لي خيــــال وحلم
صعــــــب انه يتحـــقق ولو تطـــــلع الروح

البيت هذا عيبني ... لاني كاتب بيت بنفس معناه .

حلمٍ حلمته قرب بيته ... صعبٍ وانا فيه ملزوم .

كلمات جميله يا فطوووومه .

*^&الغامض&^* · 24-06-2003, 05:33 AM

مالي ونيــــس وصاحــــب إلا القهر والغم
لين صــــارت دنيتي تزينها الــجــــروح
تضـــــــمني دموعي الحزينة كما ضمة الأم
الي تبكي على ابنها وعلى فرقاه تنـوح
______________________

صح لسانك فطومه قصيده تحمل اجمل المعاني

تحياتي لك والى الامام ان شاء الله

عبدالله الرقاص · 24-06-2003, 02:51 PM

فطومه

كلمات جميله

ولكن ينقصه الوزن

حاول
ان تزن القصيده

وننتظر الجديد والاجمل

تقبل تحياتي

شمعـــة الــدور · 24-06-2003, 11:44 PM

اختي فطووووومة...
ماتقصرين والله.. جداً حلو كلامك.. بس حبيت اقولج شي
لا تكثؤين من الحزن والهم في شعرج.. حاولي تعبرين عن فرحج..
واذا احتجتي شي ترا احنا اهني ومب شاردين..
بتين اي شي والله انه حاضرة واضنج اتعرفين هالشيء..
اختك..شمعـــة الدور

الفجر البعيد · 26-06-2003, 01:37 AM

حبيبتي فطومة..

تسلمين على الكلمات الرقيقة المعبرة..

وصح لسانج على الشعر المؤثر..

بس حبيبتي خففي من الحزن .. وضحكي للدنيا..

ومثل ما قالت اختي شمعة الدور .. احنا كلنا وياج ومعاج الدرب كله .. ان شاء الله..

الله يوفقج حبيبتي .. وننتظر منج الاكثر والاحلى والاجمل..

تحياتــي يا ارق انسـانة
اختــج وصديقتـــــــــــج
الفجــــــــر البعيـــــــــــــد