[poet font="Arabic Transparent,5,black,normal,normal" bkcolor="transparent" bkimage="backgrounds/17.gif" border="ridge,4,black" type=2 line=200% align=center use=ex length=0 char="" num="0,black" filter=""]
وش جاب والي العين لأضعف خدمها=بين الذهب والجوهرة فرق شتان
فرقٍ مثل فرق الثريا وعسمها=عن الثرى واللي بها كاين وكان
الجوهرة كنزٍ تغالى قيمّها=ولاّ الذهب مشراه مبخوس الأثمان
الجوهرة ماسه ولا أحدٍ رسمها=ولا الذهب مرسوم بأشكال وألوان
يمسي المسى مشتاق عنقود فمها=ويقعد صباح النور للضحك شفقان
تسولف دلع والقاع ضمّيا نغمها=تسكت يدق العود مرثية أحزان
الغنج بحسابه توصل قممّها=عافر تسلق هاقي الحظ به خان
والشِعر لو تنثر شعرها نظمها=قصيدةٍ تقصد على مرّ الأزمان
الليل ذوّب جادله في عتمها=والورد شهده بعثره فوق الأوجان
الملح حاقد والحلى متهمها=من كثرهم فيها نقص فيهم الشان
وحوش الصحاري للمنايا عشمها=بفريّهم مشهاتهم لبس الأمتان
البحر موجه غارقٍ في طعمها=وتلقى بها غرقى السفن طعم الآمان
العيطموس اللي ذبحني حشمها=فجت خفوقي وإعتلت رووس الأركان
تشاوحتني لين جيت لقلمها=وقهدت من حر الأحاسيس قيفان
سال القلم والحبر جف وختمها=يوم المشاعر صحصحت والحكي زان
وقلت أختتمها دام مسكي نسمها=قبل الأصابع تنحرق فوق نيران
وآخر كلام اللي فقدها ورتمها=بكل إختصار الجوهرة أروع إنسان
[/poet]
العرض العادي
