الحـب الصـادق هـو الـذي يـخلق معنـى الحيـاة ..
ونحن نجهل ماذا يخفي لنا الزمان
أأحلام حلمناها وحان وقت عناقها
أم اقدار خشيناها وحان وقت آلامها
أم رياح عاتيه .. تريد قبل افلاكنا
ام اخطاء الماضي .. تريد إهلاكنا
التــاريــخ ..: 1412هــ ,, المديــنه ..:الريــاض ,,الوقــت ..: العطله الصيفيه ..
<اقول عبدالــعزيـز> <هـلا فيـــصل> <ويــن هيــا> <هناك تلعب ماريو فالصاله بالكمبيوتر الجديد الي جابه ابوي هديه نجاحي> <امش امش خل نلحقها والله اني اعرف العب فيه .. واحسن واحد فيكم انا>
وفعلاً لحق عبدالعزيز( 8 سنوات) وفيصل( 8 سنوات) هيا ( 6 سنوات ) اللي كانت بالصاله .. تلعب كمبيوتر العائلـه.. (( اخر مانزل بوقته)) .. هذا الكمبيوتر.. الي جا فيصل كهديه نجـاح..
فيصل..< دوري وقسمن وقسمن انه دوري.. انتي منول وانتي تلعبين قبل لانجي..> هــــيـــــا..< لاااااا مابي اصبر اصبر بس اكمل هالمرحله واهزم وحش النار..> عبدالعزيز..< اصبر اصبر فيصل .. خله تلعب.. والله انه مهيب سهله.. وصلت لهذي المرحله اللي محد وصلها..> فيصل..< اييييييه ايييييه عبدالعزيز.. شف قسمن بالله ان ماخليتها تقوم عن الكمبيوتر.. لا اعلم خالاتي امك وامها.. وامي.. انك تحبها وتبي تجووزها..> هــيـــا..< ههههه وااع مسكين حتى مايعرف يقول اتزوجها زين ..وبعدين اصلن انت مالك دخل.. اذا عبدالعزيز يحبني ويبي يتزوجني ولا لا.. وحتى انا ابيه وابي اتزوجه..> فيصل.. اييييييه اييه الحين عرفت خطتكم.. ترا انا اعرف الخطط..بس هين اوريكم..كملو خل يجي دوري..>
بــعــد عــشــر ســنــوات..
فيصل..<والله يابو عابد يا شفتلك بنت اليوم يوووووووووووووووووووووه قسمن بالله تقول للقمر وخر وانا اجلس مكانك ..> عــــبــدالعزيــز.. < لا والله شلوووون ..> شفتها اليوم انا والعيال وماش احاول ارقمها بس ماعطتني وجه والحق وراها بس بيني وبينك ماعطتني وجه ..> <افا يافيصل بس طحت من عيني والله اول مره تقولي انك ماقدرت على بنت بالعاده مصيد البنات انت وخشمك ..> <هذا الي رافع ضغطي يابو عابد اول مره بنت ماتعطيني وجه قسمن بالله عطيتها كلام ماقد قلته لحد .. بس راسها يابس شكلها زي حالتك تحب واحد ومخلصه له .. والله انكم سبايك ..> <اووووووه عاد يافيصل تراني اليييييييوم مبسوط من جد وين تبي تتعشى علي وين ماتبي فالي تبي ..> ليه بشر يابو عابد عسى الوضع تمام مع المدام بتاعتك ..> <تمام وبس الا اكوس من الكويس ..> <هههههههه .. الله يرجك وش الي اكوس من الكويس .. تعال تعال وش سالفتك انت ..> < هذا ياطويل العمر اليوم دقت علي نوف ولأول مره فحياتي اشوف رقمها على جوالي يافيصل .. تصدق عاد اني قعدت المح لها اني احبها .. وهي برضو نفس الكلام تلمح لي .. اقولك اليوم مافيه زيه قسمن بالله .. وتقول بعد ان عندها هديه لي ورسايل جوال بشوفها من جوال اختي ..> < ماشالله ماشالله اخس يابو عابد اجل الوضع ادهار .. بس تعال يعني مادري احس انك اكبر من انك تحب .. الحب مادري شي ماعترف فيه .. وقديــم ونظام ماتشوفه الا بالأفلام المصريه ..> <لا والله ياخي انا استغرب شلون انت عايش بدون حب تكلملك سبعين بنت وتبي تعرف الحب ..> <اقول خل نظامك زي نظامي آكل طيري وامشي ..> < مايخسى والله الا انت ونظامك ياخي قسم استحقر نفسي اذا كلمت بنت غير الي ابيها .. احس اني خاين وكذاب وغدار وكل شي فيني ..> < بسم لله على عمرك يابعد عمري اجل تحس انك خاين وكذاب .. فارق الله يرحم والديك يابو عابد مانيب رايق لك يابو حب ..> < اذكرك بكلام ذا يافيصل وبيجي يوم وتحب وقل ماقاله ابو عابد ..> <اقول شفت الكره نفسه لو يحب انا ماحبيت ..> <مانت عاقل يادنجوان البنات انت ..> <المهم عبدالعزيز خلنا من ذا الكلام .. كني اشوف امي الي هي تصير خالتك.. تعرفها ؟؟.. ولا تسميها خيانه لو تعرفها بعد ..> < ههههههههههه الله يرجك ايوه وش فيها خالتي..> < مادري وش عندها رايحة لبيت جدتي ومتكشخه لايصير في عزيمه اليوم ..> < لا اليوم جاين كل العالم ومجتمعين فبيت جدتي استعداد لعزيمه خالي عبدالرحمن .. بيسويها فالبيت الكبير .. بعد يومين ..> < اما عااااااااااااد اوووففففف منكم ومن عزايمكم .. يعني لازم نصب ونشيل يوووه ياشينكم بعد انتم وعزايمكم يالسعوده ..> < مشكلتك انت ايطالي وخوالك سويسريين ..>
ترررن ترررررن ((نغمة جوال فيصل ..))
فيصل ..< هوووولا والله اهلين بالحلوه رغوده ..> عبدالعزيز...<والله ماتخلي حركاتك انت .. اقول بس اشوفك على خيــر ..>
ويأشر فيصل بيدينه موب فاضي لبو عابد ..
وبــعد يوميــن بالليل .. في عزيمه خال عبدالعزيز وفيصل عبدالرحمن .. طلب الخال عبدالرحمن من فيصل انه يجيب شاهي قبل مايوصلون الضيوف .. دخل فيصل يجيب الشاهي وصادف قدامه هيا بنت خاله عبدالرحمن والي اعطته الشاهي .. وطبعا ماتوقع فيصل ان هيا كبرت واحلوت المهم خذا شاهي وهو في قمة الأستغراب من جمال هيـا .. وغريب عن العاده انه لما شافها ارتبك .. وكمل العزيمه وهو منبهر بهيا .. وبعد العشا طلب فيصل من عبدالعزيز انه يمره بعد العزيمه كالعاده .. وفعلاً بعد العزيمه راح عبدالعزيز لفيصل ..
فيصل ..<وينك انت كل ذا فالعزيمه من زينها الحين ..> <ياخي والله تخبر قعدت مع خالاتي وقعدنا نسولف وضحكنا وانبسطنا وجيتك .. تصدق توني ادري ان خالاتي منسمات ..> <بالله قعدت عند الحريم ..؟؟؟ اكيد اجل شفت هيـا ..> <ايه هيا المنسمه .. دايم اشوفها عند خالي ..> <تصدق شكلها تغير ..!!> <لا والله سلامتك يافيصل لاتغير ولاشي بس انت من زمان ماشفتها ..> <عاد تصدق انه محلوه ..> <المشكله ماقدر اقول استح على وجهك لأنها بنت خالك ..> <اقول لاتفهم غلط بس هذا الصدق ..> <اقول فيصل وضعك مايطمني وش عندك انت ..> <هاه .. لا ابد مافيني الا العافيه ..> <اها .. بس انت بتفكر تفكير غلط بهيا تراها بنت خالتك ..واهجد لأدبجك ..> < اقول عبدالعزيز والله البنت اعجبتني تصدق ..> <والمطلوب يعني ..> <مادري والله ..> <ابد كانها معجبتك رح دق باب ابوها واخطبها ..> < اوووووف والله انت طموحك كبير ..> <اجل وش تبي يعني ..> < اصلاً احد قال اني ابي شي انت وخشمك .. انت الي خشيت فعيني اخطبها
هناك شي غريب..!!
لم يلاحظه عبدالعزيز..
هناك فريسه جديده.. لعنكبوت الحب..
الذي بدا حديثا يخطط على (فيصل) ..
وبدا بكل هدوء.. ومن زاويه لايستطيع فيصل تجنبها..
بدا هذا المتوحش اللطيف..((عنكبوت الحب)) ينسج الشباك حول فيصل..
وليس كالعاده.. لم يجر فيصل اي مقاومه.. بل بدا يدور حول الشبااك..
وكانه يريد هذا الفخ ..
هو بالطبع ليس الا فخ وردي..
يتمنى الجميع ان يقع فيه... وبصدق..
وفي ليلة مقمره..ُطرح فيصل أرضاً .. أعلــن انتصار ناسج الشباك..ورفع اعلامه في ساحات قلب فيصل ..
ومن بعد عده ايــام.. وفي بيت عبدالعزيز.. :
فيصل..<هلا خالتي ام عبدالعزيز .. شخبارتس شخبار امي عساكم طيبين ..> <هلا والله فيصل ..ههههههه.. اذا امك منتب تدري عنها..وشلون تسال عن احوالي..> < وش فيتس انتي ياخاله صدقيه مره.. هههههه.. امزح معتس..المهم شخباركم.. كلكم دون استثناء..> < والله بخير ..ننشد عنكم..> <الله مير يسلمتس ياخاله..> < جاي تنشد عني ولا جاي تنشد عن عبدالعزيز..> < والله كانك تبين الصراحه.. دويتو.. ههههه يعني كل الثنتين.. الا هو وينه؟؟ > < تلقاه بغرفته فوق ..والظاهر انه نايم..>
فيصل..< اووووووف وراه نايم كذا ذا .. هيييييييه عبدالعزيز انت هيييييييه قم قامت عصبك استغفر الله .. ابو عااااااابد ابو خشششششم ..> عبدالعزيز.. بنص نظره.. حتى مهيب كامله..< هاااااااااااه وش تبي انت ياكثرك بعد يافيصل .. ماتشوفني نايم ..> <ابو عابد قم بالله ابيك بموضوع ضروري وخاص ..> < وشو تهاوشت مع رغوده ولا تطاقيت مع مدري منهي وتبيني اصالحكم .. لعبه عندك انا انت وياها ضف ضف ضف ..>
ويرجع عبدالعزيز لنومه .....
فيصل ..< يوووووووه ياقدمك بنات وما بنات خلاص ذي ايام المراهقه والصبا ..>
وقام عبدالعزيز من نومه مستغرب ..
<غريبه من الي قدامي .. اي والله هذا انت فيصل .. وش الكلام الي اسمعه مراهقه وحركات مانت عاقل وش السالفه..> <قم قم غسل وجهك ذا الي كنه بريق ماركة السيف ومصدي بعد وغير ملابسك وتعالي تحت بالملحق قلتلهم يسوون لنا نعناع عشان اخبر انك تحب النعناع ..> <هههه.. والله شكله موضوع مهم.. مضبط الوضع من قبل ..يالله شوي وجايك ..>
عبدالعزيز ..<مسااااااااء الخيررررررر فيصل .. اووووووف يازين النوم زيناه تعال وش الي مراهقه وحركات لاتقول انك تركت البنات ..> <اي والله تركت البنات .. شفت شلون الدنيا دواره يابو عابد ..> <وش عندك فيصل مانت على طبيعتك ..> <اقول عبدالعزيز قسمن فيه وحده خشت مزاجي وخلتني اترك كل البنات ..> <اخسسسسسس والله قويه ذي البنت .. منهي الي امه داعيه عليها ..> <لو اقولك منت مصدق ياعبدالعزيز ..>
ويملا عبدالعزيز..كاسه من شاهي النعنااع.. ويسلمها لفيصل.. ويقوله..
والجزء الثاني بالطريق00
العرض العادي
