يوم ثارت حروفي .. شفت فيها السكون
قــمت انـادي حـروفي يالــله تعينها
قلت ابوصف عيون اللي عطتني شجون
وادري ان الوصايف صعب تضمينها
يا هنوف(ن) غديتي في حياتي جنون
قـلـبـي الـلي عـرفـتـه ماعرف شـيـنها
عيني اللي تناظر من عذارى شيون
زيـن كـل الـخـلايـق مـلـْك بيدينها
لاسجد رمش عينك فوق سود العيون
قـلت يالـلـه دخـيـلـك مانحـرم عينها
شفت كلّ العذارى عندها ينحنون
وزين كلّ العذارى ماوصل زينها
ياهنوف(ن) لك الله شفت فيك الفتون
فـتـنـة العين والله صابر(ن) حينـها
كل ماشفت عينك قمت اشيل اللحون
قمت اهيجن .. ونفسي خابر لِعِينها
لعنبو جد عينك سبّبت لي طعون
لعـنـبـو جد عينك .. لعنبو دينها
لعنبو جد عينك بالضماير تمون
تاخـذ الـعـمر كـلّه فـدوة سـنـينها
ياهنوف(ن) غدت لي في عيونك فنون
الـمـنـيـّه .. رموشك من عناوينها
لاصفقني شعاع(ن) بارق من المزون
قـمـت اهـلـل واكـبـّر ((جـنـتـي ويـنـهـا؟؟))
اسود الليل شفته داخل العين نون
وابيض اللون حوله حارس(ن) بينها
والرموش الكثيفه دونها كالحصون
تـطعـن الـقـلـب والله كـايد طعينها
لبّى رمش(ن) لعينك نظرته لي حنون
لـبّـى عين(ن) تناظـر تـقـتل بزينها
جنّة الرب رغبه للي شاف المنون
شفت موتي بعينك زايد ونينها
قالوا: لذّة حياتك..كثر مال وبنون
قـلـت : لـذّة حـيـاتي..شوفتي لعينها
ولو كتبت القصايد خيّبتني الظنون
كيف باصف عيونه وانصفه حينها؟؟
ودامني بالقصايد عجّزتني الفنون
قلت ابسحب حروفي قبل لا هينها
سجدة الرمش والله للخلايق سكون
طـعـنـة بالـضـمـاير ويـنـي وويـنـها؟؟
ربي ارحم بـحالي عقب سود العيون
يـوم زيـن الـعـذارى مـلـْك بيدينها
العرض العادي
