بسم الله الرحمن الرحيم
السلام عليكم ورحمة الله وبركاته
اخواني وأخواتي .... لا تؤاخذوني بشأن
هذه المشاركه المتواضعه فخذوها بما فيها
وتقبلوها وما عليها
[poet font="Simplified Arabic,5,darkblue,bold,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
راحت وخلتني على وضع مهزوم = بين الرجاء والياس عشت النكاده
راحت وانا في خاطري شيء مكتوم = اخفيه لا يمسك حسود(ن) زناده
اخفيه في صدر(ن) من الهم مزحوم = لولاي اصابر قلت هذي بلاده
ابين البسمه لو الجرح مكلوووووم = عزاه يا قلبٍ شقى البعد صاده
اضحك وضحاكتي حواسيب وارقوم = واخفي بعض همي وصبري جلاده
اسبح مع كثر التناهيت واعوووووم = واغوص لكن ما لقيت القلاده
ابحث عن اللي يصلح الحال ويسوم = يسوم بعض من العناء والقرداه
ابيع من يشري وانا غير ملزوووم = للي شراء لو صار حاله كساده
تمر بي حالات واصير مهموووم = وابحث عن اخبار الأمل والسعاده
لكن انا للي مقدر ومقسووووم = مؤمن واعرف الزرع وآخذ حصاده
مغنيني الله لو بعض وقت معدوووم = واصبر على حر الدهر مع براده
لكن اعاني من بلا حب مرسووووم = مرسوووم في قلبي ويطلب زياده
يا اهل الهوى حب الغنادير مفهوووم = درسٍ درسته واصبح الدرس عاده
دكتور يادكتور عاين لمحرووووم = وافتح على شاني لمثلي عياده
معروف(( خــلــيــل المطيري ))
[/poet]
العرض العادي
