السلام عليكم ورحمة الله وبركاته
اليكم احبتى هذه المتواضعه وهي تعبر عن نفسها
[poet font="Simplified Arabic,5,black,normal,normal" bkcolor="transparent" bkimage="backgrounds/20.gif" border="none,4,gray" type=2 line=200% align=center use=ex length=0 char="" num="0,black" filter=""]
عزاه ياقلبن بداه الوقاشي=من جادلن ارسل سهومه وناشه
نبش مغاليق الضماير نباشي=واظهر خوافي ماحوى حس جاشه
وجهن مليحن عند عيني بشاشي=ما اعرف اميز ضحكته من هواشه
مرت وانا احوقص بجنب القراشي=مثل التريك اللي يمر الفراشه
جسمي نحيل و معتريه الهشاشي=وزادت على حال المعنى هشاشه
يوم التحظني بالرموش العكاشي=ياويح قلبي طحت وارعش رعاشه
قمت انتفض و اقول عندي نقاشي= نادوا لي الجاني و اببدا نقاشه
واقفى و لاعبر شعوري وماشي=متعود يقطع قلوب الرباشه
لاوالله الا راح عمري بلاشي=ما فادني خروع ولا مرقداشه
له مشية غنجه ولا مثلها شي=يا ليت خدي طول عمري فراشه
وردفن اذا سارت يجيه ارتعاشي=وداخل فؤادي يعتريه ارتعاشه
ونهدين رمانن بورد(ن) رشاشي=تل الزرار و ضاق منها قماشه
وساقين ساقني لحدب النعاشي=اموت و الا في العناية انعاشه
ومبيسمن يبرق وتربش رباشي=وخدن كما عطرن بصافي غراشه
وحجاجها نوضن بوسط النواشي=ونحر اغار من الذهب كان حاشه
لو شافها العاقل يصيبه طياشي=زين البشر في موج زينه قشاشه
خذني و خذ ودي كامل معاشي=لحظه معك تسوى العمر مع معاشه
ليتك ملازمني لزم جرح شاشي=ليتك محطاتي و انا صرت شاشه
يحفظك ربي من عواذل وواشي=او حاسدن يرسل عليكم فلاشه
دفعت مهر الموت يا ناس كاشي=وش جابني و الله بلشت ابتلاشه
من دون قلب اصبحت جسمن قفاشي=ارفق على ضيفك و باللين ماشه
جنبك ربي من تعوس و حراشي=كانك تهنيتي فا نا صرت باشه
[/poet]
وسلامتكم
الغبه
العرض العادي
