بغيت ارقد وانا حزني يشجعني على المسرى
________________وكيف ارقد وانا همي يقلّبني على الجنبين
طردت النوم من عيني ورحت لمهرةٍ شقرا
________________وقلت اليوم يازينه دموعي حايره بالعيــن
دموعي كثر ماسالت تعدّت وافتحت مجرى
________________كثر ما هملعت عيني اخاف تجرّح الخدين
وانا اللي من دفا راسه يفز بساعة الغدرا
________________وانا اللي كبريا باسه يقاوم طعنة السكيــن
وانا اللي لا نهت صدره يروح لرملة البترا
________________يروح بكامل احزانه ويكتب ملحمه للزيـن
احب المهرة الشقرا وبشكيها على القمرا
________________غلاها من غلا حالي ويمكن زايده ثلثيـــن
ترى يا بنت من حبك سريت لبيتكم حدرا
________________بغيت اكتب على بابه متى يا غاليه بتجيـن
متى وجهك ينوّر به ونذبح ناقةٍ عفرا
________________انتي بس قولي لي متى ياغاليه تلفيـــــــــن
احبك ليه ماحبك وتشهد كفي السمرى
________________احبك والغلا يذبح شجون العاشق المسكين
تمر سنين وتعدّي وم انسى عينك الخضرا
________________سؤالي لو تكرمتي تجيبين الحلا من فيــــن؟
قبل ليلين من حبك حكمتي مملكة كسرى
________________سكنتي بجمل قصوره وانا تصفق لك الكفين
ترى يا غاليه والله غلاكم عندنا يشرى
________________وابي منّك اذا جوّر عليك الوقت ما تبكيــــن
ابيك اثبت من جذور الشجر فالعجه الصفرا
________________ابي كل الليالي الظالمه والغــــــادره تنسيــــن
واذا تبغين شوفيني حياتي كلها قشرا
________________ولو اجمع مسرّاتي ترى ما تكتمل شهريـــن
وصفحات الشقا دايم على وجه الشقي تقرا
________________ولكن ما يفرّحني يقولوا للشقــــــي عمريـــن
زرعلك بالغلا قلبي بنصه وردةٍ حمرا
________________بدم القلب نسقيها ونبضه يــــوزن البيتيــــــن
عشقتك والله العالم وغيرك مات ما يطرا
_______________حفظتك داااااخل عيوني وجلّستك على الرمشين
فقومي واضحكي دامك بعيني مهرةٍ شقرا
________________ولا يطري على بالك اسيبك بس لو (يومين)
اخوكم وشاعركم
مغرمخلود