مـــرثـــيـــه علـــي

[شيط بيط]

السلام عليكم ورحمه الله وبركاته هذي قصه مأساه حصلت لي شخصياً بطلها انا وعلي ووتقدر تقول ان بطل هذي القصه انا وروحي لان علي هذا كان اغلا علي من روحي والله وترخص لعيونه قبل لا تقرون القصيده ابقول لكم كم كلمه يمكن تحسون بمعنى الحرمااااان انك تنحرم من اغلا واحد بحياتك ما اخفيكم والي رفع سبع وطمن سبع انه بدا ينافس غلات امي وبوي اقصد علي بقول لكم بععض المواقف الي صارت بيني وبين علي على سبيل المثال لا الحصر ولا المواقف والله كثيييييييييييره مرررره علي هذا اعرفه من زمان ما تتصورون قوه العلاقه الي بيني وبينه الى درجه اني ما استغرب اذا قمت من النوم ولقيته بغرفتي قاعد ولا يشغل المسجل ولا ينتظرني اقوم لان كان معه مفتاح بيتنا بس عشان تتصورون قوه العلاقه الي بيننا مع العلم اني ساكن مع اهلي ومن عايله محافضه يعني ما يقدر يشوف اهلي او اننا نجلس سوا مع امه وخواته او امي وخواتي يعني عشان تتصورون برضو قوه العلاقه ما استغرب اذا امه دقت علي وقالت تعال خذني للمكان الفلاني علي هذا اول ما طلع سياره والله وقبل لا يركبها جاني وعطاني السبير وقال والله تحرم علي ان ما اخذت المفتاح والمواقف كثيرره والله تتعب وانت تعدها وكل موقف والله يثبت على رجولته وشهامته الله يرحمه ويجعله بالفردوس الاعلى لكن ما ابي اطول عليكم ابي اقول لكم بدايه الماساه علي اصيب بفشل كلوي وانا سويت اجراءات عشان ابي اتبرع له طبعاً بكل سريه ولا احد يدري والله سويتها بمستشفى خاص وعلى حسابي الشخصي والله حتا اهلي ما يدرون عن الي انا مسويه والحمد لله طلع جسمه يقبل الكليه لو اهديتها اياه لاحضو اهديتها مو تبرعت طبعاً بلغته وقلت له السالفه علي رفض وقال لا تعب نفسك بيشفيني الله والحمد لله وبقدره قادر مع العلاج والادويه حمد لله طاب ورجع كما كان وبختصار علي الله يرحمه توفا بحادث سياره مع العلم انه كان مكلمني قبلها بيوم وكنا ناوين نطلع نخيم اذا رجعت انا وقعد يوم بغيبوبه ثم توفا انا ما كنت بالرياض كنت مسافر برى المملكه اول ما جاني الخبر رجعت للرياض على اول طياره وانا والله ما هنيت لا بنوم ولا اكل والي خلقني يعني اصابتني رعشه وخوف والله العظيم اشبه ما تكون بيوم القيامه استغفر الله وصلت للرياض اخذت السياره طوالي ع المستشفى والله حتا شنطتي نسيتها مع راعي اللموزين وحطها بالرسبشن حق المستشفى طبعا دخلت للعنايه المركزه واجهت امه وابوه واقفين عند الباب امه اول ما شافتنيجتني مسرعهو ظمتني بقووووووه وقالت محمد رفيق عمرك بين الحياه والموت وهي تبوس يديني وتقول لي انت فيك من ريحه انت اخر واحد نطق اسمه قبل لا يغشى هذا والله كلامها لا زجت ولا نقصت فيه انا اول مره بحياتي تلمسني حرمه غريبه عني مع العلم انها كبيره بالسن 0000والله يا جماعه اني اكتب لكم هالموضوع وعيوني صبابه لي اكثر من ثلاث ساعات اكتب هالموضوع مع العلم اني سريييع مرره بالكتابه000000000000000مو قادر اوقف دموعي 000000 طبعاً ابوه مستحي مني ويصبر نفسه سلم علي وحبيت راسه وقلت له سلامات ان شاء الله سليم ونرجع زي اول وابي اطمنه وفجاه التفت ووخر وجهه عني كلمته وقلت له يا عم وش فيك قال محمد انت ولدي لو راح علي وانا اطمن فيه اخر شي قال لي تعال ابيك بكلمه طبعا ام علي طول الوقت تطالعني بنظرات والله بكتني مدري فيها تساؤلات غريبه ما فهمتها المهم رحت مع ابو علي وقال لي محمد انت تعرف علي اكيد انه يعلمك باشياء محد يعرفها الا انت وياه وتراني ابوه لا تخبي علي وقعد يسالني عنه وانا اجاوبه اخر شي طلع الدكتور وقال لنا ان شاء الله الحاله مستقره وما فيه الا كل خير وجت الفاجعه بعد اربع ساعات من المرابطه بالمستشفى جا الخبر الي هدني حيلي الي خلاني اسهر ايام ما انام قال الدكتور وبكل برود من والد علي قالابو علي: سم قال لنا وهو يناظر الارض احسن الله عزاك وان شاء الله انه يسبقكم الى الجنه انا طبعاً طلعت شياطيني والله تمنيت اني الحقه لكن حمد لله على كل حال طبعاً الام اغمي عليها وابو علي ارتفع عليه الضغط وما بقيت بالغرفه الا انا وجثه علي والله اني اطلع واضرب نفسي انا بحلم ولا بعلم والله من قوه الحزن الي فيني مني قادر احزن قمه القهر انك توقف قدام شي يستصعب عليك ولا تقدر تسوي شي .......يتبـع

[شيط بيط]

.....قمه القهر انك توقف قدام شي يستصعب عليك ولا تقدر تسوي شي قعدت ابوس فيه وامسح راسه واسولف له عن الي سويته يوم سافرت والله ولا كنه ميت مدري وش جاني كل ما ذكرت هذا الموقف احس اني مجنون ابختصر السالفه لاني طولت عليكم ولا الكلام واله واااااجد ووصف الحاله الي اصابتنا فوووق انه ينوصف بكلمه ولا سطر جا موعد الدفنه وهذي الساعه الي ايقنت انه فعلاً الي صار صدق صلينا عليه ولله الحمد الي صلو عليه كثييييييييييييير مره مره وكلهم من معارفه مشا الله علي كانت سمعته حلوه ومحبوب من الكل جا مو عد الدفنه وشلنا جثته على كتوفنا وصلنا للمقبره وانا دموعي مو مخليتني اعرف اوقف من شدتها نزلناه للقبر وتمنيت اني اكون بجنبه والله انا نزلته بقبره بيديني الي اكتب لكم فيها نزلت علي الي كان اغلا علي من نفسي وعيوني وروحي ودفناه طبعاً الناس والله كانو يحسبوني اخوهمن كثر دموعي ويقولون خلو اقرب الناس له يدفنه خلو اخوه يدفنه ونزل ابو علي معي دفناه وانا طبعاً مو مستوعب الوضع والله ما تتصورون حالتي يعني مهما قلت اعجز اني اوصفها دفناه دفنت بيديني شخص حبيته من كل قلبي وهو اخلص لي من كل قلبه دفنت شخص لو طلبت روحه ما بخل بها علي ادري طولت عليكم هذي هي السالفه باختصار شديد واترككم مع القصيده مع انها مو كامله لان خانتني الذاكره فيها هذي اغلبها كان لي عبر الزمان الاولي ===== صاحب من اخوتي يدعى علي تسكن البسمه في مبسمه ===== دائم البشر كبدر مقبل(ي) لم يغاضبني بعمري مره ===== وكلام الزور ما قد قال لي صاحب افديه بالنفس وما ===== ملكت نفسي ومرأ مقلي غاب عني ذات يوم(ن)باسماً ====مشرق الوجه بعيد المأمل(ي) لم يكن يعلم ما خبأه ===== دهره عما قليل ينجل(ي) غفلت عيني فقالو راحل ===== ليته يا ليته لم يرحل(ي) غفلت عيني فما ابصرته ===== فغلى قلبي كغلي المرجل(ي) يا علي ترحل ما ودعتنا ===== اي ذنب قد جنينا يا علي لم تصافحنا وما ودعتنا ===== لم تبادلنا حديث القبل (ي) لم تمتعنا باخر بسمه ===== كبتسامات الزمان الاول (ي) يا علي يبكيك عيسى انه ===== ذو فؤاد محرق مشتعل (ي) لم تدع فيه الهموم موضعاً ===== ما به نار وجرح يصطلي (ي) ويهيم الدار نايف سائلاً ===== اين علي لم يعد للمنزل (ي) اتراهم صدقو في زعمهم ====== ليته يا ليته لم يرحل (ي) يا علي تبكيك ام طالما ===== اسهرت جفناً لكي يهنا علي ولكم صامت لكي تطعمه ====== وعليه كم بنت من امل(ي) فجعت فستسلمت صابره ===== يا بنفسي الصابر المتجمل (ي) يا علي ان فرقت اقدارنا ===== فلقانا عند مولانا العلي ولان فارقتمو ابصارنا ===== ورحلتم كالنجوم الافل (ي) لم ابدل خل قلبي لم يزل ===== صاحبي عبر الزمان الاول(ي) واذا الذكرى اناخت رحلها ===== واتى باليل طيف من علي فارفع الكفين واسال ضارعاً ===== لعلي الخير اعلا منزل (ي) رحــم الله عـليـاً كـلما ===== اعلن الاشراق صوت البلبل(ي) يا ابا عمار كم من بـاكـي(ن) ===== قد بكا دهراً ولم يستحمل(ي) قدر الله فسل من مصطبر=====واحتسب اجراً الا ان تنجلي ما عرفناه علياً انما =====هالني ما قال ذاك العبدلي ملاحظه: ابو عما ر هو لقب علي رحمه الله طبعاً امه لما سمعت القصيده حلفت محد ينام بغرفه علي الا انا والى الان بين فتره وفتره امه تدق علي وتقول لي تعال سير علينا واقعد انا وبوعلي وامه الله يطول بعمارهم حتا اخوانه الصغار يكونون معنا........... واعذروني على الاطاله...واعذروني برضو لانه خانني التعبير اني اصف شعوري.... وللامانه هذي والله اول مره انزلها بمنتدى.. ولكم تحياتــي...

[*ألحــــان*]

المخلص والوافي عزيزي شيط بيط رحم الله ( علي ) وأسكنه فسيح جناته .. وألهم والدته وأهله وذويه الصبر والسلوان .. والله وبالله .. أكتب لك وأنا لا أرى الكيبورد .. وسأخرج من هنا .. والدموع إنهالت بالمقلتين .. الله يصبرك ويصبر أهله .. يعطيك ألف عافيه على هذه القصة الحقيقية والتي أحزنتني كثيرا .. لا أدري ماذا أقول .. كان الله في العون .. عزيزي .... أنت رائع بمشاعرك الصادقة نحو المرحوم .. مخلص وافي .. قلّ أمثالك في زمننا هذا .. تحياتي وتقديري لشخصك الكريم أختك ألحــــان

[شيط بيط]

مشكوره وما قصرتي اختي العزيزه

وتاكدي ان الانسان احيانأ يعجز انه يعبر عن الي بداخله
فما يلقا الا انه يمسك القلم ويبدا يكتب ما تلقا تشكي الا لقلمك
بالزمن هذا قل الصديق الي يحفظ السر
وقل الصديق الي اذا تفرقتو يذكرك بخير
يمكن علي هذا نسخه لا تتكرر بحياتي الشخصيه لكن اقول بري ووصالي بامه وبوه
يعني ما تتصورين فرحتهم اذا شافوني وبين فتره وفتره يجون لنا بالبيت يعني بشكل مهووس وكل ما شافتني امه تقول لي نت فيك من ريحه علي وتبكي

يعني الانسان ما يبي يطلع من هالدنيا بغير الذكر الحسن
ومن علامات حسن الخاتمه ان الناس يذكرونه بخير
ومثل ما يقولون ماله اعداء

طبعاً............نسيت اقول لكم علي كانت امنيته اني اتخرج من كليه الحاسب وهذا انا الحين احقق امنيته...... ع الاقل اناجي طيفه الي بداخلي
واناجي الذكريات والايام الحلوه
وان غاب عن الدنيا ما غابت ضحكاته وصوته وهو يناديني يعني ذكريات فوق فوق فووووق ان توصف
يعني والله اني كتبت هالقصيده في وقت قصير جداً

وبين فتره وفتره تخنقني عبرتي وكني بموت من كثر البكا
لكن ............
بعد فتره يهدا الانسان ويتاكد ان ما بيده شي الا انه يدعي لعلي ويذكره بخير

والله يرحم جميع موتا المسلمين
ومشكوره على تواصلك اختي ............
تمنياتي لك بالتوفيق
وعلى الــود نلتقي...



اخوك محمد

[الرزينة]

الله يرحم علي

ويرحم موتى المسلمين

قصتك اخوي مؤثرة جدا

ابكتنا

فكم هو مؤسف ان نفقد صديقا مخلصا يندر وجوده في هذا الزمن

ولكن ليس امامنا الا الرضا بالقضاء والقدر

اعانك الله

وانزل على اهله السكينة والسلوان

ضربت اخي مثلا رائعا في الوفاء والاخلاص0

تحياتي لك0

[دنيتي]

احي العزيز وسيدي الكريم

الواافي والمخلص
شيط بيط

اخي العزيز
رحم الله علي واسكنه فسيح جناته
والهمك الصبر على فراقه

ورحم الله موتا المسلمين جميعاً

قصتك اخوي مؤثره تبكي العين
وتجرح القلب بفقد
جوهره نادره من الاخلاص والوفاء

اخي العزيز
صح لساااانك مليون

قصيده تذكرك بصاحبك المخلص
فلهو الذكرا الخيره في الدنيا
والجنه في الاخره

ان شاء الله

اخي العزيز

ادام الله والديك وادامك لمحبيك

تحيات
اخوك
!^دنيتي^!

[شيط بيط]

الى الرزينه......

مشكوره وما قصرتي ..... ومهما ابدينا الحزن ومهما حزنا لن نصلح ما افسده الدهر ... ويمكن الانسان يمر بفتره حزن وضيقه لكن بعد فتره يوقن انه خلاااص ما عد يفيد الندم


وكل الي اتمناه منكم الدعاء لاخي وحبيب قلبي علي


ودمتم سالمين.......

[شيط بيط]

دنيتي......
اولاً امييين على دعائك
وجزاك الله خير على تواصلك وعلى شعورك النبيل
وادعو من الله ان لا يرينا باحد منا او باحد من قريبينا مواقف محزنه

اخوك
شيط بيط *3