وحشتيني..............

[فتى الأحزان]

مساء الخير احبتي


اليكم مايـــلي



كنت انا

كنت انا اتجاهل غرورك .. .. .. وانكتب اني احب

يا كثر ما قلت ابرحل ... لكن ... فراقك صعب

وين ابرحل ... وانت ساكن .. فيني وبكل الاماكن

يعني من صدقك حبيبي ..... امتلي منك جراح

هذا انا جيتك يا عمري .. وابيديني لك شعور

التفتلي في غيابك .. فدوه لعيون .. الجراح


**

حزين

.. حزين .. وشارد ومرهق ..

ومتعب لو تحسيني

مثل ما انا احس انك .. .. غريبه داخل ثيابك

انا احبابك

انا وجه الصباح اللي .. يطفي ظلمه .. عتابك

انا القهوه .. وعصفوره

ترفر في خجل .. متعب

على اطراف .. ابوابك

**

مدام انك مو قد الحب .. تخليني احبك ليه

ومدام ان الهوى بك صعب ..

ما قلتيلي من اول ليه

وانا اللي .. نمت باهدابك

نسيتي ليه.. ؟؟

واني ميت .. واحيابك

نسيتي ليه.. ؟؟


وحشتيني

وحشتيني

امانه بس قولي لي ..

باني اوحشك ..دايم

واني يا بعد عمري

وحشتك .. حيل

تعالي ...

تعالي ...

تعالي يا بعد كل الشعور

ونبض خفاقي

تعالي

تعالي اروي بطهرك ..

لهيب الجمر ..باحداقي

تعالي جيت كلي .. جيت لك

ايه والله .. ملتجيلك .. في ذرا .. عينك.. دخيل

جيت هارب .. من عنى وقتي وجهلي

جيت كلي ..

جيت في صعبي وسهلي
جيت حي .. وجيت ميت ..

جيتك احيا في وجودك ..

واروي احساسي بجودك

جيت لا حضانك .. عليل

**

و للامانه ..

ما الومك لو زعلتي

بس .. لا ..

مو صحيح انك رحلتي

ادري والله .. بترحمين .. وترجعين

ولو والله ما .. رجعتي

وان حصل نفرض .. قدرتي .. تبعدين

القدر يمكن .. يجيبك

.. يم حبيبك .. تذكرينه .. ؟؟
ذاااااااااااااااااااااااااااااااااااك ياللي.... تعشقينه ....

تذكرينه ؟؟

ايه هذا ...؟؟

ياللي باخر هالزوايا

ايه ياللي ..

مختبي خلف .. المرايا


تعرفينه ... ؟؟؟؟؟


هذا كان يموت فيك ..


اسف .. اسف ..

(( كان )) كلمه لفعل .. ماضي

و هو ..

عايش فيك .. حاضر .........

والحقيقه


هذا حي .. وميت .. فيك ..


وان سالتي وش تغير ..

المرض ..

هده ..وبعدك


اشتياقه ..

وجرح ..صدك


والنحول اللي سكن به ..

ينتظر في يوم .. ردك


حتى انه في صلاته ..

دوم يدعي

ان دخل بالرحمه .. جنه


ما يبي الحور .. الحسان ..

وما يبي .. كل الجنان


هو يبي في الجنه انتي ..

ودام كلمن هو دخلها

اتحقق امنايته ..

هو يبي بالجنه انتي ..

وهذي اكبر امنياته

دام ما يوصلك .. دنيا ..

انتي في الجنه كفايه

وهذي هي كل الحكايه ..

يا جعل يومك سعيد


وهو نفسه فيك .. كاتب :-

كل نثره والقصيد

اسمعي الرجوى .. بصوته

... اتعبه جدا .. سكوته

اسمعي :-

انكتبنا للفراق المر وهموم التنائي
.......................... خلف شـبـاك الاماني والـسـراب
يا غروبي .. يا شروقي يا سمائي
.......................... ياحروف الحب فـي وسط الكتاب
دوك حبري والقصايد من دمائي
.......................... .اكـتبيني و اخذي الباقي خضاب
دام قلبك .. يرتضي مني عزائي
.......................... عظم الله اجــر قلبك ... بالغياب
وينك انتي .. جيت ابعلن لك و لائي
.......................... احمل اصدق حب طاهر والعتاب


ااااااااااااااه ... يا هذي القصيده

حبرها من .. نزف دمه ..

فيها من حزنه .. وهمه

يا ملمه .. بكل قضيه .. في حياته

يا وجوده .. وانتي اكبر .. امنياته

هو حالف ...

يا عيش العمر فيك .. او يموت

وانتي اختاري بيديك


قولي انه .. قولي انه

هذا هو ياللي عشقتي ..

هذا ياللي تعشقيه

ايه قوليها بيسمع

وده يسمع همس ..

منك
وده يهرب منك ..

عنك

شفتي ....................؟؟؟؟

هذا هو .. والله تحرك . ..

وانتشى من عز قهره

بالع الحسرات ..

جمره

قام صلى .. واستخار

من بعدها .. قام اقسم

بكل تفاني واصطبار

ان والله ما رجعتي

ان يصوم الدهر كله ...

لين يموت

وما يكلم حي غيرك ..

همس صوت

وانتي .. طبعا تعرفينه ..

دام اقسم

لا تراجع .. او فرار

وانتي

وانتي .. لازم ترحمينه ..

من قراره

صعب يوفي ... حلفه اللي باختياره

كيف يوفي .. ..

والمرض يبطل صيامه

كيف يوفي .. ..

دام ما يوصل .. كلامه


كيف يوفي .. ودنيته .. عيّت

عليه

كيف يوفي .. .. وفي الاصل ..

مكتوب .. ميّت

طالبك بالله قومي ..

ارجعي له

وارحميه

ارجعي له

وارحميه



وارحميه





وارحميه




وسلامتكم



أخوكم_فتى الأحزان

[(آهـــات)]

السلام عليكم اخوي فتى الاحزان
بصراحة كلماتك رائعة وبغاية الجمال
فهي كلمات تعبر عن اجمل المشاعر واكثرها عذوبة
وهي تدخل القلب بسرعة وبدون استئذان
واشكرك من اعماق قلبي على هالاحساس الرائع

وتقبل مني تحياتي
واتمنالك التوفيق

اختك ...

(آهـــــــــــــــــــــات)

[شقـShQaoUaـاوه]

الله الله
وصح الساااانك



قمه بالرووووعه والله انها حله بهيه صغتها بتمام المهااره ,,


وسلامتك ان شاء الله من الحزن وضبابة الأحزان ,,


تحياتي وتمنياتي لك بالتوفيق

و
إلى

الأمــــام

[الرزينة]

مدام انك مو قد الحب .. تخليني احبك ليه

ومدام ان الهوى بك صعب ..

ما قلتيلي من اول ليه

وانا اللي .. نمت باهدابك

نسيتي ليه.. ؟؟
***********
فتى الأحزان

الجمتني كلماتك

كسرت قلمي

وجففت حبري

فكيف لي ان اسطر بعد حرفك حرف

اخي

بكل الصدق00رحلت مع كلماتك

تغلغلت داخل ذاتك

وكأن معاناتي معاناتك

سلم قلمك وسلمت

لاتحرمنا ابداعك

تحياتي وتقديري,,

[ابن عباد]

الغالي / فتى الاحزان

جدا حدا رائعة كلامات تدق القلب فيها الصدق والشوق وفيها نجد شاعر متمكن

( اقسم انك شاعر من القاع وحتى النخاع )

وفقك الله ولك مني كل الحب والتقدير ودعواتي الصادقه بالتوفيق

اخيك/ ابن عباد