اخــــــــي المقــــــــلع ....
العربجه او الصياعه كما عرفه العربجي المخضرم مفتاح عجل في كتابه الممنوع (فنون العربجه تصنع المعجزه) هو انك تكون بايع الدنيا بجنط سيكل يعني تكون ماخذ الدنيا كقطفة دخان وواطي عليها.
طبعا لكي تكون عرجيا محترما لازم تتخذ اجراءات احترازيه في حياتك يعني بلغة العربجه لازم تسمكر حياتك من فوق ل تحت.
فالمقوم الاساسي او الخطوه الاولى عشان تدخل في عالم العربجه هو انت لازم تدخن ,,ومش اي دخان لازم يكون ماربورا احمر اما المريت و الكنت فهي دخان للمبزره وخلك منها لانها ماتدمر الصدر مثل الاحمر, وخله على طول في جيبك يعني كأنه الجوال حقك كل شوي تطلعه وتاخذ زقاره , وحاول تدخن قدام ناس اصغر منك عمرا علشان يقولون والله هذا قوي ويضحي بحياته في سبيل التدخين ويدخن احمر وتكون قدوه سميكه لهم لعالم العربجه. واذا احد سألك من متى وانت تدخن ؟قله من ايام رابع ابتدائي
<== خلك راعي ارانب
اولاً : حركات السيارات
اذا عندك سياره فخمه ولا ابوك بيشتري لك فياقرا ولا ابو رمش لاتقبل بغير الهايلكس او الددسن او الجمس الصحن وا ال200 L ,,
وبالنسبه للأغاني فلا تسمع الا ل عزازي او بشير .
وانت تسوق لاتربط الحزام و تفشلنا ! حاول انك تسوق وانت شبه منسدح يعني لاتلزق ظهرك بالكرسي تسند بكتوفك بس وسوق وانت مسوي بأمها ثقه يعني سوق بيد وحده واليد الثانيه (اليسره ) مطلعها من الدريشه والزقاره بره
<== وانا داري كان طلع قطو في وجهك شمعت في اقرب لمبه
وحاول انك تطيح الموتر يعني بلغة العربجه (ركه الموتر ) وهو انك تنقص عدد اليايات الي في الكفرات الي ورا اوا انك تحط كيسين سميت او اربع بلكات ,,يعني الثقل راح يطيح الموتر
واذا مريت قدام شله حاول ان تقرص بالسياره يعني (تفحط بنمره)
ثانيا :التفحيط.
حاول انت تتمرس على عمليت التفحيط يعني تدرب وانلم كان عند بيتكم شارع وسيع وحاول ان تكون لك سمعه مابين عمالقت التفحيط هو صحيح انك بتشمع في كم لمبه وكم زباله ولكن التكرار يعلم الحمار
ثالثا: اللبس.
اما من ناحيت اللبس فأول ماتفصل لك ثوب اقطع اول زرار من فوق (مهب حق الرقبه !! الي تحته ) علشان تبين شعر صدرك والبس شماغ من غير عقال ورسم ترسيمه البكاريه او طق اللطمه
والبس نعال زبيره واذا مشيت خل نعالك تحك في الارض يعني لاترفع رجلك
رابعا :المدرسه
واذا كنت تدرس لا تلبس شنطة ظهر روح المدرسه ومعك كم كتاب يعني سوي بأمها عندك محاضره وباقي الكتب خليهم في درج الطاوله
واجلس في زاويه الفصل وحط رجل على رجل ولا سألك المدرس :هذي جلسه !!! قل له لا نسخه اصليه .
خامسا لاجيت بتسولف
لاجيت تسولف خلك واثق من نفسك وسوي بأمها انك فاهم في كل الاشيا (سمكره , ميكانيكا , بواجي ,عبث في السياره , ومن هذا القبيل)
يعني اخترع سوالف من دمجتك انك طقيت اربع خوال وانت بلحالك
<== داري ماعندك ماعند جدتي
وانك مره هزئت عسكري في نقطة تفتيش
<== مع اني داري ان العسكري فرك بوجهك القاع
وانك مره نحشت من الهيئه
<== اغسل وجهي كانهم ماقرعوك!
سادسا: قسم الشرطه
كل تبن بس لاتوهق روحك هذي مافيها نفحه اقسم بالله تاكلها ست اشهور ابو زعبل
سابعا: المغازل
لاجيت تغازل سو روحك ابوك الوليد ولا عندك ابو رمش وكل يوم هندي يغسله
وانك ماتخاف من احد
<== انا اشهد ان اول كف من الهيئه بيسنعه
اذا صادفت بنت وودك تتحرش قل: الشفر للبيع!
ثامنا: عند المخبز
انصحك انك ماتسوي بأمها عنتر لان الافغاني بيخبز وجهك كانك رفعت صوتك عليه
تاسعا: لاجيت بتطاق (( تتضارب ))
انا داري انك راح تتصفق بس لاتقول لأحد او اقلب السالفه قل انه ماجالك شي ابد
بس كل الي براسي حطيته
اهداف الموضوع الخطيرة
هو ان تعرف ان العرابجه ماعندهم سالفه وان حركاتهم القرعه معروفه يعني يالعربجي تسنع انت وياه وانثبر.
وسلامتكم وسلامت المستمعين
<==قايل شعر ابو الشباب
وسلملم ودمــــــــتــم سالمين
القصة فيها نسخ ولصق افهموها