الثمامة اللي اللي مايعرفه هذا مثل الهاف مون في الشرقية ومثل درة العروس في جدة بس مافيه بحر وسمك هو فيه بحر بس لونه أصفر وسمك يحفر ولا يعيش في الماء بس في الصحراء يسمونه أهل الرياض
ضبان ومثل ماقال الشاعر : هين هين يالضبان موعدكم بكرة مع الشكمان
ونبدأ قصتنا مع الثلاثي المرح Raan وتناهيد ومها
في مرة من المراير دقت Raan على تناهيد وقالت لها أنا طفشانة وأبغى أطلع للبر قالت لها تنـــاهيد ولايهمك وين تبين تروحين بس انت آمري يا Raan قالت لها أبغى أروح للثمامة وقال لها خلاص أمرك وأمر لين عشان تروح معانا
ومرت تنـــاهيد Raan ومها بالقلابي حقها الواضح أمامكم
وفي أثناء الطريق قالت Raan أنا نفسي في مندي ولازم نشتري تيس نسقطه اليوم في حفرته
ومرت سوق الغنم وشروا تيس كثير الإزعاج وفي نفس الوقت قلق مثل بعض الناس
اللي يسمعه يقول عنه حمار او ثور
وتجره Raan للقلابي تبي تركبه وتجره مع أذنه وتنزلق معه خمس مرات
وعرضت عليها تنـــــاهيد المساعدة
وزاعقت وصارخت عليها Raan بصوتها المجلجل المخيف خلوني عليه أنا أوريكم فيه
فما عرفت تنــــاهيد صوت التيس من صوت Raan لأنهم قريبين من بعض
وقالت مها لو سمحتوا أنا رايقة اليوم لا تزعجوني بصوتكم وصوت تيسكم
وتركبه Raan القلابي وتحاول تربطه وأصبعها مجروحه مربوطة بنايلون
فقالت تنـــاهيد هذي بداية غير طيبة وغير مطمئنة اللي هذي أولها ينعاف تاليها
ووصوا الطعس اللي في الثمامة وهم فرحانين انهم راح ياكلون أكلة شهية بس ماكدرها الا صوت هالتيس المنكر
وقالت مها واللي يرحم والديكم سكتوا هالتيس أنا رايقة اليوم لاحد يزعجني رجاء شوفوا لكم حل معاه شربوه سفن اب خلوه يروق مثلي
قالت Raan يالذيذ يا رايق انت اقول اسكتي لاحطك محل هالتيس
وتقوم تنـــــاهيد وقالت انا اللي باذبح هالتيس " مجرمة هالبنت القشرا "
وقالت دعوني أذبح هالتيس ذبحا مبرحا " سيبوية الأخت "
فإني اخشى أن لن تقدروا عليها فإن جسمه كالبغال وأنتم أجسامكم مثل العصافير " ناوية تنــــاهيد تمثل مسلسل تاريخي اسمه أنا والبخيل "
فثارت عليها Raan شلون تقولين هالكلام وانا اللي ركبته
وخذت السكين وتلوح بها ووجهت التيس للقبلة وتاخذ كراع التيس بعنف وقالت لايغرك جسمك يا تنـــــاهيد
والله لوكنت مكان هالتيس كان قلت بك في دقيقة
فرجعت Raan كراعينها شوي واستعاذت بالله من الشيطان الرجيم
وسألت تنــاهيد ومها أن كانت تبغى مساعدة
وهم مشتاقين انها ماتطلبها منهم وهم عارفين انها ماراحت تطلبها منهم
فقالت بغرور خلكم في حالكم لو سمحتوا
ووقفت تنــــاهيد ومها يراقبون المشهد ويراقبون Raan وهي تتنافس وتتصارع مع هالتيس المذكور واللي أكبر منها بوزنه مرتين وكان له شعر أحمر مثل شعر الأسد
وتمسكه Raan وتحط رجلها على رقبته ويصرخ التيس ويرفس الين طاحت Raan على صدرها وتصير كراعينها الطوال فوووووق وتصارخ
ويراددها التيس بصرخة أقوى منها
وكان صوته غريب مايشبه أصوات الحيوانات ولا أصوت البشر
فقالت Raan ما أخليك تروح أنا يا ذابح اليوم يا مذبوح
فقالت تنــــاهيد والله صوت تيسك هذا منكر وأخاف انه يكون من الجن
فقالت Raan والله ماعندي له الا هالسكين باسم الله والله أكبر وإن شاء الله مايكون جني أن شاء الله لو يكون رئيس الجن محد قاله يتجنس ويتنكر في صورة تيس " الظاهر ان Raan توها ماخذة الجنسية عشان كذا متأثرة "
وحطت مها الرايقة الرقيقة يديها على عيونها وقالت يا ربي يا Raan حرام حرام عليك خلك طبيعية حرام تذبحين شيء قدامي وانا رايقة اليوم على الأقل شربيه سفن أب قبل ماتذبحينه واسأليه عن أمنيته قبل ماتعدمينه يا المجرمة
وتغرز رجل Raan في الرمل من ثقل التيس وصته اللي خرق صماخ أذنها فطاحت وطاح التيس فوقها
وقامت تنـــــاهيد الدلوعة تكركر عليها من الضحك
وقال مها لو سمحت لا تزعجيني بضحكتك يا الكركارة لأنني اليوم رايقة ولا أبي احد يزعجني
وينط التيس فوق Raan ويدوس على راسها ويدفنه في الرمل
وتنـــــاهيد ماهمها تكركر وماسكه بطنها من الضحك عليها ماهمها
وتقوم Raan وراسها مدفون تمد يها في حركة سريعة وتمسك بذنب التيس وتجره على الطعس وينقطع ذنب التيس ولا تشوف الا كم شعره في يد Raanوالتيس حر طليق
وقالت مها هاتيها انا بسويها باروكة لي
وقالت Raan انا اليوم مو رايقة لاتزعجيني
وقالت لازم أذبحه يعني لازم أذبحه وتقوم من طيحتها ووجها كله رمل وتتعاون تنـــــــاهيد ومها على هالتيس ويمكسونه
وتجي Raan من فوق تنط عليها كنها سنوكا أو سوبر مان أو طرزان " اختر الإجابة الصحيحة "
وتذبحه Raan أخيرا
وتلتفت على تنـــــاهيد وتقول هلا احفري للبرميل في الرمل وامليه بالنار
وقالت مها وانا وش اسوي
قالت لها Raan انت ماتصلحين لا للطبخ ولا للنفخ ولا للذبح ولا للسلخ
بس دوري لنا عن أغنية تنعشنا
لما خلصت Raan من السلخ وتحول البرميل الى تنور مسعور
فشالت التيس تبي تحطه في البرميل
وقال لتنـــــاهيد ومها استعدوا أول مااحط التيس وأغطي البرميل حطوا عليها الرمل ونفذوا تعليماتي حرفيا
وقامت Raan تتفلسف عليهم وتشرح لهم وش يصير لهالتيس المسكين في الناربالشرح والتفصيل الممل حتى سال لعاب تنـــــاهيد ومها
وقامت Raan تعبي منهم سطول وطشت واحد وانفتحت شهيتهم
وتقول لهم Raan راح تاكلون أكل ماكلتوه في حياتكم انت وياها
وتعرفون ان الدعوة ماهي لحم مسلوق رخو وحبات منثرة من الرز
والله لاخليكم تهذون باسمي وتتكلمون وانتوا نايمين
وقالت تنـــــاهيد وش بصير أكلك انا مااشوف الا قبر محفور
وردت Raan اذا طلعت التيس بتلقون لها نكهو طعم
وتضحك مها والله مدري عنك انت وتيسك
وقعدوا ثلاث ساعات ماعندهم سالفة الا عن هالتيس ولحم التيس وهم ينتظرون الإفراج عن التيس
فقامت Raan أخيراً وقالت وخروا لا أحد يقرب وخروا عن النار
فانبطحت تنـــــاهيد ومها كنهم في حرب
ورفعت Raan غطاء البرميل بس ماسمعوا لا فرقعة ولا أي صوت من اللي قالت عليهم Raan خانوا
فقالت مها الظاهر ان التيس استوى الين هجد
وتنبطح Raan وعيونها كنها عيون جربوع
وترفع التيس وصار التيس ني كأنه توه مذبوح
وتطالع Raan البرميل ولقت النار خامدة ولا فيها أي دخان
فقال مها شلون فاتت عليك ان النار تحتاج إلى أكسجين
وقالت تنـــــاهيد أي والله يا Raan كان لازم تخلين البرميل يتنفس
فقالت Raan وهي حمقانة كلكم بدون عقول شلون فاتتكم أنتوا
فقالوا لها حنا كنا نتبع تعليماتك يا زعيم
وسهروا على الجوع الين طلعت الشمس
وكلوا التيس فكان احلى فطور صباحي ولا أشهى ولا أحلى من الإفطار على لحم التيوس
أتمنى أن القصة أعجبتكم وإلى اللقاء مع قصة أخرى ومع أعضاء نكبة آخرين
وأتمنى ان الثلاثي المرح ما يزعلون مني *e
العرض العادي
