أخواني في الود العزيز هروب الخادمات ظاهره متفشبه في المجتمع بكثره بس قصه إنك تلاقي شغاله الساعه 3 الفجر في الشارع هذي المصيبه وهذا ما حصل معي قبل 5 أيام كنت في المنزل الساعه 2.30 تقريبا المهم رحت ابي أنام عشان الدوام المهم لما دخلت الغرفه تذكرت البطاريه حقت المنبه منتهيه يوه كيف أصحى عاد علي نوم الله المستعان المهم طلعت ورحت السوق وشريت بطاريات ووقفت عند البيت وطفيت السياره وكان في المسجل اغنية رابح > باين عليك أستهوتني الاغنيه قلت خلني أسمعها وأنا داخل جو الاغنيه مره رايح معاها لا ومنزل المرتبه على الاخر بعدها واحد دق الدريشه وأرفع رأسي قسم بالله أرتعبت قلبي صار بين رجولي مرأه في الشارع عاد الزجاج مضلل ما ـأكدت وأفتح الباب وأنزل ياهوه واحد من وارد سريلانكا هلا والله أمري وأعطيها ظهري وأبي أخش البيت ياولد تلحقني أختنا في من جد أنبلشت بها وخفت أتركها تطيح في عيال حرام المهم كلمتها وين بيت كفيل تقول سريلانكا وبعدها بكت يا ولد وش السوات مع هذي أنا ما نمت وريحت نفسي بلا بطاريات بلا هم فكرت قلت مالي إلا الدوريات والله وأتصل عليهم واعلمهم الموقع وتعرفون الدوريات يومهم سنه وانا وإيها في الشارع حتى إنه مروا شباب ماتوا من الضحك وأنا ما ألومهم من جد موقف مضحك وأخيرا جات الدوريه بعد عدت أصالات وأخذوها بعد تسجيل كامل بياناتي وراحت في سبيلها هذي قصه من كثير من القصص أبي أعرف وين أهل البيت وقت هروبها وليش الباب مفتوح لكل من هب ودب يدخل ويخرج وبعدين ألا يشكلون هولاء الخادمات عبء على البلد في ترحيلهم والنفقة عليهم............................................. أخوكم مرجان
العرض العادي
