السلام عليكم ورحمة الله وبركاته
ملكة قصائدي ... او سيدتها
أقدمها لكم
وأتمنىَ أن تنال علىَ رضاكم وأستحسانكم
ظبي الخليج
[poet font="Simplified Arabic,5,orange,normal,normal" bkcolor="black" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
كيف أصيد الضبي وعيوبه مزايـا= كيـف أصيد الضبي وسهــومه تصيد
لو بــدون عيــوب مـا بانـت حلايـا=من حلاه احترت كيف اوصف واعيد
ياقصـــايد ماعلـى احروفـي زرايـا=حرفـي المعذور في الوصف البلـــيـد
لك بنـيت القاف واضنتــنـي النوايـا=قـــلت اسبــك وانقــلب حــرفـي نشيـد
أخدج مــا مــل مـــن هــز الحنايـا= كيـف بالنـــظــرات أردانــي شـهــيــد
أبيــضٍ تخجل منه بيـض المرايـا=برق يــلـمـع بــالحـلا نـــوره فـــريـد
القــمــر يخـسف كمـا سـود الملايـا=البياض اصبح ســواده شــي أكــيـــد
بـيـن بدرين استـبـانـت لـي خطايـا=قـمـت أشــد أفـكــاري بحبـلٍ وتـيــــد
القــمـر يـخسف سبب ذيـك السوايـا=شرهة الخــالـــق وتـهــديــد ووعـيـد
من سواد العـين تروي لي ضمايـا=وطلــتـــك تـبـشيــر بـافـراح ٍ وعيـد
تجتمع قــطـرات حبــك فـي سمايـا=ويـنـتـظر صدري منـه قطـر زهيـد
ريــح هتــانـك أشــمـه مــع هــوايـا=وطعم حرمانـــك سكـــن دم الـوريـد
نـورت لـيـلك من اعروقـي شظايـا=من بــقـايـا جمــرة تـفـتــك .. تـبيـد
أحسب انجوم الضحى ذا من شقايا=ساهر ٍ ليـلي وهـــواجــيسـي رصيـد
عشـت سـاعـات العمر هـم وعنايـا=المـســـا والصـبــح هــمٍ مـا يـحــيــد
يوم غبتي صارت اعيوني سرايـا=عفت نومي ما غفا طـــرفـي سهيـد
هذا انا وهذي بعـد حـد الروايـا=انتــهيـت ومـا بـقــيَ شـــي جـــديـد
[/poet]
تحياتي لكم
اخوكم
الشاكي
العرض العادي
