[ هـذي وصــية خير تبعد عن العيــب .. من واحدٍ شاف البهاذيل باعه]
بسم الله الرحمن الرحيم
والسلام عليكم ورحمته وبركاته
((( وصـية خيــر )))
أعرف للواجب وأعرف المواجيب "=" وماني من اللي يجحدون الجماعه
ومن لا يجي ربعه تجيه العذاريب "=" ويصير بيدين الرجاجيل ساعه
كلن يديره في سموم اللواهيب "=" وليا حضر طاريه تلوى ذراعه
مايقدر يطالب بوقت المطاليب "=" مهتوم طايح ما يلوح شراعه
عز الله أنه في حساب المصاويب "=" جرحه كبير ٍ زاد فيه أنصداعه
ولوهو بغى يبريه تجيه التعاذيب "=" مسكين شاف الويل ماله مناعه
ولوهو بعد حاول ماله معازيب "=" ماله سند ياقاه وقت الشجاعه
ماله رفيق غير راعي المعاييب "=" يمكن يسلي قلب راعي القطاعه
هذ وصيـة خير تبعد عن العيـب "=" من واحد ٍ شاف البهاذيل باعه
الاخ العزيزة صادق الكلمة
صح لسااااانك على ها لوصية الطيبة
كلمات فيها من الحكم الشيء الكثير
يعطيك العافية على هذا الابداع
تقبل شكري وتقديري
اخوك متأمل خير