نفيض أخــــلاص
ونعطي من محاسنــــــــا
نحسب الناس كل
الناس نسخة من طبايعنا
ـــــ
الموت حق وكلنــــا هذا
يقينـــــــــه
مير البلى من ذاق موته
بفراقك ولا مات
ـــــ
أليـا مدحتك مدحتك من
جزيل لجزيل
والعين مذهب معـانيها
على خلهــــا
ـــــ
بعترف لك بس آخر أعتراف
أنت وحدك بس منهو همني
دامني مغليك ماعندي خلاف
وأن تشتت من غلاك فلمني
وأعرف أنك وسط قلبن مايخاف
سمني مجنون حبك سمني
لو حبي لك ورى صدري يشاف
والله أن تقوم ثم تضمني
ـــــ
الهوى ياأهل الهوى همه كبير
من تولع به مثل غوص البحر
فيه موت وفيه شر وفيه خير
دايم العاشق مهدد بالخطر
جربه قلبي من العالم كثير
الشقاء به والعناء به والسهر
راضي به لو يصير اللي يصير
كم محب مات من زود القهر
ـــــ
قدر علي ربي وحبيت مزيون
يامن يسليني عن الزين لا غاب
القلب واحد والحبايب يزيدون
والمشكلة قلبي له أقفال وأبواب
ليتني مثل غيري من اللي يحبون
لا غاب محبوبي يجي غيره أحباب
ـــــ
ماعاد يغريني القمر ليلة النصف
عادي طلع ولا تحجبه سحابه
من يوم راح اللي ماله بالعرب وصف
عندي غدت كل الليالي تشابه
مثل البليد اللي جلس بآخر الصف
ما شال هم الأسئلة والإجابة
ـــــ
لا يطول غيابك ثم أخذ عليه
لو تخليت عني عنك قلبي تخلى
العذر والتعلل والحكي مانبيه
من تحرك فؤاده بالهوى ماتغلى
ـــــ
أخيل براقك ولا طالني ماك
ميت ضماء مير الضلوع مغسوله
وهذا أنت قدامي وهذيك فرقاك
جرحن يبي يبطي منوخ ذلوله
تدري وش أصعب ماتشوفه بدنياك
أنك تشوف اللي ماتبي وما تطوله
ـــــ
أشكي همومي وأشكي البعد مرات
وأحيان أعيش بصمت تذرف دموعي
لك صورة ما باعدتها المسافات
لك ضحكة تعكس صداها ضلوعي
طيفك يمر بهاجسي كل الأوقات
وأحني له الهامات وأعلن خضوعي
ـــــ
ونة خفى تكتب على عمري أحزان
ضيم وقهر وأيام عمر محسوبه
تبددت أحلام عمري بهجران
وتبدلت سهل الحياه بصعوبه
بالصبر قالوا تأخذ الحق مليان
وأنا صبرت وصار صبري عقوبه
ـــــ
ياويل قلبي تولعت فيه الأشواق
وياويل قلب ينجرح من حبيبه
جروح قلبي نصها من الأوراق
جرح يطيب وجرح وينه طبيبه
ـــــ
وش حيلتي مادام حظي عصاني
أصبحت عاجز حاير في مكاني
وخدي بدمع العين ياما كويته
هذا القدر مكتوب والعمر فاني
لكن أمانه كان موتي لفاني
قبري تحطونه على باب بيته
ـــــ
لو تسير الرجل ولا ماتسير
لو تشع الشمس في جنح الظلام
ولو يذوب الصخر من لفح الهجير
لو يغطي الفضاء سرب الحمام
والعمى يصبح بعد حاله بصير
ويستعم الشرق الأوسط بالسلام
أنت تبقى بالغلا مالك نظير
ولو أزيدك يعتذر عنك الكلام
ـــــ
أبيات للشاعر ضيدان وصلتني من شخص
وهذا ورد عليها :
أي والله أني حزين وخاطري مكسور
لو أضحك وأتباهى بالسعاده يابحر جده
أنا يوم أخفي دمعتي عنك يابحر معذور
صديت والصده هي الصـــــــــــــــــــده
مابيك تقول عني يابحر ضيدان بن منصور
وقف في يوم من الأيام ودموعه على خده
وأنا مانيب حيا الله رجل يكشف لك المستور
أنا رجل يموت ولا درت الأمواج عن سده
ولا أقف موقف لاهب قدي ولا أنا قده لاطغى المغرور
أنا قد الكلام وموقفي قدي وأنا قده
.. الرد
خل الحزن يبعد وفرح الخاطر المكسور
وأضحك وضحكنا ياعسل جده
وأمسح دموع العين ياولد معذور
قبل دموع العين تجرح الخده
أرحل وخل عنك دموع ابن منصور
اللي دموعه وسخت بحر جده
وأنا أفتخربك يالصاحب المبرور
اللي الطريق تسد من سده
وأبا أقف موقفي لا ساحر ولا مسحور
وأنا قد هالحكي والحكي قده
ـــــ
ماني بقايل عسى الله يهنيك
الله يحرمك كل ماكان هناك
عسى العمى ياخاين العهد يعميك
فوق الغرور اللي عن الأرض أعماك
وعساك ماتفرح وتكثر بلاويك
إهـــــــــــداء
لكل من ضيق صدرك !
ـــــ
شكرا" جزاك الله ونعم الوكيل
محشش مسوي أخلاق !
ـــــ
بدوي يعلم ولده اللغة
العربية قال هل أشتري
لك قلما" يا ولدي
قال بصرك يا أبي !
ـــــ
ـــــ
.. تحياتي
والله انك مميز ومتألق في مسجاتك وذوقك عالي واحب اقرا ما تكتب انت بالذات .. بس ليش الحزن في معظم ما تكتب ؟ انت انسان مرهف الاحساس...
يعطيك العافيه
ياصدى الجرح في صوتك جروح
هي بقايا هم او جرح ابتدى
كنها اشواقن وسط صدرك تنوح
وكنك مفارق حبيب لك غدا