[poet font="Arial,5,purple,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالي نشدتيني وري خاطري شين =وش لك بتقليب الهموم الدفينة
لو الجبال الصم تسمعني الحين =يمكن تصدع من بكاي و ونينة
أنا ضحية عام تسعه وتسعين= أنا ضحية عوامة يا فطينه
بداية القصة قبل خمسة سنين= يومي دخلت ألنت وأحكم كمتينة
قلت أتسلى كلها يوم يومين =أشبع فضول"يسبق الجيم سينه"
بديتها يعنى ثقافة وتحضين= وأنهيتها وسط "ألما سينجر" سجينه
هذا يكلمني عن الرمش والعين =وهذا يقول انه شراع السفينة
وهذا يقوا الحب يا شاطره زين =وهذا يحيني وسط نغمه حزينة
عادى.ولكن شخص واحد من ألفين =كنت أعتبر نفسي لنفسه رهينة
يرفع شعارات القنا عات للدين= يلبس رداء الرضا والسكينة
له فلسفه تقنع محاكيه باللين= أقنع إذا قال الصحاري مدينه
كنت ألمسه غيمه وأسمعه رياحين= كنت أسمعه صوت الأذان وحنينه
أشوفه ركوع الطهارى المصلين =أتذوقه "رقيا" الشيوخ الثمينة
لكن ونفس الشخص هذا بعد حنين= من التفاهة صرت لعبة يدينه
شاطر لعبها صح وأستا هل البين= كنت الغبية التافهة المستهينة
هذا نتج ألي لعب بالسكاكين= يسيل دمه من مضارب يمينه
شوفيني وعمري وصل للثلاثين= حيه وأحس أني بقبري دفينة
هذا الماسبنجر وش بعد منه ترجين= شيلية قبل انه يطالب بدينه
أخاف من يوم بجي خاطرك شين =وأصير أحرك بك مشاعر حزينة
[/poet]
الأستاذ حزين المعاني
صح لسانك ولا هنت
كل الود أحلى ضحية بالدنيا
تحياااT وتشكراااT
العرض العادي
