تسألني عن حبي لها
عن قلبي
عن الفجر البعيد
تسألني عن نبض روحي
عن هاجسي
عن فكري والأكيد
تسأل عن نزف جرحي
عن سكوتي الدايم ..ماتدري اني غريق..
ما تدري انها تحييني في حبها بعد المغيب واصبح بعدها مقتول بسهامها
ومدفون في بحر عميق..
آه...اقولها طول ليلي
سقمت وانهد حيلي وانا لوحدي فقيد..
افقدوني اهلي وانا فيهم أضحك واهوجس يمكن اشهق باسمها بدل نفسي
ويقولون عني غريب...
هي الدنيا لعبت بي؟؟
والا هي الأقدار تنتقم من شئ بعيد؟
تقول احبك..واقول وانا..
ماقوى اكمل ..اخاف ابكي
واخاف دموعي تحفر على خدي مجرى وسد عتيد..
تحكيلي عن مشاعر واحاسيس
عن حب يملى قلبها
عن قساها ولينها
تشكيني مني لي..
يمكن قلبي قاسي..يمكن قلبي جبار
يمكن انا جبل ما ينهار..
بس في النهايه انا بشر
واحساسي لي فخر..
مايهمني تدري..ولايهمني تحس
مايهمني دمعي الساكت
مايهمني الناس من حولها
مايهمني حلها وترحالها
طول ما انا تحت سما ربي
وهي في قلبي
وتعطيني من روحها ..بحبها
وإلى وقفت عن حبها..قتلت معها مشاعري
وكفنتها..وزفيتها في تابوت لحد عندها
واكتب عليه..
حبيبتي ..انا باعيش من غيرها..
بس ياترى..بتلقى مثلي يحبها؟؟؟؟؟